" وصلو آل السديري لمزرعة بني تميم و استقبلوهم بني تميم وبكذا بدت الليله مع العائلتين"،،،،، قسم الحريم،،،،،،
مزون : شهدددد شهددد
شهد : وجع شفيسس!!
مزون : شفتتتت سيففففف
شهد : سيف يقطعسس،،،، وانا استغفر ربييي لا تخليني ادعي، من سيف؟؟
مزون : شهد مب وقت فهاوتسس عاد
شهد : اهااااا دكتورنا بالجمعيه،، هيه لحظه دكتورنا!!!!
مزون : توها تستوعب الدلخه!
شهد : لحظة وانتي ليه متوتره مافهمت؟
مزون : شهد والله مب وقت غباءس تكفين خلاص بعدين اعلمس
شهد : طيب الحين انا نسيت جوالي روحي جيبه لي
مزون : لا يشيخه اشتغل عندس انا!
شهد : نوني تكفين ما ابي اكلم غياث!
مزون : اف اف كلشي على رأس مزون المسكينه
شهد : يلا يلا
مزون دقت على غياث
/////////////////////
غياث : الو
مزون : ااا غياث يقول شي بس لا تعصب
غياث : بدون مقدمات ممكن تخلصين
مزون : ابشر، شهد نست جوالها بالسياره
غياث : يعني؟
مزون : وش يعني؟ يعني عطني المفتاح خل اروح اجيبه
غياث : وش وش اعطيس قولي مره ثانيه اشوف؟
مزون بلعت ريقها : او انت تجيبه عادي ما فرقت
غياث ضحك : يبنتت اعقلي، واخلصي تعالي انا برا
مزون : يخي يا حبي لكككك
غياث : حبيني بعدين الحين تعالي
مزون طلعت و غياث كان ينتظرها عند الباب و راحت بسرعه تجيب الجوال وهي راجعه جا صوت من وراها
سيف : يبنت طاح مفتاحتس
مزون من سمعت الصوت طاح قلبها و شهقت
سيف استغرب من شهقتها : عسى ماشر يا بنت!
مزون أقرب مخرج لها : فجعتني
سيف ابتسم : انا اعتذرر، بس وش عندتس برا والناس كلهم جوا؟
مزون بهمس ما ظنت ان سيف يسمعه : يمهه ليه يسألني
سيف ابتسم من سمع همسها : لا تخافين ما بغيت منتس شي بس شوراعنا الليل هنا مب امنه مره ف ادخلي داخل والي تامرين به احنا حاضرين بغيتي شي؟
وهنا تدخل غياث و جا يوم شافها طولت : يا مزون وينس طولتيييي
مزون التفت بسرعه من سمعت اسمها وهمست، غياثثث وراه تقول اسمييييي اهخ،، واردفت بصوت يسمعه : المفتاح طاح كنت ادوره
سيف : هلا والله بغياث كيف الحال
غياث : يهلا فيككك الحمدلله على ما تحب وانت بشررر كيف الجامعه معك،، مزون هاتي المفتاح وادخلي
مزون عطته بسرعه من التوتر و دخلت تركض
سيف : عاد انا استغربت يوم اني شفت احد برا ف اعذرنا يا غياث حقك علينا
غياث : لا فيها لا حق ولا شي،، بالعكس تسلم وقفت معهاا و انا لعلي سهيت بالجوال وانا اكلمم ف انت اعذرنا يا السيف
سيف : لا معذوررر يبوي،، تعال داخل من البرد دخل بضلوعنا يولددد
غياث ابتسم : يلا مشينا
" في مجلس الرجال"
دخل سيف و جلس جمب غيث في مكانه كالعاده
غيث : وينك انت؟
سيف : والله لا تسأل
غيث عطاه نظره : لا هذاني سالت جاوب!
سيف : كنت برا
غيث : اي شتسوي برا؟
سيف : الحين انت فاضي تحقق معي؟
غيث : اي والله فاضي ما تشوفني متكي و اتقهوى
سيف جا بيقوم من جمب غياث والا غياث يمسك يده و يجلسه
غيث : يبوي خلاص اقعد ما حنا مكلمينك اهجد
سيف ضحك : الا اقولك غياث عنده خوات صح؟
غيث : اخوووو امجاد!
