" احـفاد أل هزاع "
:- نرجس محمد || 🇮🇶
مشاهده ممتعه حبايبي ❤️
جبت عمرك تبتعد واني اقترب
وذاب روحي بحجة يضحي اليحب
ومستغلني وبيه مابيه اعتنيك
"اطلب هدوم "ومواعيدك چذب
مو شعر يرادلك فزعة عمام
دگتك لا تنقرا ولا تنكتب
______
ود
فتحت عيوني من صارت الشمس بعيني تحمس بيه والكهرباء طافيه نفضت الغطا مني وگعدت من تذكرت كلامي البارحه مسحت وجهي وسحبت نفس برحابه صدر احاول اهدي نفسي واسوي الامر طبيعي واتكل علا الله
توني اريد انزل جوه ودخلت وعد باوعتلي وگالت مستغربه :- ود حيدر اجه وويا شيوخ وكومه ناس جاي يخطبج شنو السالفه
سويت روحي اعدل بلفراش وگلت :- ماعرف
- باوعيلي شو
باوعت عليها بطرف عيني ورجعت اشتغل :- مقدمين تنازل وبس تكمل الأجرائات يطلع اسماعيل
- اي خوش بس شعجب
- ساومج؟
- منو
- حيدر ساومج تزوجينه ويطلع اسماعيل
ذبيت البيدي وباوعتلها اتنفس سريع اثر الحركه الهواي بللت حلگي وهمست :- اي بس اوكفي مو مساومه السالفه وكل مابيها يحبني واجه خطبني وگال الصار مايأثر ولا يخليني اعوفج وانساج
- وتتوقعين بعد الصار اهله يتقبلوج بينهم
مانكر خوفي ورهبتي من هذا الموضوع بس حتا اول شي لازم اسوي اقنع اخواتي حتا لا يبقن بقلق عليه اريدهن يعيشن حياتهن بدون تفكير وخوف عليه جاوبتها بهدوء
- ماعلي بيهم قابل متزوجتهم همه
- تحاولين ماتخوفيني بهذا كلامج ولج انتِ بشر ورا الصار راح يذبون اللوم كله عليج
- وعد الخاطري والله مالي خلگ لا تفتحين هذا الموضوع مقتنعه بقراري
تقربت عليه جرتني من زندي حيل ونترت بوجهي :- علموود يطلع اسماعيل تجازفين بحياتتج
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
