انا من زود ما احبك رضيت بجرحك الدامي

البارت السادس عشر

في " مزرعة بني تميم"
قسم "غيث و غريده "
دخل غيث وهو يترنح وقال : وين غريدييي
غريد كانت قاعده بالصاله و ميلت شفايفها بهدوء لمن سمعت صوته و شافته أقبل عليها وقالت : هنا
غيث عقد حواجبه و غمز لها وقال : من تعود على الاحضان ما عجبه الصد يا الغريد عسى ماشر؟؟
غريد : تحضنك زوجتك الثانيه ان شاء الله
غيث بصدمه : اخو امجاد!، يبنت وش زوجته!
غريد : الي رح تتزوجها
غيث قرب منها ونزل لمستواها : بتفهميني شصاير؟
غريد وهي عيونها تطلع شرار : اوكي يعني تأخرت ممكن بس مالنا الا كم شهر يا غيث ما توصل لذي الدرجه!!!!
غيث : بتفهميني ولا اروح لهم الان!
غريد : قررو يزوجونك ابشرك!
غيث بضحكة سخرية : وهم انا يقررون على كيفهم من قرر بس! و طلع ذا الشرار من عيونتس عطيني اسم واحد لأجل اهدم دنياه على راسه؟ والحين يخيل لي انتس غيرانه ولا؟
غريد توسعت عيونها : من انا! لا وين ليه اغار اصلا بس بشب فيكم وربي يا غيث!
غيث : ي بنتي استهدي بالله والله ماني بمتزوج منتجدتس انتي بتس عقل يوم تفكرين بها بجد خلهم يتكلمون لين تقوم القيامه مالنا فيهم!
غريد رفعت اكتافها : مالي دخل لا يقولون كذا وتراني طقيتها البنت الي حطوها لك و هاوشوني يعني الي صار اني شبيت بهم ذا الليله و جدي قالي اذلفي لا تشوفتس عيني فشلتينا مع الناس عشان مالتس ابو انفلتي خلاص! وامتس ما درت عنتس و زعل امي معليش كلشي الا امي ليه يضرونها بالحكي!! و جيت بطلع برا المزرعه بكبرها لكن الحراس عيو يفكون لي الباب خافو منك تلعن شكلهم لا جيت يقعلهم خوافين!!
غيث استقام وهو مال للعصبيه شوي : كنتي وش بتسوين؟
غريد بدت تلعب بيدينها : غيث والله اسفه ما كان قصدي!
غيث عاد سؤاله : وش كنتي بتسوين يا غريد؟؟
غريد ثبتت نظرها عليه و قالت ببراءه وهي تحرك يدينها : يعني عصبت عصبت شسوييي معرفت اتصرف و انت مب موجود بغيت انفجرررر! حسيت الجدران تضغط علي افهمنيييي
غيث ما قدر يقاوم و يعصب اكثر لكن اردف بحدة : انا ما امنعتس تطلعين وانتي عارفه سيارتس معتس اصلا لكن وانتي معصبه و بانصاص الليالي لا كذا ما يصلح يا غريد! انا ذا الي اقوله! ولا الثقه فيتس عميه تستهبلين؟ عاد وين كنتي بتروحين بنص الليل اصلا؟
غريد بضحكة ورطة : معرف للمكان الي توديني له رجولي
غيث وهو يقلد حركاتها : مشاءالله! وانا كيف القاتس؟
غريد شتت اناظرها للسقف : كنت برجع قبل تجي يعني
غيث قرب منها و مسك فكها بخفه وقال : خلتس واثقه و كلميني وانتي واثقه دامتس ما غلطتي!!
غريد وهي تضحك رجعت يدينها لورا : واثقه انا اصلا شفيك يعني كنت بهج مزرعتكم ما جازت لي و قالت كلمتها و حطت رجلها تركض للغرفه و بسرعه قفلت الباب بالمفتاح وهي تضحك بقمطه واردفت بصوت عالي وهي تسمع خطواته السريعه اللي تطلع الدرج تتقرب من الغرفه : غيث تكفى انا في وجهك منك هههههههه
غيث وصل لباب الغرفه : افتحي افتحي و نتفاهم!
