انا من زود ما احبك رضيت بجرحك الدامي

البارت الثالث عشر

نوره وهي تناظر يد غياث الي مسكتها : كيف يعني على وين بروح اشوف سحاب!
غياث : اقول اقضبي ارضتس بس
نوره : غياثث مب منجدك ترا عبدالعزيز مارح يفكها!!
غياث : اخوان و ينازون و تراه محد يخاف عليها كثر عزيز فخلك من هالحتسي و قولي للي قاعده تسوي نفسها مجنونه تلحقني غرفتي و طلع ونوره تنهدت و لفت على مزون وقالت : يعني تؤام شهد وتبين تسلمين من ذا السالفه؟ روحي بس روحي الله يعافيك قبل يجي يجرتس مثل ما عزيز جر سحاب
مزون رفعت حاجبها : أوله صار عزيز؟؟ اخصصصص و راحت تركض قبل تطقها نوره و راحت تمشي لقسم العيال فنزلت النقاب على وجهها و دخلت علطول لقسم غياث و دقت الباب وجاها الرد تنهدت و دخلت
//////////////////////
في غرفة عبدالعزيز
سحاب تنهدت وهي تشوفه متكي على الباب لأجل سحاب ما تطلع و متكتف و واضح عليه الضيق و اردفت وقالت : عزيز
عبدالعزيز رفع انظاره لها بهدوء و كملت سحاب وقالت : مثل ما قلت لك هم اخوان وحده نعرفها انا و البنات وذا اسمه سطام و اخوه متعب الي خطف شهد وانا ع اني قد قلت ل شهد لا تقرب منهم لكن ما سمعت لي
عبدالعزيز : و سطام ذا على اي اساس داق عليك؟؟
سحاب تنهدت وبدت تشد على يدها كالعاده لمن تتوتر لازم تشد على شي وتقعد تعض شفايفها : هو ناشب لي
عبدالعزيز بحدة : وليه ما قلتي لأجل اهد دنياه على راسه!
سحاب : ما بغيت ازع... ما امداها تكمل الا قرب عبدالعزيز و سكر فمها وقال : لا اسمعها ذا الكلمة و خلنا بس نلقى شهد على خير وبيكون لنا حكي يا السحاب!
سحاب وهي عرفت انه متعمد يقول السحاب لان سطام قال كذا و جتها ضحكه بس حاولت تمسكها وقالت : ابشر
عبدالعزيز : انظاري عليتس ترا!
سحاب : خذ راحتك
عبدالعزيز : محد عرف السالفه صح؟؟
سحاب : همم لا محد فهم حتى غياث اظن مدري
عبدالعزيز : اي زين لحد يدري خلها بيني و بينتس
سحاب : تمام
عبدالعزيز : تراني ضايق منتس
سحاب : اف عزيز يخي والله اني ماسويت شي ينزل راسك
عبدالعزيز : اني داري لكنن الموقف يا سحابه هد حيلي!
سحاب ابتسمت بضيق : الله يهد حيلي دامني هديت حيلك
عبدالعزيز رفع حاجبه : استغفري ربتس!!
سحاب ضحكت وهزت راسها بنفي ورفعت يدها وقالت : دامني زعلتك استاهل و عبدالعزيز طاحت انظاره على يدها الي لونها صاير مايل على الأزرق و تنهد بضيق و مسك يدها و قال : ذا مني؟؟
سحاب بسرعه سحبت يدها و غطتها وقالت : لا وين ذا من اول
عبدالعزيز ابتسم : عن الكذب اصلا ما تعرفين تكذبين
سحاب ناظرته وضحكت : اي اوجعتني حيوان و قالتها و قعدت تلعب بشعرها وهي تناظر ب عبدالعزيز الي رجع مسك يدها مره ثانيه و باسها بقوه وقال : انا اعتذر كاني اوجعتس يا سحابة قلبي
سحاب وهي تستانس لا قالها سحابة قلبي قالت : كله من الماضي الأسود الله ياخذه خرب العلاقه
عبدالعزيز رفع حاجبه بخبث وقال : ترا بتعلميني كلشي من الألف لين الياء
سحاب : الله يستر اخاف ترميني للكلاب برا هههههه
عبدالعزيز : على حسب! اي يلا الان علميني
سحاب : يا متناقض آنتا قلت لا لقينا شهد اعلمك!
عبدالعزيز : لا تخليني أحول الموضوع لغياث!
سحاب : اف خلاص طيب بعلمك لأجل نلقى شهد وبدت تتكلم سحاب تحت صدمه و عصبية عبدالعزيز و شوي معد قدر يمسك نفسه وقرب و مسك سحاب وقال بحدة : شافتسسسسس هو شافتسسس!!! شاف اخت عزيزززز
سحاب بلعت ريقها : والله مب انا الي وريته اخته ورته
عبدالعزيز : وانتي من قالتس تصوري معها ياللي ما تستحين!!
سحاب : عزيز هد
عبدالعزيز : مارح اهديييييييييييييي و رح تتزوجين الي انا ابيه ولا والي خلق سبع ان لا اوديك عند ابوي فاهمه!!!
سحاب تجمعت الدموع بعيونها : لا انت مب صاحي تحاسبني على شي قبل سنوات!! اذا هو مهووس فيني انا شدخلني بحريقه تحرقه و تهددني ب ابويييي يا عزيز توصل فيك كذا!!
عبدالعزيز : مب على اساس انتسسس ما سويتي شي يسود وجهي!!
سحاب : اي ما سويت!!
عبدالعزيز : ورايحه تكلمينه!! و شافتس ذا كله وش بحقه للان يلحقتس!!
سحاب : كنتتتت صغيره صغيرههههه و غلطت الواحد معد يغلط!!!
عبدالعزيز : لا يغلط لكن ما يستمر على غلطه ويقول انا صح!!
و طلع وقفل عليها باب القسم حقه و هو يسمع صراخها و ضربها ب الباب لكنه اكتفى بقول : لا توجعين عمرتس الله ياخذتس استغفرالله!!
سحاب عناد له جت تضرب الباب بقوه أكثر و عزيز تنهد وقال بحدة : احسن تكسرييي احسن و مشى تاركها وراه

