حب قاسي (قصة مكتملة بالدارجة المغربية 🌚✨)

🥀 حب قاسي 🥀

للكاتبة:hkhiba🌝

🌸حب قاسي🌸

☘️الجزء125☘️

..الحياة ماشي بهاد السهولة ..قدما ضحكاات ليك غيجي نهاار وضحك عليك ..تبكييك اضعاف الضحك لي ضحكتي..هدي ماشي شيحاجة خايبة بل بالعكس ..كتوكضنا ..وكتصحصحنا كتعلمنا دروس ..فقرايتنا حتى كناخدو الدروس عاد كنتختابرو لكن الحياة العكس كتختابرك باش تفهمك الدرس ..وهنا فين كاين الفرق حيت كاين لي من غلطو كيتعلم وكاين لي عندو الودنين طوااال غير ماكيزيد يعاود نفس الغلطة ..

هاد الصباح صباح لي غير الصباحات ..صحيح ان نفسيتها مضررة ومتزعزعة لكن مع ذلك بسمتها على شفاهها ..كيف لا واليوم هو اليوم لي خرجات فيه للحياة اول مرة ..النهار لي شافت فيه الضو اول مرة ..نهار للي فرح الكل على اثر ميلادها ..ااه اليوم يوم ميلاد هاد النويويرة ..اليوم غاتمم سن القانوني ..سن 18 سنة ..ناضت لبسات أحسن ماعندها من كسيوات ديال الدار لي جابت معاها ..كسيوة سميطات رقاق فالاصفر مزينة بوريدات بالابيض ..جاتها كيوت على جسمها الانثوي المنحوت ..دارت كتشوفال لشعرها الاسود الطويل ..وزينات وجهها بميكب خفيف زادها غير فتنة على فتنة وبراءة ..
نزلات بفرحة كتنقز في الدروج فحال شي بنيتة صغيرة ..لقات سماح كتلبس حوايجها باغا تخرج ..مشات طارت عليها بتعنيقة كتبوس فيها : صبااح الخيير الحب

سماح : صبااح الزين والفنوون يااختيي على الجماال

سارة ( كدور على راسها ): يااك جييت زويينة

سماح : كتحمقييي( قبلات راسها ومسحات على شعرها ) تبارك الله ماشاء الله ..الله يحفظك ويحجبك

سارة : ..اميين ...خارجة ؟؟

سماح : رااك عارفة شنو واقع ماانقدرش نخلي سميرة بوحدها تمشي دير شي حاجة فراسها

سارة : فهمتك ..فهمتك ..المهيم اناا رااه نقدر نخرج العشية في حالة ماالقيتينيش فالدار

سماح( بتحذير ): اييوا غير رضي البال لراسك وكاان

قبلات خدها عاد طلقاتها: كووني هاانية

..فور ماخرجات زمات شفايفها بحزن كانت كتتمنى دوز هاد النهار مع شي واحد قريب ليها ..دارت بحالها تالمحاتو نازل من الدروج بلباس رسمي وعاودا رجعات ابتسامتها الصغيرة ..قربات ليه بخطوات ثقيلة تاادخلاات ريحتها وتغلغلات فانفاسه ..طلعها وهبطها بنظرات مبهمة : ماالك ؟؟

سارة : ماامااليش ! ..بقا حاضياه تااريح وشعل حااسوبو قدامو وعاود نطقاات : مساالي