الحضن الدافي

Part 25

#الحضن_الدافي

الحلقة :: 25 ::

جواد يتحدث ::
الحوش مهبي .. زين وورد عند جدهم .. لما يغيبو عليا الحوش يفضى .. ويضياق عليا .. ونذكر كل لحظة مع امهم .. ايناس والله الى الان ماغبتي عليا .. ربي مايغيب عليا صغاري ان شا الله .. فتحت روشن وسط الحوش .. الشمس غايبة علينا ليها هلبااا .. اول مافتحت الروشن تلفتت للطاولة لقيتها كلها غبرة .. مني بينظفها ورد صغيرة ؟؟ .. وانا ماعنديش آي خبرة في التنظيف .. قررت بنجيب شغالة ادير دورة ع الحوش كله .. رن تليفوني والمتصل رقم غير معروف ..
جواد: آلووو
ورد: بابا امتى بتجي تروح بينا ؟؟
جواد: ورد .. رقم مني هدا ؟
ورد: جدو شرالي تليفون باش نكلمك بيه :)
جواد: تو نجي نروح بيكم .. نصلي الظهر قبل >_<
ورد: اوكي .. مع السلامة
صليت الظهر في الجامع القريب من حوشنا .. ومشيت لحوش عمي .. اول ما خشيت تغمروني صغاري ..
زين: استاحشتك يابابا :)
جواد: ههههه حتى انا .. هي لمو حوايجكم وحطوهم بحدا باب السيارة
زين: اوكي :)
خشيت للمربوعة لقيت عمي مقعمز .. سلمت عليه وقعمزت وانا طايرتلي
عمي: خيرك ياولدي ان شا الله خير
جواد: كيف ياعمي تشري شفرة لورد ؟؟
عمي: هههههه اعتبرها هدية مني لورد بنت بنتي <3
جواد: القصة مش هكي ياعمي .. البنت صغيرة وانا مانبيش ناخدلها تليفون لين تكبر وتعرف تستعمله .. قاعدة صغيرة ياعمي والله .. ماتعرفش تتصرف
عمي: يعني وجعاتك لاني هديتلها تليفون ؟؟
جواد: مش وجعتني .. اضايقت الحق .. قصدي انا نعلم من جيهة وانت تجي تخرب من جيهة
عمي: كيف يعني انا مانعرفش نربي والا كيف ؟؟
جواد: لا حشاااك .. لكن ياعمي البنت هكي بتتلخبط .. تعبت باش فهمتها التليفون بتاخديه لما تكبري .. وتجي انت تعطيها تليفون ولا مش هكي آيفون زيادة ؟؟ .. صعب والله
عمي: لاش المشاكل باه .. هات التليفون وبرا ربيها انت كيف ماتبي معاش دخلي بيها ولا بيك -_-
طلع عمي من المربوعة ونادى ورد .. ماعطانيش فرصة نكلمه ولا نشرحله قصدي .. فك منها التليفون .. جتني تبكي
ورد: بابا جدو خدي مني التليفون
جواد: احني شن قلنا عليه ؟.. التليفون للكبار .. كيف تاخديه منه ؟.. شن فهمتك انا ؟؟. ردي عليا
سكتت والدموع في عيونها .. مع شهقات مرة مرة تعلا .. طلعنا .. روحنا لحوشنا طووول ..
فـــات اسبــــوع ::
عمي معاش كلمني ولا سأل ع الصغار .. ممكن قاعد مضايق من كلامي .. ممكن فهم اني مانبيشي يدخل في تربيتي ليهم .. بس انا قصدي نبيه يمشي ع النهج يللي انا امشيهم عليه .. جبت شغالة للحوش وبنيتلها دار برانية بحمامها .. بدت اضم النهار وفي الليل تروح لدارها .. وماتقربش صغاري ولا ماكلتهم ولا قعدو الصغار معاها .. بالنسبة لقصي وميس حياتهم كانت ماشية عسل ع عسل .. والحمد لله يللي ماتزوجت ميس .. كان ممكن .. لا مش ممكن .. في الاكيد ح يقعد قصي عمره كله في قهرة .. ومتحسر ع اي فرصة ضيعها ..
في يوم من الايام كنت في داري مقعمز عالكرسي ومقابلتني الشكماجة وعليها صورة ايناس في عرسنا .. اذكرت هداك اليوم الحلو .. اذكرت يوم واقف معاها ع الكوشة .. كانت شبيهة القمر .. او ممكن تكون قمري انا <3 .. حلوة بكل اوصافها .. بكل صفاتها .. شديت ايدها قدام كل الحضور .. ابتسمتلي .. وطلعت بيها من الصالة .. فتحتلها باب السيارة والفرحة مش سايعتني .. ركبت بكل خفة .. وابتسامتها مافارقتناش هديك الليلة .. نسوق ومرة مرة نتلفتلها ونضحك .. ( سوق بالشويا نخاف منهم السيارات انا ) .. في هادي انا ضحكت بهستيريا .. منها فرحان لانها جنبي ومش ح تفارقني تاني .. ولا نقعد نراجي الصدفة تجمعني بيها .. ومنها كلمتها كانت اضحك بجد .. شدت في ايدي بقوووة .. وايدها التانية بايد الباب .. وتقوللي ( بالله عليك خفض السرعة والله نخاف ) ..
