Bahot ajeeb ajeeb khayal man me aa rahe the…Khanak ka ghar sahi me kaafi buri stithi me tha..jaise yaha koi aaya ho. Khidki ke bahar ek kata haath pada tha..bilkul waisa hi jaisa Khanak ko nightmares me dikhai deta hai. Par sab kuch asli me kaise ho sakta hai? Aman bhi hosh me hi tha, par kaafi ajeeb baatein kar raha tha, jo sach nahi ho sakta. Ajeeb khayal tab aana shuru hue..jab Atharv ki bracelet us tuti hui khidki pe phasi hui mili. Wo to mera call tak nahi utha raha, to yaha kaise? Kya koi uske naam par ye sab kar raha.
Khanak bahot ghabrai hui thi…Aman thora hosh aur thora behosh tha…aur hm…hm Atharv ko call karne ki koshis me lage the. Larry khud gayab tha, par uska kuch naya nahi hai. Abhi abhi Tumhari pehchaan ki aakhri episode upload hui thi…to hm Atharv ko inkwin par message karne lage…ki kya pata, wo message dekh kar meri urgency ko samjhe. Par book ke hisab se to uske life me koi aur aayi hui hai.
Hm uski raah dekhte reh gaye, aur wo mere musibat ke pal me ek baar bhi nahi poocha? Uncle aunty ghar par nahi the…hm Khanak ke ghar par hi ruk gaye. Aman bhi kaafi dino se ghar nahi gaya tha…apne papa ke against jaane ke karan. Ab police ko bulane ke liye Khanak raazi thi, par hm nahi the. Shaq ki chadar odhe hue hm Atharv ke book ki episodes padhne lage jo kaafi dino se padhna zaroori nahi samjhe the. Rohan café girl ko bilkul sideline kar diya tha…har waqt us nayi ladki ke saath guzarta..par café girl ke baare me phir bhi likhta, aur hm ab bhi saans le rahe the. Meri koshis shuruaat se yahi thi ki Atharv ke kuch bhi galat karne se pehle hm use sudhaar sake, yakeen dila sake ki..jaisa wo soch raha hai…har insaan waisa nahi hota..hm uske man me jhaakna chahte the, khidkiya khatkhata kar uska haath maangna chahte the, ho sakta hai ki wo shaq ke saath kholta, par wo shaq door kar hm hmesha uska saath dena chahte the….par ab…ab hm uske book me bhi zaroori kerdaar nahi. To asli me?
Hm waha se shuruaat kiye jaha se sabse pehle hamari mulaqaat hui thi, café se. Har ek episode ko dhyan se padhna shuru kiye….aisa kya hua jisse wo is tarah hmse muh pher liya.
Milne ki zikr to thi…par kabhi un lamho ke baare me nahi likha jo hamne saath me bitaaye the. Aruna di ke café wali meet ke baare me zaroor likha tha…par uske baad uske zakhm ka ilaj kiye, use batana zaroori nahi samjha? Kaafi baar wo café girl se market me milta..kyuki wo har real characters ko stalk karta tha…hm bhi milte…par gym? Hm to kbhi gym nahi gaye. Fiction soch ke hm aage pdhne lage…ho sakta hai kaafi kuch kalpanik hai…ho sakta hai un lamho ko wo duniya ko na batana chahta ho..bs hm dono ke beech rakhna chahta ho.
Aman: Tujhe nahi lagta ki ye book tu apne ghar me bhi padh sakti thi? Yaha ruk ke koi kaam to aa nahi rahi, to dikhawa kis baat ki?
Aman meri concentration tod diya
Diya: Tum ‘meri’ dost ke ghar aaye ho…par ‘hm’ Khanak nahi hai…tumhe pata hai ki hm uncle ko call lagane me do baar nahi sochenge
Aman: Doosre ka bura karne ke alawa tujhe kuch aata bhi nahi hai
Diya: Pata hai..andar andar lagta hai ki hamari khoob jamegi..par fir tumhare taraf dekh ke reality ka pata chal jata hai
Hm doosre room me chale gaye…pata nahi kyu…Tumhari pehchaan me wo nayi ladki hamesha kuch likhte rehti..Rohan ko uski tarah ek writer mili thi..jispar wo bahot yakeen karta tha…jaise uske mutthiyon me apne maqsad ko rakh kar zor se band kar diya ho..jaise Atharv ke jaane se bhi Atharv ko koi farq na pade, kyuki uska maqsad mahfooz hai…uske mutthiyon me. Mere chehre par mayoosi chah gayi. Rohan ki duniya kalpanik thi, fictional…uske kahani me (chuckles) har ek insaan bura tha..khudgarz..pure capitalism vibes…ruk kar saans lene ka bhi samay nahi tha.. ruk kar logo ki tareef karne ka, unhe bharosa dilane ka, unka saath dene ka bhi samay nahi tha
Hum bhi kuch aise hi duniya me jee rahe…uske kahani se thori better..par kuch waisi hi…logo ko wo character..wo ladki pasand aane lagi thi…jayaz hai…log hamesha purane waqt me jaane ka tareeka khojte hai..chahe industrialisation wale log ho, ya iron age wale, ya hum….par kahi na kahi hmko usse jealousy zaroor hone lagi thi…hmko wo pasand nahi thi.
आप पढ़ रहे हैं
Tumhari Pehchaan
Mistério / SuspenseDiya, ek college student, jisey ek writer banne ki tammana hai, par ye chahat use khud ek sach aur jhoot se ghiri kahani ka hissa bana deti hai. Jahan ek taraf uska ek mysterious writer Atharv ke taraf obsession badhta chalaa jaata hai, wahin doosri...
