انا من زود ما احبك رضيت بجرحك الدامي

البارت اثنين وعشرين

صباح يوم جديد في قصور آل السديري،،، كانو كالعاده متجمعين بالحوش يفطرون وقتل الصمت الجد عساف : اياس
اياس : سم
عساف : سم الله عدوينك،، اهل خطيبتك بيجون الاسبوع الجاي و تملكون
اياس غص بلقمته : جدي الله يهديك ما كأنه بدري؟
ابو غياث : لا مهو بدري ولا شي كذا هو ولا تبي تقعد سنه خاطب؟؟
غياث بهمس لاياس : اياس يخي جرب تكلمه اخر مره
اياس : انت تعال شف آثار العقال وبعدين قلي كلمه مره ثانيه
غياث توسعت عيونه : احلف ذاك الطق كله عشان ذا السالفه؟
اياس : اي والله
غياث : طيب الحين وش السوات
اياس : والله ماادري ماادري،،، لف بسرعه على صوت جده وهو يقول
عساف : اي اي خطبها ولد الملهب و بسام وافق هذا الي ما سمعته
ابو غياث : وعادي عطاه بنته منجده ذا!
اياس انصعق ولا اراديا قال : من خطبها من؟؟
ابو غياث لف بحده : ولد اعقل وانت شدخلك!!
غياث مسك يد اياس : اياس تكفى هد اصبر نفهم شسالفه
اياس وخر يده : وخر عني وش افهم بعد وش افهم!
عساف : ولد انت وياه عندك شي قله بصوت عالي مب تتساسرون
غياث : ابد سلامتكم،، وانا اقول تأخرنا خل نطلع،، اياس يلا
ابو غياث : اياس جاي معك ليه؟ انت منت رايح للدوام
غياث : الا يبه بس طفش من البيت بيجي معي اليوم
ابو غياث : اي،، ولعد به رجعة عند الغرب من الحين اقولك انت و آسر
آسر بورطه : سم يبه
اياس : ابشر
آسر : خذوني معكم حتنى بجي
غياث : اي يلا طيب عجلو انتظركم بالسياره
ابو غياث : و الخبل الرابع وينه؟؟
عبدالعزيز وهو مستعجل : صبحكم الله بالخير
عساف : هذا هو شرف،، بدري عليك وانا ابوك كان ما قمت ابد
ام عبدالعزيز : سم الله عليه،، لا بس هو امس رجع متأخر
عساف : ايه والله من الهياته،، وينك فيه راجع متأخر؟؟
عبدالعزيز ناظر امه وهو يقول بهمس الله يسامحك يمه تبين تنقذيني ورطتيني : ابد طال عمرك راجع من الدوام والله
عساف : ايه دوام نشوف آخره هالدوام،، اي يلا اذلف معهم انت بعد
عبدالعزيز ضحك بورطه لا يهاوشه بعد أن قعد : ابشر ابشر،، باس راس امه وطلع
" في المطبخ"
نوره وهي تغسل المواعين : اياس بعد عمري ضاق خاطره
سحاب وهي تسوي قهوه : بس هو عمي ما يبيه يذل نفسه اتوقع
نوره : اديم تبيه بعد وش يذل نفسه!
سحاب : بس ابوها ما يبي اياس
نوره : اي عاد ابوها يغث الصدق
سحاب : اي الصدق يغث حيل، بس اياس كاسر خاطري واضح من وجهه الضيق
نوره تنهدت : جعلها بضلوعي ولا فيه
سحاب وهي تخزها : سم الله عليس انتي بعد
مزون دخلت : اخلصو جدي يحتري القهوه!
سحاب مدت لها الدله : هاك امسكي
مزون : يمه منس ماخذتها بدون بيز؟ الحين تأكدت انس حرم غياث
سحاب ضحكت : عن الدلع عاد مب حاره ولا توي ما انخبلت بعقلي احرق يدي!
مزون : اي مشاءالله ابد مب حاره
سحاب : اقول روحي عطيها جدي
مزون ناظرتها بطرف عين وراحت،، سحاب ضحكت : خبله وربي
_
_
_
" في بيت ابو اسامه"
بسام : ترا الاسبوع الياي ملكة اياس و حن معزومين
اسامه وهو ينقل نظراته لاديم : يبه ما احس حلوه لو رحنا
بسام :وانت منو طلب رايك؟؟
جمان : والولد معه حق يا بسام
بسام : انا بس بعرف شغله انتووو منو قالكم عطونا رايكم؟؟
جمان : انت وراك مشتط ترا محد قالك شي!
بسام : وترا لهيب كلمني يبي يجي يخطب عندنا وانا قلت له ابد تعال،، فا من الحين اقولكم لا تفشلوني جدام الريال!!
اديم : شلون يعني انت مارح ترفض؟
بسام : ارفضض ولد اللهيب انخبلتي بعقلج انتي؟؟
اديم : يبه!!!
