حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء114☘️

..الضلمة طايحة..بين الازقة الغربية بأمريكا ..حي لي كاع الناس كيتفاداوه وكيبعدو عليه ماأمكن ..وتا لي كيقرب كيكون يا إما من أصحاب المكان يا إما من المعارف ديال اصحاب المكان ..غير ذلك غاتدخل كغريب من المستحيلات تخرج واقف على رجليك ...كان واقف ظهرو على الحيط كيلوي فاصمة على بيضاء على يديه اليمين بينما يديه اليسار كانت مضمضة بنفس البانضة بلون اسود ..حواجبو مقرونين ..وعينيه كيدورهم على البلاصة فحال النسر ..زاد عقدهزم كتر ملي سمع تيليفونو كيصوني ..جبدو من جيبو وفور ماشاف اسمها لانو حواجبو وظهرات ابتسامة خفيفة على شفايفه ..جاوبها مغمض عينبه كيساين يسمع صوتها ينغمه وينعشه ويحسن مزاجه ..لكن فور ما حط السماعة على ودنيه تسمع صوت ضحك وتنغنيغ طفولي خلاوه يقاب حواجبه برأفة ...لحظة صمت خلاتو يستوعب شنو واقع ..بلع ريقه بصعوبة كيحس بعصة واقفة فحنجرته ..ولدو تزاد وباه ماحاضرش ..لون عيونو قلبو للون الاحمر عروقو تزيرو وصدرو داق عليه ..وكأن الزمن وقف عندو ..هي كدوي فالتيلي وكتساين جوابه وهو مرفوع كيراجع حياته ..امتى غيرتاح ويعيش هاني مهني مجموع مع عائلته ..بلا ميكون الصداع ولا المرض ولا المشاكيل ..الفلوس مشتتة ..غير كتلاح تشري ليه الحاجة لي حل عليها فمها ..ولكن ؟؟؟..فين هي راحة البال؟؟..جمعة العائلة ؟؟ لمة الحباب؟؟ وااش الفاوس غايقدرو يشريو ليه هدشي ..معلوم لا
سد عينيه ورجع لوعيه كيسمع صوتها منهك وهي كتردد اسمه بصوت شبه باكي

وداد : مراد ..مراد كتسمعني ..ولدنا تزاد امراد ..تزاد ( شهقات شهقة خفيفة )..زوين بزااف ..كيشبه ليك ...كيحمق ..نصورو ليك وتشوفو على بال ماترجع ..تهزو بين يديك وتلعب معاه تربيه وتكبرو بين احضانك ..ياك ؟؟ ( سكتات كتسنى رده ..لحظات قليلة من موراها طلق تنهيدة حارة وقطع خاشيه فجيبو ..باش غيرد ااش غيقول ..حالة با مستحيل تعالج ..علم الله شحال غيبقا بعيد وشحال غيطول هنايا ....

زفر هوا ريتو ورد قب الكابيتشو على راسو ..يديه فجيابو كيشوف غير من التحت ..وكيزير على السمطة ديديه كتر وكتر ..لي داز من حداه كبطلعو فيه وكيهبطو ولكن تاحد مازاعم يقرب ..قلب خطواتو خلف واحد الساحة ودخل لواحد البناء كيبان شبه مهجور من برا ...عزااوا تماك على الجهد ..الgangs (العصابات )كتار مجموعين تماك ..المبنى من الداخل عبارة عن حلبة فالوسط كبيرة ومربعة شادة نص ديال المساحة ديال المبنى والفوق كيشدوه الناس صحاب اللعاقة ..الطبقات العليا VIP لي هما لي كيسيرو هاد النوع من الالعاب وكذلك القمارة بانواعهم عاد كاينين البلايص ديال المتفرجين كثاار .

..تم داخل بخطوات ثقيلة هيبته حاضرة ورجولته طاغية زيد عليها الهالة المرعبة لي دايرة بيه كتخلي لي كيشوفو يدير حساب انه الى قرب ليه الله اعلم شنو غيوقع ليه ..