حب قاسي (قصة مكتملة بالدارجة المغربية 🌚✨)

🥀حب قاسي🥀

للكاتبة : hkhiba🌝

🌸حب قاسي🌸

☘️الجز23☘️

كملات نهارها بلا مانشوفو بالمرة ملي خرج فالصباح مارجع ...اما هي بقات مقابلة عمها وكتعاون مو تا لحق الليل ...خدات دوش دافي حيدات عليها العيا ..
وبدلات لبيجامة مبردة شوية شورط قصير فوق الركبة وكسيوة طويلة نص كم فالبيبي بينك....جمعات شعرها كوتشوفال نازل وتخشات فالناموسية
دقائق قليلة تاكانت غرقات فنعاسها ...
...دخل للدار مع 6 ديال الصباح عينيه حومر كيبان عيان ومهلوك ِ.هز فوطتو ودخل للدوش ضربها بتدويشة....ولبس شورط قصير وسوفيطمة سماطي رمادية ..وتكا حداها يلاه حط راسو تا دارت.لجيهتو ولاحت عليه رجليها ...منظرها كان مضحك بشكل ظريف ..كتبان ناعسة فحال شي ملاك....للحظة سها فيها وفمنظرها الجذاب ..انفاسو تقالو وقلبو كيضرب بطريقة غير منتظمة ...زول خصلات شعرها الفازك لي كانو نازلين.على وجهها باش يوضاحو ليه عيونها المرمشين.وتقاسيم وجهها.الدائري الطفولي ..اما جسمها المنحوت فمكانش مغطي بشكل كلي ...كيحس بانجذاب غريب لناحيتها .... نظراتوليها مكانوش عاديين ...رغبة.... شهوة...ومشاعر لي صعيب يتوصفو...نفض افكارو ملي وعا على راسو ..ورجع حط راسو على المخدة.كيشوف فيها بهدوء ...

ا 🆕صباح جديد 🆕

كاتحس بانفاس ساخنة كضرب فعنقها ريحة رجالية ممزوجة بنسمة السجائر تغللات.فانفاسها ..حاسة بيد محطوطة عليها ..فتحات عينييها بتثاقل ..وضارت بشوية لجيهه.الاخرى كان وجهو قريب منها بزاااف ...
تبدل لونها فرمشة عين.وقلب اللون الاحمر ..توردو خدودها بخجل ..ديركت مشاو عينيها لشفايفو ...لاشعوريا عضات شفتها السفلية ...حركات راسها بنفي وبدات كتكحاز بشوية للور باش متنوضوش ...تاطاحت فالارض ناطقة بصوت خافت

" اااااحححح تقصحت تفوو"

ناضت.بشوية فاتجاه الحمام بينها هو طلق الضحكة
لي كان شادها غير بزز ...

للكاتبة : hkhiba🌝

🌸حب قاسي🌸

☘️الجزء24☘️

كملات دوشها الصباحي وخرجات كتسلت على اساس
راه باقي ناعس ..طلات بنص عين بان ليها السرير خاوي شافت يمين وشمال مابانش ليها ..خرجات. بشويةوحطات يديها على المقبض ديال الدريسنغ تا تسمع صوت من وراها
" ماتنسايش تنشفي شعرك راه غيضربك البرد"

وسعات عينيها بدهشة ودورات راسها بالعرض البطيء لجيهتو ..كان جالس رجل على رجل .. بلباس كاجوال تيشورط كحل وسروال تجين كري وروليكس فضيه فيدو اليسار وسبادري بيضة فرجليه ... كيدوز على شفايفو بابهامو ويد شاد فيها بريكة كيشعبها ويطفيها ...منظرو خلا ملامح الصدمه تلاشا من على وجهها وتولي ملامح اعجاب بمظهرو المثير والراقي ...
مافيقها من سهوتها غير صوتو " مابقيتيش ناويا دخلي تلبسي "
توردو خدودها ودورات وجهها بزربة لجيهة لوخرا ودخلات للداخل كتعيب فيه
" ياااه على متكبر ...( كتغلض صوتها) مابقيتيش ناويا تلبسي .. اوا الله ينعل لي يشوف جيهتك ..انا لي حمارة ...( ضربات راسها بكفها بعتاب ) تفووو ماعرت اش قالي راسي تاانا تحليت وبقيت كانحنزز فيه فحالا عمري شفت بنادم "
لبسات بيجامة اخرى محترمة ونزلات متفاديا الشوفة جيهتو

يتبع🖐🏼🌝🖐🏼💗