الحضن الدافي

Part 47

#الحضن_الدافي

الحلقة :: 47 ::

طووووط ... طوووووط
>>>>>>>>>>>>>>>>>
( ياارب هدي سري واحميني واحفظني .. يارب اغفرلي ذنوبي .. وامسح خطاياي .. يارب ارزقني الخير اينما ذهبت .. يارب ارزقني الفرحة حتى قلبي لا يتسع استعيابها .. يارب سامحني .. وكن معي وعوني في دربي .. يارب اختر لي ولا تخيّرني .. يارب انت تعلم وانا لا اعلم .. استجب دعواتي يارب العالمين .. واسعد كل المسلمين .. وارحم الاموات .. واجمعنا بيهم في الجنة يارب .. فرج يالله على بلادي .. وعلى اهل بلادي .. يارب .. احفظ بابا وخالتو مها وزين .. يااارب .. يارب .. آمين يارب العالمين ) .. مسحت ع وجهي .. ونحيت بدلة الصلاة وقمت صلايتي .. جيت اتكيت ع سريري .. شفت تليفوني لقيت مكالمة من قصي .. سكرت التليفون مرة وحدة .. بعد مافات الآوان مستحيل نرجع .. بعد الوعد مستحيل ننقض .. رقدت وابتسامة التحدي ع وجهي :)
>>>>>>>>>>>>
قصي يتحدث ::
خلاص ياورد مش قادرة تتقبليني .. سكرتي تليفونك مرة وحدة ؟؟ .. حذفتي حبك ليا بعيد .. سامحيني جرحتك هلبا وعذبتك هلبا .. ياوردتي <3
رجعت لحوشي لقيت ميس مقعمزة ع تلفزيون وتتفرج وتضحك .. جيت قعمزت جنبها
قصي: مارقدتيش ؟؟
ميس: لا .. قاعدة نتفرج ع مسلسل تركي تعلم منهم شويا
قصي: مفضااك
تلفتتلي بسرعة وقالت: مش قلت مريض شن طلعك للجنان .. ونتصل بيك تليفونك مشغول .. شاغلاتك ورد ؟؟
قصي: مشغول !! .. ممكن التغطية بس
ميس: هئ ** ضحكت ضحكة هزوة **
قصي: خيرك مش مصدقتيني ؟؟
ميس: لا مصدقاتك ياحبي .. ومصدقة نظراتك ليها اليوم وانت معاي
قصي: انتي خيرك معاها ورد ؟؟
شبحتلي بنظرة كلها حقد وقالت بصوت خشن شوي: نكرهها وكل يوم نزيد نكرهها اكثر من قبله >_<
ضحكت بهزوة وشبحتلها: تقول مش بنت اختك -_-
ميس: هيا صح بنت اختي .. بس رد بالك تنسى انها بنت عمك وحبيبتك السابقة
قصي: تصدقي مرات نحس بانك انتي الطفلة مش هيا .. معقولة حبيبتي السابقة ؟؟؟
ميس: عادي .. اصلا انت ديما تشوف فيها خير مني
قصي: بالله عليك بلا دوة فاضية انا بنخش نرقد وانتي استمري في تفاهاتك
نضت وخليتها متعصبة .. وتتفرج بكل غل ع المسلسل ..
