انا من زود ما احبك رضيت بجرحك الدامي

البارت العاشر

بشوراع الرياض بالليل عند " غياث"
كان راجع من داومه و مشغل لعبدالله تعال شفني شسوي يوم يطرونك و يهوجس مع ذا الليل و وصل البيت على خير و شاف كانه به احد واقف عند الاسطبل و تقدم بخطوات سريعه شوي و  لمن قرب عرف انه عبدالعزيز و تقدم و ربت على كتفه وقال : شعندك وانا اخوك
عبدالعزيز لف عليه و ابتسم : يا هلابك جيت، كانك طولت اليوم
غياث : لا ابد طلعت نفس كليوم بس انا فريت شوي وجيت
عبدالعزيز : اها ضايق الخاطر اليوم
غياث : لا والله بس كذا يعني نشم شوية هوا وتعرفني انت اموت على فرفرة الليل
عبدالعزيز : اي اعرفك كيف ما اعرفك بعد هواجيس مع عبدالله توك تسمعها نفسها بالله؟
غياث ابتسم : اي
عبدالعزيز : حفظتها من كثر ما تسمعها وانا اخوك، واي صح ترا البنات طلعو مع خالي
غياث : خالك من؟
عبدالعزيز بضحكة : خالي ابوك يا الدلخ
غياث : غريبه ليه شعندهم؟
عبدالعزيز : مب كلهم ترا بس سحاب و نوره
غياث عقد حواجبه : لا الحين صار غريب أكثر!
عبدالعزيز : يخوي انت رح بدل بعدين حقق معنا
غياث : اصبر انت ابدل وجاي اشوف وش مهببين!
عبدالعزيز : ابد خذ راحتك ههههههه
/////////////
في المستشفى
نوره : سحاب امانه متأكده انك زينه؟
سحاب : نوره ترا وربي دقيقه و اصرخ ساعدوني اسكتي لحظه!
نوره : انقلعي خفت عليتس طيب! وربي قلبي طاح يوم شفتس، مزرقههه!!
سحاب : اهخ وربي مدري شصار فجأه انقطع النفس
نوره : لا والله كيف مدري شصار انتي عصبتي ولا وش؟
سحاب بتنهيدة : كنت اكلم ابوي
نوره : وهو خل يحمد ربه انه ابوتس ولا كان صارت علومممم
سحاب : الا صح الحين غياث يرجع ما يلقانا
نوره : خل يدز مع ابوي حنا!
سحاب : بس لا يدرون بالله اننا رحنا المستشفى
نوره : اي معليك ابوي مارح يعلمهم بس غياث لازم نعلمه لان محد رح يسكته لين يعرف شسالفة تعرفينه كلشي قال انتو تحت ذراعي ومدري وش معاملنا معامله خيله ههههههه
سحاب : نوروه لا تضحكيني الله لا ياخذتس هههههه

و فجأه دخل عليهم ايهم وقال : بما ان لوحدنا احسن بغيت اقول شي
نوره طالعت سحاب علطول وقالت : وشو يبه؟
ايهم : تحسبون اخباركم ما تاصلني؟
سحاب عقدت حواجبها وقالت : عسى ما شر يا عم؟
ايهم : من متى وانتي سردادي مردادي لبيت ابوتس؟؟
سحاب هنا رفعت حواجبها بصدمة لان محد عرف بذا الشي غير غياث وهو بنفسه وعدها ما يعلم احد معقوله يعني غياث خلف بوعده؟؟ و تنهدت وقالت : بما انك دريت اني اروح لبيته يعني أنك عارف السبب بعد ولا يا عم؟
ايهم استنكر طريقة كلامها معه بس اردف وقال : انتي فيتس عقل يا بنت!!
نوره : يبه الحينن وشو يعني نخلي البنت المسكينه تموت عشان والله قوانين جدي؟؟
ايهم : اقصريييي حستسسس نسيتي مع من تتكلمين الظاهر واييي تعضين الأرض وتقعدين وانتي وياها ورفع سبابته وكمل وقال خلني بسس اسمع انكم متعدين عتبة الباب من غير علم غياث وشوفو شسوي فيكم اناا الظاهر اني تساهلت معكم كثير وانتو نسيتو من انا لكن مهب مشكله نذكركم كأنكم نسيتو و انا برجع البيت و يجي ياخذكم غياث و خلني اشوفكم متحركين قبل يجي فاهمه انتي وياها؟؟ و عطاهم نظره و طلع وهو قد دق على غياث قبل يدخل عليهم وعلمه انهم بالمستشفى وقالهم يجي ياخذهم لان هو عنده شغل، اما البنات كانو للحين مصدومين هو كيف درا؟؟ و سحاب انقهرتتتتتتت من غياث الود ودها تذبحهههههه و من كثر القهر ما لقت شي تقوله و كان الصمت سيد الموقف و بعد نص ساعه دق الباب و دخل غياث وهو صاد وقال : خلصتو؟؟
نوره : اي
غياث : طيب يلا مشينا و اردف وقال : وانتي سحاب وش خبرتس الحين؟
سحاب قالت بنفسها مسوي مهتم الأخ بعد ما راح قال كلشي لابوه و اردفت وقالت ببرود : الحمدلله و قامت و طلعت قبلهم و غياث استغرب لكن ما اهتم مره و طلع وراها و نوره طلعت وراهم و شافت عبدالعزيز واقف و سوت نفسها ما تشوفه و مشت بسرعه و ركبت السياره و دقت سحاب و سحاب لفت عليها وقالت : هاه
نوره : شفيتس تحاكين غياث كذا؟؟
سحاب : انتي احمدي ربتس اني ما ذبحته
نوره : يختي يمكن مب هو الي قال لأبوي؟
سحاب : اي صح ظلمناه يخي يمكن الهوا قاله، تستعبطين علي انتي!!!
نوره وهي عرفت ان سحاب مارح تقتنع فقررت تسكت و تنهدت و لفت تطالع الشباك