جواد: ههههههه ماتخافيش . خبرة في السواقة انا
ايناس: ايه واثقة من هالشي .. بس الطايشين ماتندريش عليهم منين يطلعولك .. ع الاقل لما تسوق بالشويا تقدر تتحكم في السيارة بعدين :(
ضحكت .. وشبحت لايدها يللي متمسكة بيا بقوة .. لما استوعبت لروحها .. سحبت ايدها وارتبكت بابتسامتها .. ( آسفة )
جواد: ههههه ع شني ؟؟
ايناس: شي ماتركزش
جواد: انا راجلك توا ايناس ماتتحشميش مني اوكي !!
ايناس: ان شا الله :)
ابتسامة خجل مرة تانية .. ( نحبـــك <3 .. وح نقعد نحبـــك ليـــن نموت) هادي الكلمة يللي قلتها أول ماوصلنا لحوشنا .. في لحظة تلاشت الابتسامة مني .. وين اذكرت شدتها لايدي قبل ماتموت .. انحنى راسي للقدام .. وايديا ع جبيني .. مسحت وجهي بقوة .. أخر كلمة قالتهالي ( جواد والله نحبك .. رد بالك ع روحك وع صغاري اوكي !! ) .. هنا دمعتي خذلتني ونزلت .. واعرة ياناس والله واعرة .. فراق حد غالي ع قلبك .. كان كل شي بالنسبة ليك .. كنت مصرّ انها تقعد معاي .. وح تنوض بالسلامة .. بس خانتني الدنيا .. وخداها الموت مني .. سمعت باب الدار انفتح .. قمت راسي لقيتها ايناس وقفت مفجوع .. ابتسمت ..
جواد: ايناس .. جيتي ؟؟
ايناس: جواد مانحبش نشوفك هكي .. نوض ياغالي وامسح دموعك
جواد: كيف تبيني نعيش وانتي بعيدة عليا ؟؟
ايناس: معاك ورد وزين
جواد: بس انا مانبي شي من الدنيا غيرك
ايناس: خلااااص هادي الدنيا هكي اختارت
جواد: مانقدرش .. مش قادر نستوعب والله حسي بيا
ايناس: حاسة بيك .. جواد ربي يحفظك انت وصغاري .. ويطوول في عمركم .. ويجمعنا في الجنة
جواد: اينااااس بالله عليك .. انا والله مانقدرها مسؤولية الصغار تعالي ربيهم معاي
ايناس: رد بالك عليهم جواد .. رد بالك عليهم جواد .. ورد بالك ع روحك ياجواد
( باباااا .. بااااابااا .. خيرك )
حركت راسي شوي .. مهناش ايناس .. اصلا كانت مجرد خيال .. يللي قدامي ورد الصغيرة .. انهد حيلي ع كرسي .. وتكيت راسي وحطيت ايدي ع عيوني
ورد: بابااا
جواد: شن تبي ؟؟
ورد: جبت صحيفتي
جواد: باه خليها بعدين
ورد: بنوريك جبتها الترتيب الاول :)
جواد: قلتلك خليها بعدين
ورد: غير شوفها بابا .. الاول ع المدرسة كلها وحتي الابلة مها هدتني هدية شوفها
مانعرفش شن صارللي في هديك اللحظة خديت الهدية وحذفتها ع الحيط بقوة لين انكسرت .. وخديت صحيفتها .. عكرشتها بين يديا .. ولوحتها ع طول ايدي .. وهيا تشبحلي ودموعها في عيونها
جواد: قلتلك بعدين يعني بعدين .. اطلعي ومعااااااااااااااش تخشي هنا فاهمة ولاه !!
قعدت ترعش مع بعضها .. وليت قعمزت ع كرسي .. لمت حاجاتها وطلعت تجري وسكرت الباب .. مع تسكيرة الباب بالنسبة ليا انتهى موضوع ورد .. وتلاشى خيال حبيبتي ايناس <3
>>>>>>>>>>>>>>>>>>>
سكرت الباب .. وقعدت نبكي .. خشيت لداري نجري لوحت الهدية والصحيفة ع الارض وتغمرت مخدتي وقعدت نبكي بقووة .. خش عليا زين ( خيرك ورد ؟؟ )
ورد: بابا كسر هديتي وشووف صحيفتي كيف دار فيها :(
زين: خلاص معاش تبكي .. اصلا بابا يحبنا
