احفاد أل هزاع

part 9 (2ج

" احــفاد أل هزاع "

:- نرجس محمد ||🇮🇶

مشاهده ممتعه لا تنسون النجمه وتعليقاتكم لطفاً 🩷🌟

لــم يَكُـن لـَي نَصيب مَن الاشَياء ألتَي أحبَبتهُا، سَوىٰ النظَر مَن بَعِيد .

________

وعــد

صـعب جداً صعب شعور العجز من تحس نفسك تريد تسوي أي شي يساعد البشر الگاعد يتعذب مقابيلك بس مابيدك شي تحس بعجز مو طبيعي مثل شعور المشلول من يريد يگوم ومايگدر يريد يتحرك يخطي كم خطوه بس عاجز عن الحركه وهنا حتا الگلب يحس بعجز مو بس الجسم

كل بشر واله قدرة تحمل واني ماعدي ماعدي قابيله اشوف اخواتي جاي يتاذن روحي من الدنيا وصية امي بناتي احسهن مو اخواتي ويمكن لو عدي بنيه ماتجي بمعزتهن ومن سابع المستحيلات احد يوصل لمعزتهن بگلبي

ود تؤأم روحي بعمري اسراري كلها يمها اني وياها ملزوگين سوا نموت بس وحده تبتعد ع الثانيه مرات تحكمنه الضروف وتخلينه نتفارك بس تعدي ونرجع سوا مامرت سنه وحده بعيده ع الثانيه

من وعيت ع الدنيا اني وياها ايد بيد بكل شغله نسويها لازم هيه وياي وتشاركني جنت اگل الأمي اريد ارسب حتا اصير وي ود بنفس الصف جانت امنية حياتي توافق بس امي ماتقبل وتهددني اذا ارسب روحي واتكاسل تكضني وتطيح حضي

جـود بنتي رغم مابينه فرق عمر جبير بس اني ماخده الدور واعتبر نفسي امها احب اباوعلها بنضره كأنما هيه بنتي مو اختي الحد هاي اللحضه رغم كبرت وصار عمرها 25 سنه بس اني بعدني اشوفها بنضرة البنيه الصغيره المربيتها اني

امي گبل لا تموت من صار النفس صعب عليها وحست بنفسها راح تموت وصتني عليها والدموع تجري من عيونها من كلمتها بعد حسيت نفسي ام واليوم جابت بتها ومن يومها اعتبرت جودا بنتي

رغم غلطها الجبير السوته وقسيت وياها بسببه بس يضل گلبي على گلبها ماگدر من حركه گلبي وخوفي عليها اضربها واجرحها بلكلام حتا تنمنع الحدما استقرت حياتها وي حسن يله جريت نفس مرتاحه

بس شما اشوف الدنيا ماراضيه تخليني مرتاحه گلبي نمرد على ود احس تسددت كل بوب العالم حضنتها متشخصه عيوني بلفراغ حايره. ضايعه. عاجزه انفعها

- ياروحي انتِ بيه ولا بيج انشاالله كل وجعج يصير بيه كل تعبج اريده اني حتا لو اموت بس لا يصيرلج شي اموت اني اموت ود اذا صابج شي

اهمس بأذانها على كيف وهيه هادئه بين فتره وفتره تأشر على نفس المكان وتهمس بخوف بيني وبينها

- لج وعد شوفيها شوفيها هاي التخنگني وروح امي هاي هيه واگفه هيه وبتها يجرن شعري حيل الحدما يبدي يتشلع يله يهدنه