Tumhari Pehchaan

13. Hi Atharv

Khanak: Kya hua tha bro, bol na?

Khanak baar baar hamse ek hi sawaal kiye ja rahi thi, ki jab Aman ke dost use door le gaye, to auditorium me kya kya hua. Par jo bhi hua use shabdo me bayan to nahi kar sakte the. Kaun accha kaun bura, kya manipulation, kaisi kahani, kitni purani, aur fir sabka ek jad.

Diya: Khanak hm college ye sab ke liye nahi aaye the. Wo log jo bhi kar rahe the, wo mere to samajh nahi aa raha, aur na hi hm samajhna chahte hai.

Hm dono kuch time tak bench pe bas pen patak rahe the

Khanak: aaj results aane wala hai
Ham bhi apni sad life pe tippani dete hue kehte hai

Diya: Aaj soch rahe ghar bunk kar de
Khanak: Mere ghar pe to bilkul mat aana, mom tera results dekh ke mujhe hi sunayegi

College me aaj bahot sannata tha, na Aman aaya tha, na Kiran aur na unki group, koi drama nahi ho raha tha, no distraction, bas hamsab aur results, jiska dar, ab aur bhi real lag raha tha
Khanak: Aaj ka episode padh le, kya pata ye sir dard thora kam ho jaaye

Aaj wo din tha, Tumhari Pehchaan ki nayi chapter ka. Sirf sir dard hi nahi, aaj ka chapter pdhke har ek tension maano chumantar ho gaya! Hm har update ke saath ek naye character ki shuruaat ka intezaar kar rahe the, aur aaj wo intezaar khtm hui. Fable’s café me blue dress pehne hue ek ladki black pen se ek sheet par kuch likh rahi hoti hai. Ye hai Atharv ke book ki nayi character.

Diya: Khanak, hm Fable’s café ja rahe hai, blue dress pehen ke, apni kismat likhne

Khanak: Diya, maante hai tum meri bahot acchi dost ho, par itna theme party dene ki bhi zaroorat nahi hai, simple party chalega

Hmko vishwaas tha ek din to hm Atharv se milkar rahenge, par pata nahi tha ki wo din itni zaldi aayega.
Khanak last me kya boli…wo to hm nahi sune…itne excited jo the..Theek ek ghanta baad hm apne destination par wait kar rahe the, blue dress me, black pen aur sheet lekar, itne dino ki khwahish aaj puri hone wali thi.

Agar Khanak ko puri baat batate, to wo hmko yaha aane hi nahi deti. Par ek din aana to tha. Har ek mard jo Fable’s café me ghus raha tha, sabpe meri nazar thi, ab Atharv ka chehra hm dekhe to nahi hai, to sabpar dhyan tikaaye rakhna pad raha tha. Jaise koi aata, hm turant us white sheet par apne kale pen se likhna shuru kar dete, aur jaise hi wo kisi aur ke saath baithta, meri ummeed wahi toot jati. Aakhir kitne der tak yahi baithe rahenge, uska wait karte hue, kya pata wo pehle hi jaa chuka ho?

Khanak: Diya tu is side baithi thi, mai tujhe tv ke saamne dhoond rahi thi
Ye hmko Khanak ki aawaz kyu sunai de rahi hai. Intezaar to Atharv ka kar rahe, sapno me Khanak aa rahi?

Khanak: Are Diya, mujhe bula ke aise ignore kyu kar rahi hai?

Hm peeche palte, to sahi me Khanak padhari hui thi, aur, wo bhi blue dress me?

Diya: Khanak tum yaha kya kar rahi ho?

Khanka: Are, are

Khanak bagal wali chair utha ke hmlog ke table ke saamne laga deti hai

Khanak: Tune hi to bola tha, hm Fable’s café ja rahe hai

Diya: Ha, par ‘hm’ as in hm, only me, ja rahe hai, hm ‘dono’ nahi ja rahe, aisa kahe the

Khanak: Dono me difference hota hai kya?

Yarr, ye Khanak kya kar rahi hai, ise bata bhi to nahi sakte

Khanak: Accha tu yaha mujhe bulayi kyu hai?

Lo, fir sawal, aise to na hm kisi pe nazar rakh payenge, aur na hi Atharv samajh payega ki jis character ko wo dhoond raha hai, wo hm dono me se kaun hai, ab blue dress to dono pehne hue hai. Par ab ye aa hi gayi hai, to