>>>>>>>>>>
فاتت الايام بسرعة ::
كنت مقعمزة في داري نقرا عندي امتحان .. خشت عليا خالتو مها فرحااانة .. جت حضنتني طوول .. استغربت وقلتلها: شن في؟؟
مها: كنت في المصحة
ورد: وان شا الله خير شن في؟
مها: انا حامل ياووورد .. حااااامل وبنجيبلكم وخي والا وخية .. الحمد لله
قامت ايديها لما قالت الحمد لله .. جيت طووول حضنتها وفرحتلها هلبااا : الف مبرووووك خالتو ربي يهنيك وان شا الله تنوضي بالسلامة <3
مها: ان شا الله يااارب تجيني بنية باش تسايرك في حياتك :)
ورد: ان شا الله <3
مها: خلاص نخليك تقري لامتحانك
ورد: اوكي .. كان تبي آي شي انا نديرهولك اوكي ماتعبيش روحك :)
مها: ان شا الله ** باستني ع خدي ** ربي يوفقك حبوبتي <3
طلعت من داري .. وليت لقرايتي .. شويا سمعت صوت مسج من تليفوني .. فتحته لقيته ( حاولت نفكر فيك لكن ماقدرتش .. غلبتيني بنيتك :( )
من قصي .. سكرت قفل تليفوني وقلبته .. بس قلبي ينبض ونبي نكلمه ونسمع صوته .. نبي نسمع منه كلمة نحبك <3 .. ونبي نقوله كل يللي في قلبي .. بس هوا في النهاية شخص متزوج .. ولو بنرد عليه معناها بنخون خالتي ميس .. صعب الموقف يللي انحطيتي فيه ياورد .. سمعت رنة تليفوني .. قمت التليفون ورديت : هآآآ شن مازال في ؟؟؟؟
ندى: ورد ؟؟ .. خيرك ؟
ورد: آآآه ندي .. سامحيني نحسابك قصي
ندى: انتي ماشعفتيش يابنت والا شني ؟؟
ورد: مانكلمش فيه بس هوا بعتلي مسج :(
ندى: شن بعتلك ؟؟
ورد: نفكر فيك ومش عارفة شني .. المهم انتي علاش متصلة بيا توا هي ؟؟
ندى: هههه خزي عليك ماهو ديما نتصل ونسأل
ورد: ايه حقااا بنقولك خالتو مها حامل :)
ندى: آما شهر ؟؟
ورد: قولي مبروك يامتعلمة مش تقصقصي قبل -_-
ندى: هههههههههه ياودي مبروووك شني بنحسدها انا ؟؟
ورد: مرات وين نندري .. تو كان تسمع خالتي ميس تو تغبرها وتقول بتورث بوك هيا وولدها هههه
ندى: ماتعدليش عليها .. فوتي فوتي .. ايه بنقولك بابا اليوم بيرفعني للملاهي شن رايك تقولي لبوك يرفعك ونتلاقو ؟؟
ورد: مش ح يوافق :(
ندى: علاش ؟؟!!
ورد: تو يقولي فكيني وراسي ومشغول وهلبا حاجات :(
ندى: جربي مع خالتي مها شن رايك ؟؟ .. تو هيا حامل غير تتدلل ههههه
ورد: ههههه زعما ؟؟
ندى: تي جربي وبلاش تضييع وقت .. بابا بيرفعني مع الساعة 5 ره
ورد: اوكي .. طيري سلام
سكرت منها .. وطلعت من داري لقيت خالتو مها وبابا قدام التلفزيون يهدرزو ويضحكو .. جيت قعمزت جنبهم انتبهولي
مها: في حاجة ورد ؟؟
ورد: ءءء ندى صاحبتي تبيني نمشي معاها للملاهي شن رايكم نرفعو وزين ونمشو كلنا ندهورو ؟؟
بابا شاد الريموت ونقص : وامتحانك ؟؟
ورد: ءءء مازال هوا بعد غدوا .. خلونا اليوم ندهورو ونغيرو جو :)
بابا: لالا مش موافق خليها يوم تاني
زعلت وطلعت من الدار .. لداري طووول :(
>>>>>>>>>>>>>>>>>>>>>
