حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء110☘️

دموعها نازلين بغزارة على خدودها عيات ما تصبر راسها مي بعادو عليها و حمالتها خلاوها تنهار باكية فصمت ...عيونها مراقبين يدو لي شاد بيها الفاليز واليد الثانية شاد بيها تيلي حاطو على ودنيه ...قطع وخشاه فجيبو ودار لناحيتها ملين نظراته ..دموعها كيحرقوه ...كينزلو على قلبو فحال الماء قاطع ..تحنى لمستواها وشد ليها يدياتها كيدوز عليهم باصابعه بحنان مقبلهوم ..

نطقات منغنغة بصوت مخنوق : نننن ماابغيتكش تمشيي وتخليني نن

ضمها لعندو كيستنشق عبيرها ونطق جنب وذنها : شششووت ماا تبكييش غنرجع دغيا...مااغنتعطلش علييك ..هممم واااخا مااغنتعطلش بالمرة ..

بقا معنقها حتى حس بيها سكتات ودموعها نشفات ..شاف فيها كيترقب شنو غاتقول عارف كلامها على طرف لسانها خاصها غير تخرجو ..هز حواجبو وتكلم : دوي ...قولي شنو باغا

وداد : لا ..( مسحات طراف عويناتها وتنهدات ) ما غنقول والو غير سير ..غانتوحشك ..ولكن غاانساينك ..صافي غير سير انا ماشي انانية نفضل راسي على عمي لي مريض ...باباك هاداك يبرا ورجهو وااخاا؟؟( شافت فيه بعويناتها كيلمعو فحال شي قطيطة ) ..

ماحسات بيه غير تاخشاها فيها مزيرها ليه كثر هو براسو ماقادرش على فراقها غير كيصبر فراسه ...شاف فساعته اليدوية وبعد عليها شاد من كتيفاتها مبسم ليها ..: خلينا نختموها بضحيكة ..باش يهنا بالي عليك ..نتي والفنيكيش ولا الفنيكيشة لي فكرشك

ضحكات ليه ورجعو ترقرقو عويناتها بالدموع ..مسحاتهم بيدياتها فالبلاصة ووقفات معنقاه ..بعدات عليه راسمة ضحيكتها على شفاهها : يلا صافي سير الوقت وصل ..غاتعطلو على سفريتكم ..راه عمي وجداتو خالتي هنيا ماتخليهش يتسنى..

جر فاليزته وراه ..ويديه فيديها مشادين فبعضياتهم ..بجوجهم مامتحملينش هاد الحالة هادي غير مصبرين راسهم ببعضياتهم ..وقفو قدام غرفة رشدي ودق الباب حتى تعطالهم الإذن عاد دخلو ..

رشدي : اهلا اهلا بولييداتي دخلو ..اجي اجي اولدي اجي جلسي ابنيتي وداد نتي وحفيدي المستقبلي

ضحكات ليه باستبشار من ديما كان بشوش وكلامو كيف السمن على العسل . ...أحن منو ماكاين واخا يكوونو الجناوا مغروسين فضهرو بسمتو ماتخطاه غير كيوزع فيها على الداخل والخارج ..تقدم لعندو مراد وقبل راسه ويديه ناطق : نتحركو الواليد ؟؟!

رشدي : على بركة الله اولدي

دفع الكرسي المتحرك وهو فوقو نزلو للأسفل بمساعدة واحد من الخدم ..ورجع للفوق باش يهز الحقائب ديالهم ..لقا وداد باقا واقفة كتشوف فالفراغ ..كتشوف فيه برقة وهي مقربة منه ..دورات يديها على عنقه كتحرك يديها فخصلات شعره الاسود القاتم : تهلا فراسك ..هههمم وكوول مزياان ..عنداك تمرض ..وااخا ؟؟ تهلا فصحيحتك ..ورد البال لعمي ..وبلييز وااعدنيي  ماترجع حتى يبرا فخطرة ويكون قادر يوقف على رجليه ..