تنهد اياس و عض شفايفه بقهر : لا توافقيننن لا تكسرين ظهري!
مشى وهو رايح للمجلس دخل بهدوء و جلس في مكان بين غياث و آسر وهو يطالع ابو اسامه بقهررر محتل جوفه!
غياث :اياس قم صب قهوة ابوي من اليوم يناظر فيك
اياس تأفف و قام و جا يصب و من كثر ماهو منغبن ما انتبه و صبها على يده ولكن ما حرك يده و كانه مو قاعد يحس بالحراره الي نزلت على يده،، استقام آسر بياخذها منه ولكن اياس رفض يعطيه و كمل يصب لهم و جا بيقعد لكن مسكه غياث و طلعه برا المجلس : انت علامك!
اياس : غياث ابعد ترا مالي خلق
غياث بحدة وهو يحط على صدر اياس و يرجعه ورا : لا ماني مبعد،، مارح تدخل بوجهك ذا عند الرجال!
اياس طلع مفتاح السياره من جيبه : خلاص انا رايح المطار بسبقك
غياث وهو يأشر على الساعه بيده : تستهبل! الساعه عشر رحلتنا الساعه اربعه!
اياس : ما تفرق
غياث : اياسسس
اياس : ها
غياث بدأ يخاف عليه : علمني شفيك
اياس بضيق واضح عليه : قالت رح توافق على رعد
غياث حس قلبه اوجعه وهو يشوف عيون اياس كيف انه مغبون! : اياس هي تبي تعيشك نفس الشعور ولا هي حتى ما تبيه وانت داري!
اياس : بس انا اعرف اديم لو تبي رح تقبل بس عشان توريني انه شف حتنى اقدر اسويها!
غياث : طيب يمكن بس خطبة بعدين بتطلع عذر و ترفضه بس بترد لك الحركة لانك خطبت،، استهد بالله
اياس : يا غياث ماهي لعبة السالفه يا غياث و لا هو على كيفها اصلا انت تعرف ابوها
غياث : طيب مو انت قلت لي على اساس بيوم الخطبة بتطلع من البيت ولا بترجع و اخوها بعد رح يساعدها و صحباتها و كلهم!
اياس : انا مسافر و وش يثبت لي انها مارح تقبل عناد فيني
غياث : انت استهد بالله و عين خير و توه ما صار شي اصبر
اياس : بعد احتري لين يصير!
غياث : محد قالك كذا و آسر هنا يراقب الوضع و ان صار شي رح يعلمنا
اياس : احلف؟ يعلمنا و بعدين!
غياث : بعدين انا اخذلك اضطراري و ترجع الرياض،، ها رضيت؟
اياس : طيب رضينا
غياث : طيب افرد وجهك ولا مارح اخليك تدخل المجلس
اياس ابتسم بتسليك : كذا؟
غياث ابتسم بخفة : لا مو كذا، ابتسم كذا مثلي!
اياس : اوه طلعت تعرف تبتسم
غياث ضرب كتف اياس بخفة : يا قليل الخاتمة
اياس ضحك وهو يمسك كتفه : الله يعينس يا سحاب
غياث ناظره بطرف عين : ليه بعذبها انا وش شايفني انت!
اياس وهو يمشي بيدخل المجلس رفع يده : ابد سلامتك
غياث وهو يلحقه : اي احترم نفسك،،، جلس غياث جمب آسر،، تقدم اياس يقعد جمبه : ايه سمعت انه فرسك اسمها سحابة
غياث مسك الفنجال : شفت ذا الفنجان وانا اخوك؟
اياس وهو يحط يده تحت دقنه : ايه علامه الفنجان؟
غياث : بكسره على راسك
اياس : اف!
غياث : ايه!
" الساعه ١ بعد ما راحو الضيوف اياس و غياث كانو يسلمون على الكل عشان يطلعون للمطار رحلتهم بعد ساعتين،، غياث تقدم و مد يده لسحاب،، سحاب بدالته السلام و مدت له يدها
غياث لاحظ فيها شي : صاير شي؟
سحاب تنهدت : لا بس انتظر الخدامة تدق و تعلمني شصار لغيم
غياث : ليه شفيها؟
سحاب : مدري دقيت عليها بسرعه قفلت وقالت بنروح المستشفى غيم تعبانه وصارلي ساعتين أدق وهي ما ترد علي!
غياث وهو يطمنها : معليس ان شاء الله انها كويسه ومابها شي،، لا ردت عليس و اخذتي خبر علميني
سحاب بهدوء : ابشر
غياث رفع يده يسلم عليهم كلهم : يلا فأمان الله،، طلعو متجهين للمطار و بعد ساعه وصلو و شحنو اغراضهم و اخذو التذاكر و راحو للاستراحة وهي الساعه ٣ ونص كان بقى نص ساعه على الرحلة
غياث : تبي شي تأكله؟ ما اكلت انت
اياس : لا
غياث : بتمرض كذا!!
اياس : لا ما علي خلاف
غياث : انت تعرف نفسك انك تتعب اذا ما اكلت فا خل عنك!
اياس : خلاص معليه الرحلة طويله و باكل في الطيارة ان شاء الله
غياث : صح هي خمس ساعات و ٥٥ دقيقة ولا؟
اياس : ايه
غياث : اجل بتاكل
اياس : ان شاء الله
_
_
" الصباح الساعه ٩"
"في الديرة،، بيت بني تميم،،"
غريد وهي تحط الفطور : غيث
غيث : عيونه
غريد : الحين اديم و اياس وش سالفتهم مفهمت
غيث ابتسم : جايتس فضول؟
غريد بفضول : اي علمني
غيث : الله يسلمتس...................،حكى لها سالفتهم
غريد بضيق : اف،، يا عمري عليهمممم
غيث : افا،، لو داري بتضيقين ما علمتس!