جواد يتحدث ::
جواد: والله هدا ماناقص .. تو لما تجيب درجة ضعيفة تقعد تبكي وتقوول ووه
مها: عيب عليك كسرت بخاطرها .. خليها تمشي وتتلاقى مع صاحبتها
جواد: مش لازمها -_-
مها: حتى انا خاطري :(
جواد: في شني ؟؟
مها: نمشي للملاهي من كنت صغيرة معاش مشيتلها :(
جواد: بس خطيرة عليك الالعاب يللي غادي
مها: مش لازم نلعب .. خلينا نشمو هواء نظيف والصغار يلعبو قدامنا .. وانا اليوم نعزمكم ع مطعم نتعشو فيه شن رايك ؟؟
جواد: آمممم خليني نفكر
شديت الريموت وغيرت ع الاخبار .. هيا شدت ايدي بترجي : بالله عليك جواد ماتقولش لا :(
شبحت لعيونها فيهم لمعة حلوة .. خلتني ننسى كل مبادئي ونبتسملها : آوكي بري بشري ورد وزين
مها: هييي شكرا يااحلا جواد في الدنيا ** باستني ع خدي وناضت تجري **
جواد: ههههههه وحق ربي النساوين ع قد مايكبرو تفرحهم حاجة صغيرة .. مجنونات <3
الساعة 4:30 صلينا العصر وطلعنا من الحوش .. متجهين للملاهي .. اول مانزلنا
جواد: اتصلي بصاحبتك شوفيها وين -_-
ورد: اتصلت ماتردش :(
جواد: واااك هدا يللي مانبيشي -_-
شدت ايدي مها وعضت شفاها : اصبر ماتوترهاااش
جواد: باهي تعالو نخشو وامتى ماتجي براحتها
زين طلع يجري خدي مني الفلوس وشري التذاكر .. وورد كانت واقفة وشادة تليفونها تتصل .. بعدين جت بنت صغيرة تقريبا هادي هيا صاحبتها .. تغمرتها ويضحكو الزوز .. هادي الضحكة يللي مانبيهاش تغيب عليك ياوردتي <3 .. بنتي قاومت العذاب ووصلت للمرحلة يللي انا نبيها .. تجاهلت كل شخص ح يدمر حياتها ونفسيتها وبدت خطوة جدية في قرايتها .. والحمد لله ماقصرتش معاها ومش ح نقصر في المستقبل بعون الله :)
مشت تلعب هيا وصاحبتها .. وزين قعد يلعب بروحه راجل وعجبني ههههه .. انا ومها شدينا كرسي وقعمزنا نهدرزو
جواد: ههههه غير شوفي ورد ماتكبرش بكل
مها: هههه صغيرة شن كبر بيها عمرها 17 السنة صغيرونة :)
جواد: ايه حبيبتي احكيلي انتي مرتاحة معاي ؟؟
تلفتلها مع ابتسامة حب <3 .. ردت عليا الابتسامة وواطت عيونها بخجل : اكيد :)
جواد: يعني مش مقصر معاك في شي؟؟
هزت راسها بمعنى لا .. قمت راسها بصبعي السبابة وابتسمت
جواد: متحشمة مني ؟؟
مها: لا ابدا .. بس .. ** شبحت القدام بعدين تلفتتلي ** قلت كلمة وحبيتها منك
جواد: انا قلت كلمة ؟؟
مها: ايه بعد ماحكينا ع ورد
جواد: شن هيا ؟؟ .. مانتفكرش
مها: جوااااد بلا استعباط عاد
جواد: هههههههههههه هدا كله ماتبيش تقولي اني قلتلك حبيبتي يعني ؟؟
مها: اها
شديت ايدها بقوة وقلتلها مع ابتسامة: انتي حبيبتي ومرتي وغلاتي وكل شي غالي عليا
ابتسمت بخجل .. سحبت ايدها وقالت: عيب قدام الناس
جواد: ههههه انسجمت بس
مها: حتى انت :)
وعيونها ع الارض وتلعب بصوابعها : شنو حتى انا ؟؟
مها: قصدي حتى انت راجلي وغالي عليا :)
جواد: بسسس !!
