انا من زود ما احبك رضيت بجرحك الدامي

البارت الثامن

عند الرجال دخل غياث وقال بصوته الجهوري : السلام عليكم ورحمة الله وبركاته صبحك الله بالخير
الجد : وعليكم السلام ورحمة الله وبركاته صبحك الله بالنور
و تقدم غياث و باس راس جده و بعده ابوه و تقدم و جلس بصدر المجلس مثل العاده جمب جده و جا سالم يقهويهم بحكم انه أصغر واحد من العيال و بدت السوالف..
|||||||
داخل عند البنات
دخلت سحاب لقسم البنات و شافت مافيه احد فعرفت انهم قد راحو كلهم للبيت الرئيسي الي يجتمعون فيه كلهم ف عدلت شكلها و لبست الجلال و طلعت و راحت عندهم و دخلت و شافتها امها وقالت : وينتسس انتي؟؟
سحاب : رحت قسمنا عدلت شكلي و جيت
فاطمة : اها زين اي يلا تعالي افطري
سحاب : يلا يلا و راحت قعدت جمب نوره و دقتها
نوره لفت عليها و غمزت لها بمعنى شفيتس؟
سحاب : يمه مثلههه بالضبط
نوره : مثل من بسم الله!
سحاب : اخوتس يعني من
نوره : يا حياتي خليناها تصحيه و انبهلت ما تنلامين صراحه
سحاب طقتها بيدها وقالت : وجع ما انهبلت
نوره وهي ماسكه يدها من طقة سحاب : اي واضح مشاءالله
شهد : شعندكم انتو تتساسرون؟
نوره : الأخت وقعت هههههه
شهد : هاه
سحاب : نوروهههه لا تخليني اقوم عليتس
نوره : هاه شفتي حتى مثله تقول نوروه يربي واضح مكتوبين لبعضض
سحاب : حبيبتي انتي اخوتس من بعد سلمى معد يشوف حتى غبارنا قال مكتوبين لبعض قال هههههه
ام غياث : يمه بنات لا خلصتو روحو سنعو المجلس بالله و غياث قال يبيكم ف قاعد يحتريكم هناك ف مره وحده كلموه و سنعو المكان تمام يمه؟ و طبعا غياث كان تقريبا حاطين مسؤولية البنات عليه وهو اصلا من غير شي منتبه لكل شي دايم وهو كذا عندهم كل واحد ماخذ مسؤولية شي بحكم انه كذا نظام الجد يعني
نوره طالعت سحاب وقالت : برد على كلامتس ذا بس اصبري
سرور : ابشري خالتي على خشومنا
///////////
في " المجلس"
دخلو البنات وحده وحده و نوره كانت أول وحده و كلهم وراها (بحكم انه اخوها يعني وكذا ف هي تتصرف)
غياث عقد حواجبه : انا انسان ولا وش بظنكم؟
نوره : اخوي انت شاك بنفسك؟ و جتها طقه من سحاب لأنها كانت وراها وقالت : ورا ما تسكتين انتيييي
نوره : سحابووووو
سحاب : اصصص الله ياخذتس اصصصص
غياث : احم احم
شهد : اخي العزيز قل وش تبي معليك من ذا المهبل
سحاب ودها تتكلم لكن مستحيه من غياث ف اكتفت بالنظرات بس
غياث : عندي سؤال واتمنى تجابوني بدون لف و دوران
سرور شهقت : تهقون عرف سالفه الوكند الي راح؟ ولا اصبرو اصبرو سالفة المول؟؟
نوره : بفضلتس حتى لو ما عرف بيعرف يا ادميه اصص!!
رويم تقدمت وقالت : تفضل وش سؤالك؟
غياث : اولا اطلعوا من ورا ظهر نوره اشوف و كلهم طلعو الا سحاب بس كذا تطل براسها لكن غياث ما انتبه لها وقال : من الي كانت تسوق السياره اخر مره طلعتو؟
نوره : هاه! انت شدراك
غياث : بتقولين ولا كيف؟
نوره : سحابو
سحاب : هاه يمه والله مسويت شي انا مالي دخل خير!
بيسان : يماما محد قالت انتس مسويه شي قلنا بس انتي الي سقتي شبلاتس
غياث : اي طيب انا اسمع صوت سحاب بس ما اشوفها
نوره : هل ممكن لأنها وراي من اليوم؟
غياث رفع حاجبه وقال : سحاب
سحاب مسكت قلبها و تنحنحت و قالت : سم
غياث : قدمي ابي اشوفتس
سحاب قدمت شوي كذا وصارت بالنص بين البنات وقالت : كاني جيت امر
غياث : انتي الي سقتي صح؟
سحاب : لحظه انت شدراك؟
غياث : اظن انا الي اسأل هنا ولا؟
سحاب شهقت : والله غياث خل نتفاهم
نوره : سلامات لا ما نبي نتفاهم انا بهج مع نفسكم تقوله خل نتفاهم بعد نسيتي اخر مره وين نمتي فيه حبيبتي؟
سحاب : اسكتي ما نسيت اني نمت جمبه ترا مب لازم تذكريني ياا ماني قايله!
و نوره راحت تركض بتفتح الباب بس ما ينفتح و قعدت تحاول واخر مره انفتح وطلعت ولقت قدامها.....