غريد ابتسمت : لا بس حرام يعني،، بعدين هو ليه ولا خلاص
غيث ابتسم وهو عرف ليش سكتت : ليش سكتي؟
غريد : يعني الواحد تصير له ظروف ما ندري
غيث : اي صح
غريد : يلا الله يجمعهم بالحلال،،، اليوم وش الجدول؟
غيث : ابد اليوم انتي وش تبين وأبشري
غريد ضحكت : الي يجي حياه
_
_
" الساعه عشر،، في قصور آل السديري"
سحاب قامت علي اتصال الخدامه : اخيرا دقيتي!
الخدامه : انا اسفه
سحاب : خلاص عادي، الحين كيف غيم؟
الخدامه : ماما سحاب انتا مافي خاف بس ماما غيم دخلت غيبوبه
سحاب توسعت عيونها و شهقت : وش قاعده تقولين انتي وش غيبوبته هي وش جاها اصلااااااا!!!!
الخدامه بصوت واطي : بابا طق هيا
سحاب حستتت بناررر من القهر : نعم؟؟ طقها لدرجه دخلت غيبوبة!!
الخدامه : ايوه ماما
سحاب : قفلي قفلي والله لا اجييي العنهم
نوره صحت على صوت سحاب : شفيس؟
سحاب بصوت مغبون : والله لا العنهم والله
نوره : شسالفه فهميني؟
سحاب قالت له السالفه وهي ما بقى لها شي عشان تبكي.
نوره : طيب امشي نروح المستشفى
سحاب : مين يودينا جدي بيلعنا لو طلعنا مع السواق لوحدنا
نوره : ولا عليس انا بدق على آسر بشوف توه بالبيت ولا داوم
سحاب : وين يداوم هو؟
نوره : مهو ممرض و علطول قدم أوراقه يوم جو و قبلوه الحمدلله
سحاب : اي زين داومه بالمستشفى يعني يقدر يودينا
نوره وهي تدق عليه : ان شاء الله باقي ما داوم،،، ايوه رد،، الو آسر
آسر ابتسم بخفة : يا صباح الخير
نوره ابتسمت بأحراج : معليش درعمت كذا
آسر : لا اشدعوه،، أمري شبغيتي
نوره : انت قد داومت ولا توك؟
آسر : توي الحين رايح للسياره
نوره : تودينا معك للمستشفى عادي؟
آسر عقد حواجبه : انتو مين؟ و وش تبون بالمستشفى عسى ما شر
نوره : انا و سحاب،،، اخت سحاب بالمستشفى بنروح نشوفها
آسر : تمام يلا تعالو انا بالسياره بس بسرعه لا تأخروني
نوره : يلا يلا،،، سحاب يلا ينتظرنا بالسياره،، طلعو البنات،، نوره ركبت قدام و سحاب ورا،، بصوت واحد : السلام عليكم
آسر : وعليكم السلام،،، افطرتو؟
نوره : لا بس ما نبي معليك
آسر : لا لا،،، انتي اياس يقول انس طالعه عليه ان ما كليتي تتعبين و سحاب غياث يقول عندها علاجات تأخذها وما تصلح وهي جوعانه
نوره بضحكة : عطوك تعليمات قبل يروحون
آسر ابتسم : اي لازم،، ايوه وش تبون
سحاب بهدوء : تسلم آسر بس والله ماني مشتهيه اتطمن على غيم وبعدين اخذ لي اي من الكافتيريا و اخذ العلاجات
آسر : يلا على ما تحبين وان شاء الله انها كويسه اختس
سحاب : ان شاء الله
_
_
"باريس"
في الفندق عند غياث و اياس،،، غياث قام يشوف الساعه لقاها الساعه ٨ الصبح : اياس قم،، اياسسس قم يخي مالي خلق اقوم اقومك اخلص
اياس بصوت يغلبه النوم : هاه هاه!
غياث : قم
اياس : يا عدو النومممم خير شبلاك!
غياث : الساعه ٨!
اياس : واذا وش وراك بتنقذ العالم يا سوبرمان
غياث : اللهم طولك ياروح،،، انت غبي اي بننقذ العالم من اللهيب!
اياس : الساعه ٨ حتى هو ما يطلع من بيته نقوم شنسوي
غياث : اياس بتقوم ولا افصلك اقسم بالله
اياس قام : يخي تراك ابلشتنا عشانك اعلى مني رتبة!
غياث : اقول اص بس وقم البس بدلتك
اياس قام وهو يتحلطم : الغبي الي يشتغل معك قسم بالله انه غبي،، وانا اقول ليه العساكر كذا يناظرونك،، تصدق لو يذبحونك ما الومهم يشيخ
غياث : اقول ترجل بس ترجل
اياس ناظره بطرف عين : طيب يا الرجال انت طلبت لنا فطور؟
غياث : اي قده على الطاوله اخلص
اياس وهو يلبس : يارب انصرني عليه
غياث : ترا اسمعك
اياس : وعساك حسيت؟
غياث : لا
اياس : اني داري مابك دم!
أنت تقرأ
انا من زود ما احبك رضيت بجرحك الدامي
Acciónتحكي الرواية عن جروح ابطالنا و تجاربهم الي عاشوها و انتصارتهم بالاخير 🥹، لذلك سميتها (انا من زود ما احبك رضيت بجرحك الدامي) وبيكون في ظهور لأبطال رواية قمراي وانا الليل ولكن الاهميه لأبطال الروايه الحالية 🤌💙✨.