سيف : بسم الله شبلاك
غيث : انت شتبي تسأل عن خواته؟
سيف : يربي سالنا سوال و ندمتنا عليه خلاص امزح
غيث : انت خل الناس يروحونن و بتعلمني شبلاك
سيف : انا اقول خلني اقوم اقهوي ضيفونا عيب يعني
غيث : اي مشاءالله فجأه صرتت تفكر بالضيوفف
سيف ضحك و قام يصب لهم قهوه
///////////////////
" في مجلس الحريم"
غريد كانت جالسه و جمبها امجاد
غريد : الحين ذي وش جابها مب انا طقيتها اخر مره!
امجاد : غريدد استهدي بالله ومعليس منها
غريد : نشوف
مرام : امجاد الا عقاب كيفه؟
امجاد توسعت عيونها وقالت بهمس،، لا ذي انا بصفقها ما لقت نصيب مع غيث حولت على عقاب! و عطتها نظره وقالت : مهب لازم تعرفين كيفه
مرام : افا شفيك اسالك انا يعني نتطمن عليه وكذا
امجاد : الله الله بصفتس مين تتطمنين عليه؟
مرام : يالله انتو كذا دايم مشتطين
امجاد : اي عندتس شي؟
وهنا تدخلت غريد : لا حنا مب مشتطين بس به ناس ما تستحي قلنا نعلمها الحياء ولا شرايتس انتي؟
مرام : يربي غيث حبيبي كيف متحملك وانتي عصبيه كذا
غريد رفعت حاجبها ولفت على امجاد وهي تضحك : قالت حبيبي صح؟
امجاد : الله يعينك يا مرام والله انتي الي بديتي
غريد : اي والله قالت و لفت على مرام : مين حبيبك مافهمت؟
مرام : ولد خالتي وامونن شفيك انتيي مشتطه كذا
غريد : اي انا بعلمس الميانه الحين،،، غريد اخذت كأس المويه و كبته على وجه مرام وقالت : كيف الحين توي مشتطه؟
مرام : يا مريضهههههه!!
و هنا تدخلو بنات آل السديري يفكون بينهم
سحاب : بنات هدووو الشيطان دخل بينكم
غريد ضحكت : يا حياتي هي الشيطان بحد ذاتههه
مرام جت تصرخ وهي تحوس شعرها و اخذت الكأس و كسرته و جرحت راسها : الحقونيييييييي قامو عليييييييي
نوره : قل أعوذ برب الفلق من شر ما خلق،، شفيها ذي انهبلت
سحاب : بسم الله
جو الحريم يركضون و لقو مرام بالأرضض
ام غيث : بسم الله يمه شفيكم؟
سحاب : والله يا خالتي انا اشهد لك انه محد لمسها
مزون : اي والله يا خالتي هي سوت كلشي بنفسهااا
ام عبدالعزيز : وش تقولون انتو؟
غريد : والله هم صادقين ذا المره صدق محد لمسها
ام مرام : بلا كذب بسم الله على بنتييي!
امجاد بهمس : اي مالت عليتس انتي و بنتسسس
ام غيث : انا بناتي ما يكذبن يا ام مرام
ام مرام : وانا بنتي ما تكذب وانتي عارفه ان غريد قد طقتها ف وش يثبت انها ما لمستها؟
سحاب : كلنا شاهدين والله انه محد لمسها يا خاله
ام مرام خذت جوالها و دقت على زوجها و كبرت السالفه و غيث دخلل يشوف غريدد لان ابو مرام كان يهاوش ويقول لغيث زوجتك قامت على بنتي و والله ما تسلمممم.
أنت تقرأ
انا من زود ما احبك رضيت بجرحك الدامي
Actionتحكي الرواية عن جروح ابطالنا و تجاربهم الي عاشوها و انتصارتهم بالاخير 🥹، لذلك سميتها (انا من زود ما احبك رضيت بجرحك الدامي) وبيكون في ظهور لأبطال رواية قمراي وانا الليل ولكن الاهميه لأبطال الروايه الحالية 🤌💙✨.
