انا من زود ما احبك رضيت بجرحك الدامي

البارت عشرين

المغرب،،،،، " في قسم البنات"،،،،،،
دخلت عليهم سحاب وهي جاهزه
بيسان صفقت : الله على اختيي الله، خذت الزين و الحلا كله
سحاب : يا حبيبتي انتي
نوره : يا حظ اخوي بسسس
سحاب عطتها نظره،،، نوره انهارت ضحك : خلاص امزح شبلاس
نوره : اي بنات يلا الي جاهزه تطلع،،، البنات كلهم طلعو وبقو نوره و سحاب،،،، التفت نوره على سحاب : اي يلا خل نطلع،، طلعو و اتجهو لقسم الضيوف، لان جدتهم قالت إنها عزمت اقاربهمم،،، دخلت سحاب و انصدمت لمن طاحت عينها على الي جالسه جمب جدتها و دقت نوره : ذي سلمى ولا يتهيأ لي؟
نوره توسعت عيونها : الا والله هي بلحمها و دمهااا،، والتفتو على صوت ام غياث : يمه سحاب
سحاب : هلا خالتي؟
ام غياث : قالو لس؟
سحاب :وش قالو لي؟
ام غياث : ان جدس قال انه الحين المغرب يخطبون و بعد العشا جاي الشيخ تملكون
سحاب فتحت فمها بصدمه : ليه؟؟
ام غيا  : يا يمه عشان ابوس قال لو خطبه بخليهم يفسخونها ماهي إلا خطبه فقال جدس ليه نطولها يعني واصلا هم من الاول يقول و هم يقولون له هد ولين ما تكلم ابوس و هو علطول صمم و كلم الشيخ والحمدلله وافق
سحاب من الصدمه معد عرفت وش تقول و هزت راسها و مشت
ام غياث ضحكت : يا بعد قلبي انصدمت سم الله عليها،، روحي شوفيها يمه نوره
////////////////////////
" في مجلس الرجال"،،،، غياث انصدم ان جده كبرها كذا و انصدم أكثر لمن دخلو بني تميم وهو في باله اليوم بس خطبه وفجأه صارت ملكه و كل الناس درت وهو توه ما استوعب بس هو عرف ان جده يبي يقهر ابو عبدالعزيز ويوريه ان معد له كلمه على احفاده،،، والتفت على عبدالعزيز و شافه كيف ماسك فمه عشان ما يضحك و عطاه نظره : اضحك اضحك لا تستحي
عبدالعزيز عض شفايفه عشان ما يطلع صوت لضحكته : انت كيف قلت لجدي خير ان شاء الله؟ ههههههه اهخ غياثثث
غياث : انت للحين هناك
عبدالعزيز : ولا رح اتخطى صدقني
غياث : الله يرزقك حياه غيري وانا اخوك
عبدالعزيز : لا لا انت افضل حياه صدقني ههههههه
غيث : يعساه دوم يا عز
عبدالعزيز : غيث ارحبببببب
غياث : ربي جابككك، فكني من هالخبل
سيف : افا افا عبدالعزيز خبل يا غياث؟
عبدالعزيز ناظر غياث : ها شوف الناس الزينه وش تقول!
غياث : انا اقول ورا ما تسكت و تكرمنا بسكوتك
عبدالعزيز : يلا بعديها لك عشانه يوم ملكتك
////////////////////
" في مجلس الحريم"
سحاب دخلت وهي متوتره و جلست جمب نوره
نوره : ها وش صار
سحاب : وش صار يعني خطبه ههههه
نوره : لا والله؟
سحاب : انا ادري عنس وذا السؤال
نوره : من عطاس يعني ابوس ولا جدي؟
سحاب : بلا استهبال اكيد جدي اصلا غياث طلبني من جدي و خلاص انتهت الحكايه بعد العشا جاي الشيخ
نوره : اي انا اشوف رجولتس تتصافق ببعض
سحاب : خل نروح عند البنات خل اغير جو
نوره : يلا
سحاب : بنات تعالو نطلع للصاله و نسولف
قامو البنات
غريد : الحين انتو كذا تخطبون و تملكون في نفس اليوم؟
سحاب ضحكت : لا صراحه بس لعله له سبب وجا
غريد : اي عالبركه يعيوني و العجله فيها خير ان شاء الله
سحاب : الجو حلو ما تبون نقعد برا؟
نوره : خليها بعدين
،،، لفو كلهم على صوت الي دخلت،،، بسيل : انا جيتتت
نوره : يهلا والله بدهر قلبي و رجعانه
بسيل : اشتقنا لتس يا الخايسه، اديمو طست عند الغرب وانتي معد لتس حس
نوره : والله اشتقت لها صدق
بسيل: يلا شهر وتجي حتى اقل من شهر، بس وانا يا الخايسه عساس ما اشتقتي لي؟
سحاب : عند الباب و تسولفون تبون يجون كلهم يذكونا؟
نوره غمزت لها : عادي لا تستحين قولي تبون غياث يجي
سحاب : صدقيني مارح تعدي الليله الا وانا ذابحتس
بسيل : حبيبي سحابو معليتس منها هالخبله، روقي روقي خذيتي ابو الحلا و الزين كله
سحاب : شف ذي بعد
رويم : احسس قاعده تدعين ان الشيخ سيارته تخرب هههههه
غريد بضحكة : اف لهدرجة متوتره سحاب
سحاب : لا ذي تهبد من عندها وش ادعي انتي بعد!
نوره : اي اي صح مره ودس انه يجيييي
،،،، سحاب اكتفت بالنظرات،،،،،، وهي صدق كانت متوتره وهم يسلمون زادوها وهم ع اساس يخففون عنها التوتر ولعله زاد،،،، خل نشوف بطلنا وش حاله،،،،