انا من زود ما احبك رضيت بجرحك الدامي

البارت أربعة وعشرين

" في مركز العسكر"،، غياث كان جالس في مكتبه و رن جواله : وش تبي الحين بعد بتقولي سحاب ترقص
سحاب انحرجت : انا سحاب
غياث عض شفايفه بخفه : هذا مو رقم اياس؟
سحاب : الا الا،، بس جوالي مافيه رصيد فا دقيت من جوال اياس
غياث : اي تمام،،امريني شبغيتي؟،، لحظه يا ابوي انتي،،، اطلع ما تشوفني اكلم!!
سحاب : لو انت مشغول عاديي أدق على عبدالعزيز
غياث : لا لا قولي، بعدين انا اولى بس الحين،، علميني؟
سحاب : مب انت أمس قلت لي نروح اليوم عند غيم
غياث غمض وهو يعض يصر على أسنانه : سحبت عليس يا ابوي،، والله نسيت اقول لاياس
سحاب : لا عادي تونا العصر إذا عادي بعد ما نخلص من السوق اياس يوديني؟
غياث لانه وعدها ماحب يردها : اي تمام ما عندس مشكله
سحاب : تمام
غياث : اشوف عزيز تبرأ منس
سحاب وهي اندمجت معه : اييي تشوف علطول باعني الي ما يستحي،، طيب اصبر شوي بعد اسبوعين العرس لكن ويننن الأخ يبي الفكه مني ترضاها بالله!
غياث ابتسم على حلطمتها : افا انا اوريس فيه ولا يهمس
سحاب وهي استوعبت انه سولفت معه وهي واعده نفسها تصير معه رسميه تنهدت بقهر : اي يلا لا نطول عليك و نشغلك
غياث وهو فعلا مشغول : فأمان الله
سحاب نزلت الجوال و قالت بصوت عالي بدون لا تنتبه : هيه!! علطول قفل يبيها من ربيييي طيب انت الي سولفت وجع،، مدت الجوال لاياس وهي مقهوره
اياس كان ماسك ضحكته هو و نوره بس ماقدر يمسك نفسه وقال : ترا غياث كذا يحير ما تدرين هو زين ولا شين ولا لعين ولا يجنن ولا غبي ولا يستغبي ولا ثقيل ولا خفيف ولا وش بالضبط فا صدق الله يعينس ولكن تراه حليل والله يعني مب على شكله ابدااااا شخصيته تهبل والله.
سحاب لفت على الشباك بحمق وهي تسب غياث في جوفها. 
_
_
" بعد اسبوع بدون أحداث مهمه،، جا يوم ملكة اياس،،
" قسم العيال،، الساعه ٥ الفجر،،، اياس يمشي رايح جاي بالصاله
آسر وهو مغمض عين و مفتح عين : يخي دامك تبي تفر كذا فرو راسك ان شاء الله ليه مخلينا ننام معك هنا كان فريت راسك لحالك!!
اياس ناظره بطرف عين : بدل ما ترقد قم دور معي حل
غياث وهو حاط يده على عيونه : لا اله الا الله يخوي خلوني انام!
آسر : والله قل لاخوك الدلخ ذا
اياس راح يشغل النور عناد لهم : يلا نام الحين انت وياه
غياث و اياس قعدو وهم ودهم يذبحون اياس
غياث وهو ماسك لحافه : يخي وش تبي انت الحين وش تبي؟
اياس : مابي املك!
آسر وهو مغمض : يخي حنا الي مزوجينك شفيك الله يهديك طيب لا توقع!
اياس : اي عشان ابوي يوقع على فرماني،، منجدك انت قالي بتبرأ منك ترا
غياث بقلة صبر : لو اروح اكلمه بتخلينا نرقد مثل الناس؟
اياس : ايييي
غياث قام : خلني اجي وما تخليني انام وشف شسوي فيك انا
آسر : غياث لا يغبي ما تروح للموت برجلك عشان تنام
غياث جا يسحب آسر معه : اقول تعال معي وانت ساكت
آسر وهو يحاول يفك غياث منه : علامك انت
غياث ما رد عليه وهو يمشيه معه وهم يطلعون متجهين لقسم ابوه : خل نفزع له يشيخ خلنا ننام مثل الناس اقلقنا
آسر : يربي انا وش خلاني اترك باريس واجي عند المهبل ذول!،، وفز على قرصة غياث له : عشان وصلنا ماني قايل شي،، لف يدق الباب،،، ولف على غياث : يخي منجدك انت نقومه الحين كان العصر!
غياث : لا بعد احسن لا جو الناس، اقول دق وانت ساكت،، واخيرا فتح ابو غياث الباب : وجع الا وجع شبلاك انت وياه كسرتو بابي من فجر ربي!
غياث : يبه بغينا منك طلب
ابو غياث : انا داري عشان اياس صح؟
آسر توسعت عيونه وهو يناظر غياث الي تدارك الوضع : ايه بس انت وش دراك يبه؟
ابو غياث : ابد انا ما طاوعني قلبي اخرب حياته و سبقته و خليت امك تكلم اخوها و الحمدلله عدت على خير ولكن من الحين اقول الي في بالي باله مهب الحين!!! و اليوم بيجون لزمت عليهم يجون للعشا،، واصلا البنت يقولون عندها واحد تبيه فا الحمدلله ما صارت سالفه
غياث وهو مب مصدق : ابد ابشرررر، تقدم يبوس راسه،، تسلم يبه ما تقصر والله،، لف على آسر المفهي و سحبه معه و مشى،، شفيك انت!
آسر بصدمه : الحين السالفه كذا سهله و اياس له شهرين حافر لي راسي!
غياث : يشيخ حصل خير اهم شي بنروح ننام
آسر : امش امش لا تفوت فرصه حتى.