مها: ههههههه خلاص عاد
جواد: ياودي نحبك <3 .. ونمووت عليك <3 .. وربي ينوضك بالسلامة ونشوفو ولدنا الحلو :)
مها: علاش انت تبي ولد ؟؟
جواد: تو من الشعر هدا كله ركزتي اني نبي ولد هههههههه .. لالا يللي يجيبه ربي يامحلاه .. آهو عندي زين كان جت بنية .. وكان جي وليد آهو عندي ورد <3
مها: ربي يحفظنا لبعض <3
جواد: آمين يارب العالمين ** قمت ايديا فوق وبعدين حطيت ايدي فوق ايدها ** توعديني مها ؟؟
مها تلفتتلي باستغراب : بشنو ؟؟
جواد: شفت فيك القلب الصادق .. والحب الصافي .. مستحيل نتخلا عليك صدقيني وخليك معاي بالله عليك  :(
ابتسمت مها : نوعدك طول ماعيني حية .. وطوول نفسي يطلع ويخش ح تكون ايدي فوق ايديك وقلبي عليك .. وحبي كل يوم ليك يزيد صدقني جواد انت مش حاجة ساهلة ولما وصلتلك كل يوم ندعي ربي يخليك ليا وتحبني زي ما انا نحبك <3
جواد: نحبك والله ♥
>>>>>>>>>>>>>>>>>>>
بعد ماكملنا اللعبة .. نزلت شادة في ايد ندى ونضحك .. خشيت في واحد ماشا الله طول في العرض
ورد: آسفة خوي :(
( ورد !! )
شبحتله مصدومة .. شديت في ايدي ندى : انت تعرفني ؟؟
غسان: اكيد .. انا غسان خو وليد صاحب بوك :)
ورد: آها .. اهلا وسهلا بيك :)
غسان: بوك وين امالا خللي نسلم عليه ؟
ورد: هونا القدام .. آهو جاي هنا
كنت نرعش بس هوا واقف معاي وواثق من نفسه .. جي بابا يفنص فيا بعدين وقف شبحله
جواد: آوووو غسان
سلم عليه وفنص فيا مرة تانية : بري لخالتك كولو اكيد جعتو
هزيت راسي وشديت في صاحبتي ومشينا
ندى: حي عليه يهبل ♥
ورد: عادي .. الموقف يللي انا فيه اخخخي بكل
ندى: علاش ؟؟
ورد: هذا يللي خطبني زماااان ياغبية
ندى: ورفضتيه طبعا ياغبية .. بالك يشوفني ويعجب بيا ويفوتك ياشينة ههههههه
ورد: هههههههه مبردك
>>>>>>>>>>>>>>
جواد يتحدث ::
جواد: يعني بتسافر المدة الجاية ؟؟
غسان: ايه ان شا الله .. بناخد الماجستير في الكهربائية
جواد: ربي يوفقك .. شن ادير هنا امالا؟؟
غسان: جايب بنت وليد نلعب فيها هههههه
جواد: آها وينها ؟؟
غسان: ركبت في اللعبة .. ءءء عمي جواد عادي نكلمك في موضوع ؟
جواد: ايه تفضل ؟؟
>>>>>>>>>>>>>>
كلينا انا وندى وزين ونهدرزو ونضحكو .. مقعمزين جنب خالتو مها ..
ندى: حي ماما تتصل شكلنا بنروحو 
ورد: خسااااارة :(
مها: ماهو ظلمت الدنيا تو بتتعبا شباب
ندى: هما معقدين وشن فيها كان تعبت احني نلعبو ع حالنا -_-
مها: ههههه تو تكبري تفهمي تفكير الراجل كيف ؟؟ .. يختلف علينا هلبااا
ندى: هههه ان شا الله نقدر نفهمه .. ** ردت ع تليفونها ** باهي جاية بااي
ورد: شني بتروحي ؟؟
ندى: ايه هاتي بوساتك مستعجلين ركبو حتى السيارة هههه
بوستها وودعتها .. ومشت تجري
مها: محلاها صاحبتك تهبل ♥
ورد: ايه هادي صاحبتي القريبة :)
مها: هي حتى انتي بري دوري زينو خللي نروحو
ورد: بابا وين ؟؟
مها: من امبكري واقف ع الولد معاش جي .. تعرفيه !!
