للكاتبة:hkhiba🌝
🌸حب قاسي🌸
☘️الجزء120☘️
....ناضت من بلاصتها أسبوع وهو غابر لا تيليفون كيجاوب عليه ..لا ميساج قراه ..كانت واقفة عند راسها سماح ماسكين الوليد الصغيور وكيضحكو معاه هي وسارة وبسمة ...ناضت من بلاصتها بمساعدة مريم ومشات الحمام تلبس حوايجها باش وأخيرا تخرج من السبيطار ..
شافت مريم فسماح ونطقات بنبرة متسائلة : فين هنيا علاش ماجاتشش معاكم
سماح : واللهي معرفت أنا جالسة مع بسمة وسميرة فدارهم كااع مادزنا لعندها ..
مريم : واا العجب ..مادارت فيها مايصلاح ملي ماجاتش تشوف حفيدها وتلعب معاه شوية
سماح : رااكي عاارفاها كيدايراا ..راسها عاصي ماعندنا مانديرو
مريم ( تنهدات ): اييواا الله يرد بييها
سماح : اميين
خرجات من الحمام بكسيوة بألوان صيفية واسعة بديزاين كيوت مع كريشتها لي باقا منفوخة وصنيدلة فالغوز غامق وهزات ولدها لي كان لابس لبيسة فالصفيفر وطريبيشة بيضاء ..
وداد : صاافي نمشييو
بسمة : ااه يلاه رااه طوموبيلتي براا ..نديك لعندي لدار والا للدار
وداد : لاا غير هوديني للدار خير ليا
بسمة : اووك بخاطرك ..يلاه ماما تا تجيبي معاك خالتي ووصلي خالتي مريم تااهيا
سميرة : صاافي تهنااي
...
لحقو للدار نزلات هي وبسمة والرضيع بين يديها دخلات هي وكذلك بسمة ..الدار غارقة بالهدوء...ماكاين حد ..دارت بسمة فالدار كتقلب البيوت ..حطات وداد البيبي فبلاصتو ..تانطقات
بسمة : وااقيلا خالتي مااكاينااش ..العجب مامولفش ليها تخرج وتغبر
وداد : ماعرف ليها أنا مافهمتش ديك المرا كيف دايرا ولا كي كتفكر ..عييت نحط لها أعذار ولكن واالو
بسمة : اوديي الله يهديها ..أنا أنمشي لسوبر ماركت خاصك شيحاجة
وداد : اممم جيبي معاك ليكوش راه مابقاولوش
بسمة : اوكي راه ماما وخالتي شوية ويلحقو لعندك
وداد( جاوبتها بصوت منيم وهي كتقاد راسها على الوسادة ) : امم وااخا
...دازت قرابة النصف ساعة حبسات طموبيلتها جمب الدار ونزلات لقاتهوم نيت تاهوما يلاه لحقو ..دخلو كاملين وهي مشات لناحية غرفة وداد تحط ليها التقدية لي جابت ..دقات مرة وجوج وبقات بدون رد ..فتحات الباب ودخلات سمعات التنغنيغ ديال الوليد الصغيور ومشات ليها كتزعزع فيها بنية تفيقها ..جاها الملمس رطب عقدات حواجبها ببعضياتهم وزولات عليها الغطا ..مالقات غير يديها والريح ..والمخاد مستفيين واخدين بلاصتها ..دارت للبيبي كتشوف فيه برقة..هزاتو بين يديها وخرجات زربانة ..
VOUS LISEZ
حب قاسي (قصة مكتملة بالدارجة المغربية 🌚✨)
Romanceجييت وهاد المرة جييت بالعامرر .. جييت وجييتكم بقصة لي مختاالفة من ناحية كلشيي..قصة غرقاانة عبــر....مشــاعر ...أحــاسـيس...قصة للي الى كنتي بدون قلب غتحس ..هاادي مااشي وحدة من القصص لي شبعانين كذوب نقولك فلان ضحك مع فلانة بغاو بعضياتهم وتزوجو وعاشو...