عند ابطالنا كان عندهم الصبح
طلعت اديم مستعجله او بالاصح تبي تهرب من اياس لان ما تبي تقابله و طلعت تبي تركب سيارتها و لقت اياس واقف برا و سوت نفسها ما شافته و ركبت بسرعه و مشت بدون ما تنتظر لو ثانيهه تحس انها خلاص معد تبي تشوفههه تحس بمشاعر جدا غريبههه و غثيثه و ما تدري وش رح تسوي معه فعلا ف تبي تبعد خلاص وفعلا هي اصلا لقت لها بيت و استأجرته و بتطلع من الجامعه و تروح له علطول ما تبي ترجع للفندق ابد
////////////
عند اياس ركب سيارته و هو يضحك على حركة اديم لمن شافته و سوت نفسها ما تشوفه و شغل له شي يسمعه و بالصدفه جت على الجرححح و لكن اياس ما كان يهتم مره او يحاول ما يهتم و راح اخذ له قهوة كالعاده و وصل الجامعه و دخل الكلاس و لقى اديم موجوده بنفس الكلاس كان عندهم كلاس مشترك بس رد لها الحركة وسوا نفسه ما يشوفها و جلس قدامها واديم انتبهت له و حست بشعور خايسس انه ليه كلشوي يطلع له هل هي مضطره تشوفه؟ و مر الوقت و خلصت المحاضرة و طلعت اديم بسرعه و كانت ماشيه الا يوقفها واحد ويقول : أيتها الجميلة
اديم طالعت فيه
الشخص : هل تخرجين معي أيتها الجميلة
اديم شف الوسخ و جت بترد الا يجي اياس و يمسك يدها ويقول : انها حبيبتي
الشخص : اوه اوهههه انت جدا محظوظ انها جميلهههه
اياس بغى يهبده بس مسك اعصابه و سلك له بأبتسامه بارده و سحب اديم و مشى و اديم وقفت و سحبت يدها منه وقالت : من طلب منك مساعده؟
اياس : كان ودتس تذلفين معه يعني؟
اديم : مالك شغل!
اياس : لي شغل ونص
اديم : ليه من حضرتك
اياس : اديم اقطعي الشررر!
اديم : لا والله انا الي اقطع الشر الحين؟؟، يخي ورا ما تذلف عني يعني فوق ما انك تسمعني كلام كانه سم و توك لك وجه تقولي اديم اقطعي الشر عفوا من انت!
اياس : انا ما قلت الا الصدز
اديم : اجل لعد اشوفك اياس خلاص عاد اطالع يمين انت اطالع يسار انت وبعد توك تشوف الحق معك!!
اياس : اي و كنت بعتذر لكن شفت انه ما تعطين الواحد فرصه
اديم : يخي من يبي اعتذارك انت مين!
اياس : علميني في احد ثاني جا بعدي عشان كذا تهربين مني؟
اديم بدون تفكير عشان بس تبي ترتاح من ذا كله قالت : اي في اييي خلاص ارتحت ابعد عنييييي ابعددددددددددد!!!
اياس ابتسم خفيف : وقال اي الحين ابعد وبقوه بعد و نزل نظارته و مشى و اديم حطت يدها على فمها و شهقت! و عيونها بدت تدمع وقالت : اديممممممممم وش قلتييييييييييييي
////////
فلاش باك
قبل سنه
اديم جاها اتصال و جت تشوف مين و لمن شافت مين ابتسمت و ردت : شتبي ما قلت لك زعلانه منك انا
اياس : افا تزعلين من خطيبج عيب عليج والله
اديم : ليه لمن تبي تراضيني تحكي كويتي؟
اياس : عشان اجيب راسج هههههه
اديم بحب : انت جايبه من زمان
اياس ضحك بصوت عالي وقال : والله اني داري انتس خفيفه يا بنت بسام هههههههه
اديم : يخي متى ترجع عشان نملك!
اياس : تبيني ارجع؟
اديم : لا الحين تشوف عمرك ههههه
اياس : هههههههههه، معليتس راجع بكره بإذن الله وتدرين جبت لتسس معي شين تحبينه
اديم : الله شنو هو؟؟
اياس : مفاجأه
اديم : يا شينك ليه تحمسني طيب
اياس : يينتي ما فيتس صبر انتي ابد
اديم : لاااااااا
اياس : بس صبر شوي جاي بكره انا اصلا
اديم وهي تمثل الزعل : انزين لا تطوللل!
اياس : على هالخشم
اديم : انفداه
اياس بضحكة : انتي شنو؟
اديم : كلام الملوك لا يعاد هههههههه
اياس : حلوه بس لا تنعاد هههههههه، يلا فامان الله
اديم : فامان الله و سكرت
///////////