" احــفاد أل هزاع "
:- نرجس محمد || 🇮🇶
مايحتاج اوصي مثل كل مرا انتم تصوتون بدون ماگول بس لا تنسونه ترا يروح واهسي حبايب روحي 💛
سمــير صبــيح :-
احــرگني گتله حطب بيه ادفه وانـــه احــتمل كـيف حرگنــي ودفه وطفاني بعد الحــرگ گتله ضميرك صحه؟ لا گال اريــدك فحم مرتين راد احترگ
…
عباس
- شبيك الخاطر محمد
- اشش اسكت عباس اسكت
- جا ليش اجيتني اذا ماتريد احجي كوم ولي يله مو تزوجت روح الغرفتك اريد انطمر
- عباس
- ها
- انجب ونام
- صار
تمددت بمكاني وهوا گاعد بلگاع راسه بين اديه ومدد رجليه ماگدرت اغفى وانه اشوف شكله گعدت يمه ندسته من جتفى وصحت بي
- هيووو احجي شكو
- شسوييت شسووييت انه
- شسويت؟
رفعلي راسه عيونه قطعه حمرا وشعره كوشه وجه عرگان واصفر همس بصوت مبحوح :- شعليك؟
وسعت عيوني مصدوم فشلني الخايس صميت ايدي وطگيته علا جتفه وگمت اشرت علا الباب وكلت بصيغة امر :- برا
- اسكتت منيي لاا اكوم اهرس راسك
- زلمه گوم
گام علا حيله وانه صرخت بصوت عالي :- ابووو الغيرره
توه يريد يطگني وركضت طلعت برا الغرفه اسمعه يسب بيه ويغلط منغولي مدري شبي لاگف احتمال ملبوس جني اعوذ بالله من صغير مخيبيل وخلگه بخشمه
بعدني توني انزل ودگ تلفوني بأيدي ابتسمت منشنش وگلبي اجه يطلع گعدت بلحديقه وفتحت خط اجاني صوتها الهادئ اليسكن كل وجع بروحي
- عبسبس شلونك
سكتت مفهي اضيع واذبل يمها حتا ماگدر ارد ضحكت بخفوت متعوده عليه وعلا هل سالفه :- عباس ماترد
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
