حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء25☘️

...مشا هو لخدمتو وهي كملات شغالها ونزلات كتعاون مو...
..فالوقت لي كانت فالصالة كتقاد ففراشها تقدمات لجيهتها الام ديال مراد بابتسامة متورترة
هنيا: " وداااد"
وداد( بادلاتها الابتسامة) :" نعام اخالتي بغيتي شيحاجة "
هنياا: " ااه عافاك بغيت ندوي معااك "
حطات لي فيديها وتقدمات لناحيتها : "اهاااه وااخ وااش كاين شي مشكل"
هنيا: " نجلسو يعدا وندويو"
وداد : " وااخا"
جلسو مقابلين مع بعضياتهم .. شدات لي فيديها مصطانعة الحنية و نطقات بتوتر : "انا عارفة علاقتك بولدي متوترة وبزااف ياااك ...ونتي عارفة مراد عصبي ..ونتي يلااه مااتو ليك وااليديك
انااا ابنتيي كنشوف بلي من الاحسن يسالي هاد الزواج ...نتي ماصلحاش لمراد اوداد ...ماشي نتي الزوجة لي كنت بااغا لولدي ..من الاحسن هادشي يسالي وتوضعو حد لهاد تفاهة بنفسك بلا ماتخليني نتدخل "
( بعدات يديها منها بنرفزة عاقدة حجبانها بانزعاج )وداد : " واااش منيتك اخااالتي زوااجنا ماازال مادازت عليه تاا 3 ياام مقااددة ونتي كااتقوولي بااغاه يساالي ...مكنقصدش نقلل احترامي عليك ولكن واش بعقلك اخاالتي "

هنيا : " وداااد خلينيي معااك مزياانة اصلاا مافهمتش كييفاش مراد شاافك مرة وحداا وقالك بغاا يتزوج بيك
علم الله اشمن لعبة درتي ليه "
وداد : " خاالتي وااش كتسمعي رااسك ااش كااتقووليي ولدك هوااا لي ختارني ماجييتش وبززت عليه يتزوجني يااك او زاايدون اشمن ام نتي لي بااغا تخربي حياة ولدك وتدخلي فيها فحالا نتي لي مزوجة بيا ماشي هوا"
( طلعات شهيق وزفير كتحاول تكالما) هنيا : "اووكي اووكي ولديي لي غالط ما عرفت ااش عجبو فوحدة بحالك ..المهم انخلي ولدي هو لي يختاار وكوني على يقين مااشي نتي لي غيختاار"

وداد: " اااش كتخربقي ااش.غيختاار لاعبين كارطة ولا ااش؟ "
هنياا : " غدا كاينا حفلة هنا فالفيلا ..غانقدم فيها بنت ختي لمراد الزوجة المناسبة لولدي ونتي وطبعا عائلة رشدي لي هما عائلتك تانتي ودييك ساع نشوفو ولدي لمن غادي ينصاع وااش لياا انا لي موو ولاا نتي لي يلاه عرفك لبارح"
وداد: ( بدات كتصفق وكتضحك وعصبيتها كتبان من عينيها وحواجبها المعقودين): " وااااااو وكاااتعلميينيي بعداا ياااك اخاالتيي برااافوو عليك علم الله من ايمتىى ونتيي تخططي لهادشي ..مليي هدشي كامل فراسك. علااش علااش وافقتي علياا من لول هاا ولاا ولدك حاكم فيك كااتخاافي منو يمكن كااع...فرااسو هو فرااسو هدشي لي راك تقوولي فييه داابا ...مااخايفااش نقولها لييه "
هنياا: " مااغاديش تقوليهاا لييه وطبعا ماغاديش يسمع منك حييت انا مو ونتي غريبة عليه مع انه تزوج بيك هدشي ماكيعنيش قيمتك عندو اتكون كبر من قيمتي انا لي مو وااخاا ؟؟ ..واصا لاقلتيها ليه غانعرفك ماتاايقااش فرااسك وعاارفاك غاتخسري قداام بنت ختيتي لاالاات البناات بسمة "
( خدات نفس عميق ورسمات ابتسامة غريبة على شفايفها)وداد : "عرفتي شنو انا غانطلع نعس حيت الى جلست هنا معاك وتسنطت لبلابلا ديالك اخالتي غانوصلو لشي موااصل لااتحمد عقبااها ..اللهم نطلع فحاالي"