" قسم غياث"
مزون : امر؟
غياث : من ذا متعب الي خذا شهد؟
مزون استغربت هدوءه لكن عرفت انهه هدوء ما قبل العاصفه وقالت : معرف
غياث : تؤامتس وما تعرفين عنها؟؟ تلعبين على من
مزون قالت بهمس: شكله يحسب نفسه بالقسم مسكني تحقيق خير!!
غياث عقد حواجبه : نعم؟ اذا انتي قد الحتسي الي تهمسين به قوليه بصوت عالي اشوف!
مزون بلعت ريقها : لا كنت ادعي
غياث جته ضحكة على ترقيعتها لكن مسكها و وقف بجمود و تكتف وقال : الان بصدقتس و بفكتس لكن ان جاني مجرد احساس بانتس كذابه مارح يحصل لتس طيب اتفقنا؟
مزون بهمس مره ثانيه : لا انا اشك انه منهبل الولد يهددني و يقولي اتفقنا و يبيني اتفق بعد معه يربي تكفى فكني من ذا الجلمود! واردفت بسرعه وهي تقول بصوت عالي : هممممم اتفقنا
غياث : غصبن عنتس اصلا
مزون : والله صراحه انت مره ضابط لك تكون عسكري
غياث : اي داري، يلا وريني مقفاتس
مزون : اوه طردة، اجل تدري وش اي ادري بس مارح اعلمك و حطت رجلها و غياث قعد يطالع فعلا ركضت بأقوى ما عندها ما امداها يطالعها حتى و قعد يضحك بصوت عالي وقال : شفيها ذي يعني على اساس معد بتلقاني!
///////////////////////
الصباح في لندن
اديم طلعت مستعجلة لأنه بقى ساعه بس على محاضرتها و لقت اياس طالع من غرفته ف جت بتمشي و تسوي نفسها ما شافته لكنه شافها وقال : صبحك الله بالخير
اديم لفت وقالت بهمس : لا يا اديم اثقلي مستحيل تجيب راسك صبحك الله بالخير! و اردفت وقالت : صبحك الله بالنور
اياس وهو يطالع لساعته : غريبه متأخره؟
اديم فتحت فمها دليل على صدمتها : وانت شدراك!
اياس : انا بطلع الان تجين؟ و مشى اياس و مشت وراه اديم و راحت ركبت سيارتها وهي تقول : لا مو طبيعي حافظ اوقات محاضراتي! اااااا بصرخ وربي كلشوي يسوي شي يخليني احس بذا الشعور الي يمغص بطنيييي!! ومشت وهي تشوف سيارته وراها و فعلا اديم من التوتر كانت تحس بمغص وهي اصلا كل ما شافته حست بدوخه حتى من زود ما يوترها
و اياس لاحظ ان في سياره تلحقه و تنهد وهو شاك انه السياف او حتى متأكد فقال يطلع من الجامعه و يدق على غياث يعلمه لأجل يتصرف لان كذا ابد ما ينفع وهو مب خايف على نفسه كثر ما انه خايف على اديم!
////////////////////
الرياض
في" مكان مجهول"
شهد كانت طايحه بالأرض و ملابسها مقطعه و راسها مجروح و يدينها و رجولها و كانت تصرخ وتقول : ما اكون بنت ابويييي اذا ما جريتك بالسجون يا متعببببب!!
متعب كان واقف برا مع سطام
سطام : اهم شي انك مثل ما وعدتني ما سويت الشي الي هددتها به!
متعب : لا منجدك انا بس ابي اوهمهم اني سويته
سطام : اي زين، شوي وبتجي سحاب ترا!
متعب : حي عينها حبيبة قلبك ههههههه
سطام : و بنفذ الخطه و أخذها!..