ورد: هذا خو عمو وليد صاحب بابا
مها: آها يعرفو بعض صار .. هي بري دوري زين تو نضم بضاعتنا
ناديت زين ولقيت بابا واقف ع خالتو مها ولما شافنا سكت .. ركبنا السيارة وروحنا .. طول الطريق بابا ساكت .. انا خفت يكون زعلان مني .. بس والله ماقصدي نوقف عليه هوا يللي كلمني ورديت عليه بس :(
اولماخشينا للحوش .. خش طول لداره .. وانا خشيت لداري ضميت كتاباتي يللي خليتهم محوسات وطلعت .. وبدلت حوايجي وطلعت وتيت العشي .. تعشينا وكل واحد خش لداره ورقد
>>>>>>>>>>>>>>>>>>>>>
جواد يتحدث ::
كنت مقعمز ع سريري ومها مقعمزة ع كرسي الشكماجة تمشط في شعرها
مها: خيرك سارح ؟؟ .. في شن تفكر ؟؟
جواد: غسان وورد
تلفتتلي باستغراب: شن ليهم علاقة ببعض ؟؟
جواد: الولد مصّر عليها .. خطبها العام يللي فات ورفضاته وتوا مازال يبيها
مها: قصدك بيخطبها مرة تانية ؟؟
جواد: ايه
مها: بس هيا صغيرة
جواد: حتى هوا صغير .. لكن كان معاي صريح وقاللي نبيها حتى بعد 5 سنين المهم نبيها
مها: متقبلين اماليه يخطبوهاله مرة تانية ؟؟
جواد: لما رفضتهم كلمني وليد وقاللي انها صغيرة ومعاها حق والموقف ماوجعش بكل
مها: اللي فيه الخير ربي يجيبه
جواد: زعما توافق عليه توا ؟؟
مها: انت قلتلي مرت ع خطبته الاولة سنة .. معقولة في سنة بتتغير ورد؟؟
جواد: قبل كان في بالها قصي يحبها وبانية احلامها ع الفضاء .. اما توا قصي تزوج مااعتقدش في عائق يخليها ترفضه ؟؟
مها: خليني نفتحلها انا الموضوع ونشوفو بعدين اوكي !!
جواد: ان شا الله خير :(
مها: ارقد وارتاح .. اطمن ماداما الموضوع وصلني انا
جواد: ههههه عارفك تهني ♥
>>>>>>>>>>>>>>>>>>>>>>>
بعد ماروحت من المدرسة لوحت شنطتي ع طووول ايدي من التعب اليوم كانت عندنا حصة نظافة ونظفنا فصلنا .. خشت عليا خالتو مها
مها: شن جاوبتي اليوم ؟؟
ورد: ايه الحمد لله آآآآآه
كنت متلوحة ع سريري ومادة ايديا فوق
مها: شن كان امتحانك ؟؟
ورد: باهي .. لكن عاقبتنا الاخصائية ونظفنا الفصل كله وااااك ظهري خلاص
مها: ههههههه ربي يعينك
ورد: قعمزي ** نضت قعمزت ومديت ظهري شوي ** شكلك تعبتي ؟؟
مها: لا مش هلبا .. بوك روح بكري ومشينا للمراجعة
ورد: آها شن قالولك ؟؟
مها: وليد ان شا الله :)
تغمرتها : ربي يهنيك ويرزقنا بوليد عاااقل ويحفظ القرآن كله ♥
مها: ههههه ان شا الله .. ورد نبي نهدرز معاك شويا
ورد: تفضلي
مها: انتي كبرتي وليتي صبية ماشا الله
ورد: غسان بيخطبني تاني ؟؟
مها: ههههههههه كيف عرفتي ؟؟
ورد: واااضحة تقعميزتك وربكتك متاع عندك موضوع خطوبة ههههه
مها: شن رايك فيه ؟؟
ورد: ناخد الشهادة الثانوية ونرد عليك
مها: بجديات بتخلي الولد يراجيك سنة القدام ؟؟
ورد: اللي يبي ورد يتحمل شوكها ههههههه
نضت وقفت نحيت جاكيتي وعلقتها في الدولاب
مها: مولية مغرورة يابنت هههههه
ورد: لا مش مغرورة بس توا مانقدرش نفكر
مها: تفكري في قصي صح !!
