احفاد أل هزاع

part 1

" احـفاد أل هزاع "

:- نرجس محمد ||🇮🇶

لا تنسون التصويت + متابعه + تعليقكم الحلو نفسكم مشاهده ممتعه يا عمري 💛🦋

بين الليالي المرعبه امضي بروحاً متعبه في غرفتي بــأثاثها يعلو غبار الاتربه بالأمس ضحكتي كانت صوتاً شجياً والناس فيها معجبه وللحضةً حانت وختفت مثل الوعود الكاذبه أمَسَت جروحي مُعطَفاً وإحتل لوني نزفَها  والحُزن في قيثارَتي يبكي جمالاً عَزفها

- ألبــــدايات -

ضحكات صوتها يصدي بلمكان سوالف وهوسه بس هوسه حلوه ومميزه متمدده علا رجل ود ايدها مغلغله بشعري تحرك اصابعها بي مغمضه عيوني والنعاس غالبني بس بالي وياهن ود تضحك بصوت عالي وي جود البطحت بلگاع تضحك وكاضه صفاحها تصيح

- اخخخ شكلت صفحتيي

ود :- ههههههه لا كافي عليج العباس والله بطني توجعني

وعد :- هسه شلون بله تسكتن لو لا اريد انطمر

ود :- ايي كليلها خلي تنچب وتسكت

گامت جود تلم بكوشتها تقربت رفست ود علا بطنها :- اكليي نعل

صاحت ود عاصره بطنها وتتلوه باوعت لجود بخزره :- خبلله انتي شلون تضربيها هيجيي

باوعت صفح وطلعت التفت علا صوت ود وهيه تگول :- كبر الرعنه غير تتشاقه

- ختولي مية مرا كتلها لا تضرب هيج الخايسه تضرب بحقد

گامت طلعت من الغرفه واني تمددت ملفلفه روحي بلغطا الجو يجمد غمضت عيوني حيل مبتسمه وفراشات صارت ببطني من تذكرته اليوم ماشايفته احس نقص جبير بروحي مادري اذا حبي اله حب حقيقي لو اعجاب لو شنو الموضوع اني مافاهمه حتا نفسي

نمت نومه طويله ماگعدت اله علا اذان المغرب احس جسمي متكسر يعني من ال1 الضهر لل7 المغرب هاي كليوم علا هاذ الحال مو بس اليوم عدي نوم لا ارادي وين ماخلي راسي انطمر

غسلت ونزلت ليجوه محد بلبيت كلعاده الولد بلشغل والبنات لو يدرسن لو بلمطبخ ابوي نايم ومرت عمي يم اهلها والبيت هادئ يصفر بس ضحك البنات بي

دخلت عليهن جود يم الطباخ تگلي وود تغسل المواعين تقربت يم جود التفت عليه وگالت :- عبالنه متي مو نمتي

- بعدني نعسانه

ود :- يممه

رحتلها حضنتها من ضهرها متجيه راسي علا جتفها نشفت ايدهه من المي وگالت :- لا تتلوگين