غريد : قول والله ما اجيك!
غيث : استغفرالله والله ما اقول يا بنت خافي ربتس واخلصي افتحي قبل اغير راي و ما اخليتس في وجهي مني ههههه
غريد فتحت الباب و بسرعه راحت عند السرير وبس شافته دخل و سكر الباب شهقت : يا الحيواننن لا ما اتفقنا كذا غيث غيث تكفى لا لا خلاص امزح و كانت ترجع بخطواتها كل ما تقدم غيث و آخر شي شدها غيث و حضنها وقال : بغيت احضنتس بس انحشتي ما تستحين! بعدين وش جا ببالتس اني بسوي يعني؟
غريد وهي وجهها حمر : هاه لا ولا شي جاني نوم خل ننام
غيث مشى وهو يضحك : ورانا عزيمه يا الغريد
غريد : عزيمه من الصباح!
اطلق ضحكته الرنانه وقال : لا ماحن راعين واجب لذا الدرجه
غريد : طيب نقدر ننام عادي دامها مب في بيتنا
غيث وهو طالع من غرفة الملابس : اي اي في بيت آل السديري
غريد : الي تبينا نتعرف عليهم؟
غيث : اي عليتس نور
غريد : يعني الحين لازم اكشخ
غيث : انتي لو تلبسين خيشة بصل تحلينها يمين بالله
غريد : عاد تدري الخايسه ذيك فقشت راسها اذا جو الشرطه لا تنصدم ههههه
غيث : جاز لي تصريف المواضيع عندتس لانتس استحيتي بس وش سويتي؟
غريد : يعني اظن ما كنت متوقع اني بخليها؟
غيث : انا اقول شرايتس ننام شوي لين الظهر
غريد : جاز لي تصريف المواضيع عندك
غيث : هههههه جاز لتس كلامي؟
غريد : خل ننام بس
غيث وهو يأشر على حضنه : يلا تعالي لمكانتس
غريد بحماس راحت تنسدح بحضنه.
////////////////////////////
" جناح عقاب و امجاده "
رن جوال امجاد وبسرعه راحت تركض له و فعلا جا الاتصال المنتظر : عقاببببببب
عقاب : يا عيونه
امجاد بصوت شبه باكي : يا حيوان لك شهرين مبطي عني!
عقاب : ما قدرت اتصل يا منوة الروح
امجاد : تدري اليوم بنروح كلنا لبيت آل السديري تعرفهم؟
عقاب : ايييي اهل غياث بن ايهم آل السديري وكيف ما اعرفهم
امجاد : كان بخاطري تكون موجودد، تخيل لي يومين ما انام
عقاب : افا بتس شي؟
امجاد : كل ما جيت بنام بطني يعورني و بس ارجع بس خايفه اروح المستشفى لحالي ابيك معي
عقاب : بس ذا الي ودتس؟
امجاد : كيف يعني؟
عقاب : يعني باخذ خروج اضطراري واجيك عندي اضطراري واحد اقدر استخدمه ف كانه ودتس اجي والله لا اجي
امجاد : احلففففففففف، بس بعدين تروح وتطول أكثر؟
عقاب بأبتسامه : لا لا ما يأثر اجي اصلا بس يوم وارجع
امجاد : تقدر يوم؟؟
عقاب : بشوف بس جايتس معليتسس خلتس جاهزه بعد كم ساعه وانا عندتس، يلا فامان الله تامرين على شي؟
امجاد : لا فامان الله
عقاب ضحك وهو حس بالتوتر بصوتها : يلا و قفل
امجاد بهمس لنفسها : قال جاي!! بعد كم ساعه!!! هاهههههههه!
لا يمه امزح يمه لي اربع شهور ما شفته شسوي!!! شسوي!!
و طلعت تركض لجناح غيث و غريده تبي غريد
//////////////////////