ورد: بابا معاش يحبنا يازين .. جدو خدالي تليفون ردهوله .. وشووف هديتة الابلة مها كيف دارللها .. وشوف صحيفتي .. آآآآه يازين ياريت ماما قاعدة :(
زين: هههههه اصلا كان ماما تحبنا راهو مش سافرت وخلتنا
ورد: :(
طلع زين وخلاني نبكي بروحي .. لين خداني النوم ..
>>>>>>>>>>>>
جواد يتحدث ::
دخان ورا دخان .. ماقدرتش نوقف .. ولا قدرت ننسى كلمات ايناس .. ولا جاني خيالها مرة تانية .. سمعت اذان العصر .. نضت توضيت وبنصلي .. جاني زين يجري
جواد: خيرك مضايق ؟؟
زين: علاش درت لورد هكي بابا ؟
جواد: شن درتلها انا ؟؟
زين: كسرتلها لعبتها
جواد: انا كسرتلها لعبتها ؟؟
زين: ايه تو نجيبهالك
مشي يجري خش لدار ورد وجابلي الصحيفة والهدية .. اذكرت الموقف يللي كنت ناسيه ..
جواد: هاتهم جاي
خشيت لدار ورد لقيتها راقدة بلبستها متاع المدرسة .. قعمزت جنبها ع السرير .. نوضتها بالشويا .. فاقت ولما شافتني ولت لمخدتها تبكي
جواد: ورد علاش تبكي ؟؟
ورد: شي :(
قمتها وحطيتها في حضني .. وقعدت نمسح ع شعرها .. واهديتها بوسة ع جبينها .. وخدها .. وهدا كله زين يشبحلنا وانا ملاحظه بيغار منها ..
جواد: انا اسف ياورد .. والله كنت مضايق مش قصدي
ورد وهيا قاعدة تبكي : شوف هديتي انسكرت :(
جواد: عادي نشريلك هدية تانية شن رايك ؟؟
ورد: بس هادي من الابلة مها
جواد: خلااص انصلحهالك :)
ورد: وصحيفتي ؟؟
جواد: ههههه نحددوها ماهوتعكرشت هههههه
ورد: ههههه باه
زين واقف وايديه في نصه ( اصلا قالت بابا مايحبناش -_- )
جواد: ههههههههههه حق ورد ؟
ورد: ايه قلتها لما كنت متعصبة بس :(
زين: لالا قالتها وهيا تبكي وبجديات يابابا ره
جواد: آها .. باهي ورد ماتحبنيش .. مني يحبني انا ترا !!
جاني زين يجري وتغمرني بقووة .. وورد تغمرتني بأقوى منه .. بلمتنا هادي نسيت أوجاعي .. تنهدت وارتحت .. ومتغمريني الزوز .. وكل واحد نسي وجعه .. ورد نست الهدية يللي انكسرت بسببي .. وزين نسي الغيرة من اخته ..
تاني يوم حطيت ورد في المدرسة .. وخشيت للمدرسة وطلبت الابلة مها .. جتني وكانت مبتسمة من بعيد
مها: اهلين استاد جواد
جواد: اهلا بيك ابلة مها .. معليشي لو سمحتي نبيك في موضوع خاص شوي
مها: آه اكيد تفضل نطلعو للساحة :)
طلعت انا وياها وقعدنا نتمشو ..
مها: تفضل استاد !!
جواد: آه منين بنبدا .
مها: من وين ماتحب :)
جواد: الحق امس ورد بتوريني الهدية طاحت مني وانكسرت .. وهيا زعلت .. وقلتلها نشريلك غيرها رفضت .. قالتلي هادي من الابلة مها وووو الخ .. فلهدا خطرت في بالي فكرة ماتكلفكش مرة تانية
مها: ههههه لا عادي لا فيها كلفة ولا شي .. بس الطفل يفرح بالهدية من الناس يللي يحبهم :)
جواد: ايه فاهم عليك .. عندي في السيارة نفس الهدية يللي شريتيهالها بالزبط .. نجيبهالك واعطيهالها اليوم .. وقوليلها اللي تبيه .. المهم ماتقوليش ان انا يللي جبتها اوكي !!
مها: ههههه قصدي عادي تو نشريلها غيرها
جواد: ههههه انا يللي كسرتها وانا يللي بنجبرها :)
مها: اوكي :)
جواد: آآه ممكن ابلة مها تعطيني رقمك وبهكي نعرف اخبار ورد أول بأول :)
مها: ايه اكيد تفضل :)
جواد: خللي نمشي نجيب الهدية .. ونجي
مشيت جبت الهدية وعطيتها لمها .. واعطيتني رقمها مكتوب في ورقة .. وكيف بنمشي
مها: ءءء عفوا استاد جواد .. ممكن رقمك لاني مانردش ع الارقام الغريبة
جواد: اوكي :)
سجلت رقمي .. وطلعت لشغلي .. وهكي سكرت موضوع الهدية لورد بطريقة ح تحبها ومش ح تعرف سرها :)

#Dudu