حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء104☘️

العرس سالا والعروسة تفرقات على دارهم بعد موال من البكا والحزن ..
راجعين للدار مشادين اليدين...شاف فيها ونطق بنظرة حنينة : عييتي اليوم ؟

وداد : اامم فالصراحة بزااف من الصباح وحنا فتوجاد ..وضروري مانعاونهم فداكشي ..راه حنان صحبتي وختي قبل كلشي

مراد :( ربت على شعرها مبسم )دكشي علاش نتي مرتي حيت ماكاينش كيفف حنانتك..(سكت لدقائق ورجع مكمل كلامه ) ..عندي شي حاجة خاص نقولهالك ..مي حتاال غدا

وداد: شنو كااين ؟؟ قولي

مراد : تال غدا

وداد : داابا بسبابك ايبقا رااسي ضارني

مراد :( حليها الباب ديال لوطو وتكلم ) صافي طلعي طلعي دابا تا لغدا وندويو

وداد :يااك .. وااعقل فيهاا ...(طلعات خابطة الباب )

تاجه هو لجيهة السائق وطلع ..دار كيشوف فيها وهي مدورا وجهها كتشوف فالسرجم وعاقدة يديها ببعضياتهم غضبانة عليه..قرب منها وحط كفوفه على حنيكاتها دور وجهها لعندو وقبل شفايفها وسوداويتيه كيلمعو وهوما مراقبين عسليتيها بهيام ..من نظراتو تعرفو الحب لي هاز فقلبو لهادي لي قدامه

مراد : شكوون نتي ؟؟ ههمممم شكون نتي لي خليتيني دايب فيك هاكدا ..شكون نتي لي سرقتي قلبي ومابغيتي ترضيه ؟؟ ..همممم شكون نتي لي نهاري بلا بيك يدوز كحل

حطات يديها كتحسس لحيته متناسيه غضبها عليه وضحيكة صغيورة مرسومة على شفايفها : أناا ..انا ودااد ...
نطق بصوت هامس : كمليها ..

وداد : دياال مراد

نهال على شفاهها بالتقبيل ..كيروي عطشه بشهد كرزيتيها ..حتى سال دمهم عاد بعد شوية من بعد ماحس بأنفاسها تقطعو : كنبغييك ابنت النااس ..

وداد : واناا كتر

بعد منها كيعدل فقميجته وشاف فيها ضاحك : مابقيتيش غضبانة صافي نمشيو

شافت فيه برضى وهزات راسها بإيجاب عاطياه الضوء الأخضر باش ينطالق بأقصى سرعته ..

كان جالس متكي و بين  يده كتاب واليد الاخرى هي لي متكية عليها ..كيقرى باللغة العربية الفصحى وهي كتصحح عليه فأي كلمة غلط فيها تا وصل لآخر كلمة وغلق الكتاب ..جلسات نايضة من على يديه وجلس تاهو ..وهي تبدا كتصفق ليه بيديها بجوج : هاد المرة قريتي كلشي صحيح تقريبا