حب قاسي (قصة مكتملة بالدارجة المغربية 🌚✨)

🥀حب قاسي🥀

للكاتبة:hkhiba🌝

🌸حب قاسي🌸

☘️الجزء130☘️

جالسين فالطيارة راسها على صدرو كيلعب فخصلاتها الذهبية بيد..واليد الثانية شاد بيها تيليفونو كيتراسل مع شي حد ..دورات عينيها شافت فيه وشافت فتيليفون..هزات راسها من على صدرو ونطقات مخنزرا فيه : منين ركبنا وعينيك على التيلي وااخا تكون معرف ااش كدير

بدون مايشوف فيها دور يديه على راسها رادو على صدرو : حنان ريحي راه دابا انقلعو ..ديري حزامك

حنان : اصلااا اصلاا حنا لااش غااديين لتركياا لااش ..يااك خدام فالمغرب وخدمتك كاها هنا ااش مااشيين حناا نديرو تم

تنهد وحط تيلي ديالو فوق ديك الطبيلة لي كانت قدامو : قلت ليك احنان مليون مرة عندي خدمة تم نقضيها ونساريك تاتشبعي ..نفوجو شوبة اناا ويااك ونرجعو

صغرات عينيها فيه : شمنن خدمة ؟!!

قلب عينيه مبسم جنب من تفكيرها : خاصني تلاقا مع واحد المستثمرة جديدة غتنفع شركاتي لي هنا

وسعات عينيها عينيها فيه بصدمة : ياااااك اسييديي وكتقوولها ليي فوجهيي شرييييكة مرأة ...بااغي تطلعها فالعمارية قداامي ..

هز فيها حجبانو ناوي يفقصها شوية : وتخليينيي زعما ؟؟!

حنان : مامركتييش اعينين مووكا ..كتشااور بعداا .( لوات يديها على عنقو فحالا غتخنقو ) يااوالله تاا نقتللك بالله ..قالك تخلييني ..مامركتيش

ارسلان( حابس الضحكة ): وتسخاي بيا زعما

حنان : نزور قبرك كل خميس ولا نشوفك مع غيري عريس ..

ارسلان : ههههههه كتقتلييني بهااد الأمثلة دياالك ..كتجييبييلي التمام ..غيي رييحي ضاحك معاك ..غنتلاقاو مع وااحد خينا شارف هو لي مستثمر عندي ..غير بغينا نجربوك ساعا صدقتي ماسويهلاش

حنان :( رجعات لبلاصتها كتقاد السمطة عليها ) اصلاا مااتقدش تشووف غيري فين تلقا فحالي الزعورية والزين والتباتة

ارسلان( باس راسها كيضحك ): الزين كاين الشهبة ديالي التباتة الله يجيب

خنزرات فيه : تهجرو اخالتي
.
.

...أصوات الآلات مزعج كيتسمع فودنيها ..الضوء مجهد الشي لي خلاها تعمش عينيها ..راسها تقيل عليها والالم كينهش جسدها ..الاصوات كتسمعهوم بعاد ...حلات عينيها كيضروها وراسها كيوجعها ..تاحاجة ..مكتشوف تاحاجة من غير الضبابة ..كيف وقف الطبيب عند راسها حركات يديها بزز ..خلاتو موسع عينيه على وسعهوم منين شدات من طابليتو البيضاء...