بسام : وصمخخخ وصمخخخ،، بعد قولي ما تبينه عشان اكسر ريولج؟؟
اديم : يبه اكيد مابيه انت كيف ترضاها علي اصلا انك تزوجني ولد مجرمم!!
بسام : هالمجرم الي تقولينه عنده ملايين
اديم : وش ابي بملايينه!!
بسام : انتهى النقاششش انا قلت تممم يعني تممم!
اديم عصبت و قامت مسرعه لغرفتها و سكرت الباب تبكييي بخنقهههه،،، اتصلت على بسيل : بسيل لحقينيييي لحقينييي
بسيل : سكنهم مساكنهم يالله، ابك انتي علامتس!
اديم : ابوي ابويييييي
بسيل : شبلاه!!،، اخلصي خبصتي عقلي
اديم : بيزوجنيييي ولد الملهبب
بسيل : ها،، منهو ذا!!
اديم : بسيل مو وقت غباءج يرحم امج، ذا الي قلت لج عنه
بسيل شهقت : لا تقولين ذاك الي ما يخاف ربه!
اديم : اي هو
بسيل : هيه!! وابوتس يبي يزوجتس ولده!!
اديم : ترا مهو حل انج تعيدين كلامي
بسيل : شسوي انصدمت
اديم : انزين خلصتي صدمتج؟ خل ندور حللل
بسيل : الحل يا بعد راسي انتس ترفضين وش يبي لها بعد
اديم : ابوي قالهم تم
بسيل : هو لو مو ابوتس صدقيني كان صارت علومممم
اديم : طيب الحين شنسوي!!
بسيل : نهربتسس
اديم صرخت : نعممممم
بسيل : وجعاه وجعاه!! اقصري حستسسس لحد يسمعتسس
اديم : انخبلتي بعقلتس انتي!!
بسيل : دامتس هرجتي مثلنا يعني صدق صدمتس
اديم : منتي بصاحيه!!
بسيل : والله بكيفتس ترا هذا الحل الي طرا لي يعني ابوتس خلاص عطاتس و انتهت السالفه عنده و اخوتس و امتس ما يقدرون يقولون كلمه بعد كلمته يعني وش تبين نسوي بالله؟
اديم : اف خلاص طيب يا الخبله،، طيب كيف؟؟
بسيل : سالتيني كيف،،، هذا يا طويله العمر.....................................،،،،، ها شرايتس؟؟
اديم : يمه منتس!!
بسيل : اعجبتس حبيبتي
اديم : هههههههه وان اقفطنا طيب!
بسيل : حبيبتي احد يعرفني من اهلتس؟؟
اديم : لا بس يعرفون عندي صاحبه،، بس وش اسمها وذا لا
بسيل : اي خلاص اجللل،،، اهخ تعبت وانا افكر عشانتس يلا اذلفي عني بروح اصدم اخوي بالخطه
اديم : اخوتسسس،، لا لا أخاف يعلم اياس
بسيل : اديم اذلفي عني!
اديم : اف خلاص طيب بس تكفين انتبهي
بسيل : طيب طيب، يلا فامان الله
_
_
_
" الديره بيت ابو عقاب"،، غرفه امجاد وعقاب،،،
امجاد كانت نايمه من الصبح و صار المغرب و رجع عقاب من دوامه و استغرب انها توها نايمه،، دخل يشوفها و كان يبدل والتفت على صوتها التعبان : عقاب هذا انت
عقاب ابتسم : اي يا عيونه، علامتس انتي نايمه من الصبح في شي يوجعتس؟؟
امجاد وهي مب قادره تفتح عيونها : مدري صايره منهلكه شكله تأثير الحمل
عقاب قرب وهو يبوس راسها : قومي قومي و مسي على الدنيا بخير يا بعد الدنيا انتي
امجاد : بس شوي
عقاب : لا يلا قومي،، وترا غريد و غيث هنا
امجاد فزت : ها وين هنا؟؟
عقاب وهو يجلسها : بسم الله عليتس علامتس،،، جو الديره
امجاد : ليه
عقاب : والله مدري بس واضح صاير معهم شي وما حبيت اتدخل
امجاد قطبت : اي زين
عقاب : ولا تضيقين قومي صحصحي و نروح لهم
امجاد وهي تمسك يده : والله صدق؟؟
عقاب ضحك : اي والله صدق، لو ادري تستانسين كذا كان من زمان خليتهم يجون،،، فسخ التيشيرت و راح ينسدح : اي يلا انتي قومي وانا بريح شوي
امجاد : لا يا الخاين!
عقاب وهو حاط يدينه تحت راسه طلع يده و مدها : افااا،، وهو يأشر على يده،، ابد خلاص تعالييي نامي معي
امجاد تخصرت : و الروحه!!