سكرت الدولاب وسرحت شوي .. بعدين قعمزت ع ركابي مقابلتها
ورد: كنت نجري ورى الاوهام .. شي مستحيل نوصله .. لو الزمن يرجع بس لما نمسح كل نقطة سودا في حياتي :(
نزلت من سريري وقعمزت جنبي .. شدت ايديا : الماضي امسحيه من راسك .. قصي اعتبريه غلطة وتعلمتي منها ماتعتبريشي نقطة سودا .. قصي علمك كل شي في حياتك ماتكرهيشي ياورد ماليشي آي ذنب بللي صار معاك .. يللي صار معاك نتيجة اوهام زرعتيها انتي في بالك وكبرت معاك .. وزي ماقلتيلي انه يحبك حب آخوي .. خليك تحبيه محبة خوت وشوفي نصيبك مع غيره .. لانك مستحيل تمسحي قصي نهائي من بالك لان زي مامرة قلتيلي قصي كان امك وقت توف كان بوك وقت غيابه .. كان خوك وقت عدم وعيه زين .. وكان كدلك اختك لان ماعندكش خوات .. فهمتي عليا حبيبتي ؟؟
شبكت صوابعي في بعض وابتسمتلها: صح كلامك مانقدرش ننسى فضله عليا .. ربي يحفظه :(
ابتسمتلي خالتو مها وقربتني لصدرها .. وتمسح ع شعري بكل حنان : انتي قوية ..تقدري تتغلبي ع مشاعرك لو رفعاتك للغلط .. ربي يهنيك ويرزقك بالوقت الطيب
قمت راسي وشديت ايدها وبوستها : ربي يخليك ليا ياماما ♥
عيون خالتو مها انفتحو ع وسعهم .. وضحكت شوي ودموعه تنزل شوي تاني : قلتي ماما توا ولاه !
ورد: ايه .. بجد يللي درتيه معاي يدل حنان الام ع بنتها .. نحبك ماما ♥
تغمرتني وفرحت بالكلمة يللي قلتها ..
مها: مازال زينو بس ماحسش بيا امه هههه
ورد: زين ماحسش حتى بماما ايناس .. لانه وقتها صغير بس اكيد ح يقولك بطبع الرجال يكابرو زي ماقلتيلي ههههه
مها: هههههه صح ♥
>>>>>>>>>>>>>
جواد يتحدث ::
كيف روحت من العمل .. نحيت الجاكيت وعلقتها .. ونفك في بطم سوريتي خشت عليا مها
مها: جواااد الحمد لله السلامة
تلفتلها : الله يسلمك .. خيرك فرحانة ؟؟
مها: ورد قالتلي ماما والله الله زي مانقولك
وبدت تبكي .. ضحكت عليها : وعلاش تبكي ياهبلة ؟؟
مها: من الفرحة ههههه
جت تجري وتغمرتني : انا هكي أديت مهمتي كاملة ووصلت للي نبيه صغارك حبوني وحسسوني باني امهم حق ..ونادوني بماما ♥
جواد: ياروحي انتي .. ياحساسة ههههه .. خنقتيني هههههه
فكت ايديها من رقبتي : يابارد هههه .. هي بدل نراجو فيك ع الغدي
كيف بتمشي شديتها : فتحتي الموضوع مع ورد ؟؟
مها: ايه وحسيتها موافقة بس قالتلي نبي ناخد الشهادة الثانوية قبل وماتبيش شي يشوش عليها قرايتها
جواد: الحمد لله :) .. خلاص بري هههههه
مشت .. وانا اتصلت بغسان
( الرقم المطلوب مقفل )
خيره مقفل زعما شن صاير معاه ؟؟ .. اتصلت بوليد صاحبي .. رد عليا وصوته مش طبيعي !!؟؟

#Dudu