Tumhari Pehchaan

20. Meri Pehchaan

Diya: ye to galat hai na…hm dost the na Atharv

Atharv: Ha, kahani me, mere kahani ki pehli dost

Diya: To fir ye kyu..tum apne dost ko kabhi samajh nahi paaye

Atharv: ha, ki tum bhi akeli ho..meri tarah…par sabse lad rahi ho..meri tarah

Diya: Par aaj to tum haar maan rahe ho

Atharv: Haar nahi maan raha, wahi kahani ko gheecho to koi maza nahi, bas ek kahani khtm ho rahi, kal doosri shuru hogi..

Diya: Tu-tum nahi samajh rahe
Atharv ke haath me chaku tha..aur chehre pe muskaan..jaise use kisi cheez ka koi gam nahi..Khanak hmko peeche karne ki koshis zaroor kar rahi thi..par bahot dari hui thi. Khanak hi café girl thi..aur aaj..uska aakhri din tha..jo hm hone nahi dete..par Atharv ne kuch aisa bhi likha tha..jis karan se samajh nahi aa raha tha kya kare…

Hm Atharv ko bahot samjhane ki koshis kar rahe the…jise zor se gale lagate..apne dil ki baat batate..uske agle kadam se dar rahe the….Khanak ki mausi bimar hai..uncle aunty ka waha rukna…sabkuch jaise Atharv ne hi kiya ho…hmko to kuch pata hi nahi tha..apne writing se itna pyaar to hm kabhi kiye hi nahi...itne bure logo ka saamna, huh, kabhi nahi…wo hamari taraf badhne laga

Diya: Please

Diya: Atharv dekho…Khanak meri bahot acchi dost hai..wo tumhari book bhi padhti hai..tumhe support karti hai, Atharv

Wo hmpe haath uthayega…aisa hm kabhi soche nahi the…wo hmko door dhakel deta hai aur Khanak ke or badhne lagta hai…mere kisi baton ka asar uspe nahi ho raha tha…bas uski kahani aur wo…

Khanak khud ko bachane ki poori koshis kar rahi thi…mera sir bagal me rakhi table se takra gaya tha..hm phir se Khanak se saamne khade ho gaye….par Atharv ko mera bhi khayal nahi tha…use bas Khanak dikh rahi thi..Hm uske haath se chaku girane ki koshis karne lage..aur wo hmko haatne ki..

Diya: Atharv please..Atharv hm saath hai..please..hm do kaafi hai
Atharv phir se dhakelne ki koshis kar raha tha..par is baar

(high freq)

Khanak: (echo) Diyaa..Diyaa..Diya utho…Diya

Is baar..wo chaku..Atharv ke seene me ja lagi

Khanak: (echo) Diya

Atharv ne sahi likha tha...ye uske book ki aakhri episode thi…wo ladki Rohan ko maar deti hai…Atharv ki book, uske saath khtm ho jaati hai. Hm aisa nahi karte…par phir karna..zaroori laga.

(high freq)

Hm us manzil par nikal gaye..jaha hm hamesha se jaana chahte the..jaha Atharv ke raaz chupe the…bas chalte gaye...jaha uska past chupa tha..uski asal atma chupi thi..uski journey…wo janta tha..ki hm yaha aayenge..meri badi si photo thi..table par..bagal me welcome likha tha(laughs)..aur wahi Aruna di ki picture..jiske karan ye kahani shuru hui..usne Atharv ke kaafi writings ko aag me jala diya..kyuki unhe lgta tha Atharv ke writing ke pyaar ne unke pyaar ko jala diya…Koi apne pyaar ko leke itna swaarthi kaise ho sakta hai, ki kisi se uski sabse keemti cheez hi chheen le. Duniya ne us bechare ki writings pe bahot bura bhala kaha..mazak udaye..to usne ek naya tareeka dhoonda, aisa book likhne ka jaisa kabhi kisi ne nahi likha ho...Aruni di uski pehli character thi..unhe uchai se dar lagta tha..dar..(chuckles) She deserved it.

Ma ke naam pe business aur papa politician..paise ki kami nahi thi..murders ko saaf karna..khabar ko gayab karna..koi muskil kaam nahi tha…bade bade cupboards the..aur unme chote chote paper chits..jinpar pen se 1st  prize, 1st prize, 1st prize (laughs) hm ginne lage..aur ye silsila jaise chalta reh gaya..wo kabhi kisi award show me nahi gaya..par Tumhari pehchaan ne bahot naam kamaya..jaisa ki wo chahta tha.
Hm Atharv se seekhe the..aur Atharv logo ke diye huye thokaron se..jo baatein hm baton baton me seekh gaye..wo Atharv chot aur dhakke kha kha ke seekha tha….