حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء102☘️

•••بعد ستة اشهر•••

..كلشي واقف على قدم وساق ...الفيلا الكبيرة تزينات واصبحات اكثر من جاهزة باش نشهد على حدث فحال هادا الناس فرحانين والعوائل مجموعة ..الى ركزتي بين هاد الناس كاملين غادي تلمحها كتتحرك يمين وشمال كتلقي فالاوامر وتقول شنو خصو يدار ..خاص كلشي يكون مثالي.. التوتر ظاهر على ملامح وجهها ..شافت فتيليفونها لي كيصوني وجاوبات طايرة مبسمة بخفة : هممم مرااد

مراد : روحو وعمرو

ضحكات بخفوت تا سترسل كلامو : هبطي لتحت كانساينك ..هااه ومااتعطليش ..؟؟

شافت يمين وشمال..كلشي خدام وقايم بواجبو على اكمل وجه ..حطات يديها على كريشتها المنفوخة ونزلات كتخطي خطوات صغار تا لحقات للطابق الارضي ..خرجات من البوابة ولمحاتو واقف عاطيها بالظهر كيبانو غير اكتافو العريضة من اللبسة الرسمية لي لابس ..دار بعرضه وبطوله وضحك ليها ضحكته لي كذوب القلب غمازة خده واضحة...سرعات خطواتها وقصداتو مادا يديها للعلالي وتلاحت فحضنه
وداد : توحشتك

مراد : انا لي توحشتك نتي جيتيي لهنا مابقيتيش بغيتي ترجعي لداركم

وداد : وااراه عرس صاحبتي ..

مراد ( خشا راسو فعنقها كيستنشق عبيرها وطبع قبلة على نحرها مخليها تبورش ): اييه الالة ما قلت والو ..يسالي هاد العرس ونهرب بيك

وداد : مممم مرااد القصر عامر دابا يشوفنا شي واحد

مراد : رزقي ومرتي وماشغل حد فياا

وداد : والا مراد واا عاافاك راه غادي تبقا باينا لا طراس ملي نلبس الكسوة

(عضها عضيضة خفيفة عاد زول راسه وشاف فيها): باش كلشي يعرفك ديالمن وتاحد ما يزعم عليك ..ولا نقلبو هاد العرس جنازة

وداد : هبيل ..راه غير كرشي لي منفوخة تعطيك الخبار

( ضربها بسبابتو لنيفها ونطق بمكر ): عقبال الثاني قريبا

بانت ليها وحدة من الخدم جاية ناحيتهم وحانية راسها : مدام وداد الله يخليك ..الانسة حنان كتنادي عليك

وداد : امم صافي واخا هاانا جايا غير سيري

ضارت شافتت فيه : يلاه نخليك خاصني نمشي