عقاب : اي تونا بدري،، ننام لين العشا و نقوم نروح
امجاد وهي تفكر : اي خلاص تم،،، جت تنسدح على يده بس جلست وهي تطالع وجهه
عقاب وهو مغمض : وش فيتس؟
امجاد رجعت انسدحتتت : ها ولا شي
عقاب فتح عيونه وهو ينزل راسه عليها : الا الا علميني
امجاد : لا ولا شي بس كنت اشوف وجهك عشان اذا يدك أوجعتك لاني سادحه عليها
عقاب ابتسم : وانتي بعقلتس تحسبين انتس توجعيني؟
امجاد : لانه هذي فيها جرح
عقاب : يا بنت الحلال معد صرت احس فيها،، سحبها وهو يقربها، خلاص ولا يهمتس نامي على صدري
امجاد وهي للحين ترتجف كل خلاياها لا انسدحت على صدره عاانها متعوده لكن هيبة الموقف لها دور،، عقاب حس برجفتها و ابتسم وهو يبوس راسها : نامي يا عيونه نامي
امجاد وهي خلاص تخدرت : انفداهاا
--
--
"في العزبه"
غريد قاعده تشب النار و فهت للحظه و مست النار يدها و صرخت،،، جا غيث يركض : بسم الله شفيتس
غريد ضحكت بفشله : كنت اشب النار مثل ما علمتني بس مدري كيف مست يدي
غيث طالعها بطرف عين : وغد انتي؟؟،،، هاتي يدتس وريني اشوف
غريد وهي رايحه تجيب الدله و البراد : لا لا معليك خفيفه
غيث لحقها و مسك يدها و لفها عليه : يبنت اركدي شبلاتس هاجه مني خلني اشوف،،، سحب يدها يشوف،،، رفع انظاره عليها،،،، لاا اشوا خفيفه
غريد بحمق : قلت لك انا ما صدقتني
غيث ابتسم : مو سالفه تصديق بس لازم اتطمن
غريد : طيب تكفى قفلت على الحلال الشبك زين؟؟ مو تطب علينا
غيث ضحك : قفلته قفلته،، بس تعالي انتي مشغلتنا بالهديره على وش حتى النار احترقتي منها ههههههه
غريد نظارته بطرف عين : الحين لا ذقت قهوتي بتغير كلامك
غيث لبس الفروه و جلس : يلا نشوف
غريد تخصرت : مب قلنا الفروه ذي حقي! ليه ما أخذت الثانيه
غيث : انتي من قالتس بخليتس بعيده عني؟ ،،، فتح الفروه و أشر لها تجي،،، مكانتس هنا
غريد بتهرب وهي تاشر على عبايتها : لابسه عبايه شتويه لا بردت جيت جمبك
غيث رفع حاجبه : انتي جربي تقعدين بعيده عني بس و شوفي انا شسوي بتس
غريد بهمس لنفسها : يربي الحين وش السوات
غيث ابتسم وهو ملاحظ تهربها منه و حب يلطف الجو :
اقربي بين السوالف وكتفي و الذراع
وانظري لي نظرة الشوق للشي القديم
واغرقي بالدمع الأزرق مظاليلن وساع
يوم صرتي عود ريحان ورضاى النسيم.

غريد ابتسمت : مبطين عن قصيدك يا الغيث
غيث : ما يحق لتس ما تجين من بعد هالابيات
غريد وهي واقفه عند النار قالت بتردد : غيث
غيث استغرب نبرتها : يا عروق قلبهههه
غريد : عادي اطلبك طلب
غيث : اطلبي عيوني اعطيتس اياه أمري؟
غريد وهي تداري غصتها : عادي توديني للزياره بالسجن
غيث ابتسم بهدوء : ابشري على هالخشم،، ودك بشوفه؟
غريد بعيون امتلت دموع : في كلام بخاطري اقوله
غيث : ابشري ابشري ابد اعتبريه تمممم
غريد ابتسمت وهي تلف و تمسح دموعها عشان ما يشوفها غيث و يزعل،،، ابتسم غيث على حركتها،، استقام و اسرع خطواته وهو يوقف وراها و يلفها عليه و يضمها لصدره بكل هدوء و يغطيها بالفروه،،، وهو يبوس راسها : عيب الدمع ينزل من هالعيون بوجود الغيت والله عيب،،، الا للحين ما علمتيني قرارتس ذا له دخل بالمشاكل مع اهلي؟
غريد : حنا جينا هنا نبعد عن المشاكل فخلها بعيد تكفى،، لاحقين عليها والله
غيث ميل شفايفه : ابشري ما بعد تكفى منتس كلام ولكن لنا كلام بخصوص هالشي
غريد وهي ترفع راسها عن صدره و تاشر على خشمها : على هالخشم
غيث ابتسم وهو يعضه بخفه : انفداه انفداههه
غريد وهي تتذكر موقف السياره : غيثثثثثث
غيث ضحك : ذكرتي ههههههههههه
غريد وهي تدفن راسها بصدره بأحراج : لازم تذكرنيي
غيث وهو يمشيها معه و جلس : عشان تدفنين راستس بصدري لازم اذكرتس
غريد عطته نظره و قامت تصب لها قهوه مدت الفنجال : سم
غيث ابتسم : سم الله عدوينتس ،، تعالي اقعدي تعالي