حب قاسي (قصة مكتملة بالدارجة المغربية 🌚✨)

🥀 حب قاسي 🥀

للكاتبة:hkhiba🌝

🌸حب قاسي🌸

☘️الجزء112☘️

كيف كاع هاد الصباحات لي دوزو وهما بعاد على بعضهوم ..ناضت من بلاصتها كتكسل وتجيبد وكريشتها قدامها سابقاها ..الحنيكات مطيبزين ومنفوخين حومر بالنعاس....بعدات شعرها العسلي لي تزاد طوله وكثافته من على وجهها ..خشات رجليها فالبانطوفة وشافت فتيشورته لي ملاوح جنبها بحزن وعاودات قلبات وجهها بحماس لنهارها مع ولدها لي باقي ماخرجش للحياة ...وقفات قاصدة الدوش كتحك فعينيهاا...دخلات ضرباتها بتدويشة بالخف وخرجات كتلبس عليها ...
لبسات بيجامة خفيفة ونزلات تقاد شنو مشهي خاطرها للفطور ..
...
بين ماهو كان ديجا فايق الخدمة تابعاه ..بيسيه محطوط قدامه وهو جالس فديك الغرفة لي حيطانها بالباج والبني عاطية منظر مريح و سوفت ..كيتوسطها سرير طبي متكي فيه رشدي ناعس مرتاح على جنبه ..كي كمل سد البيسي وجبد تيليفونه كيقلب بين صورها وعينيه كيبرقو بشوقو ووحشو ليها ...
...جلسات كتفطر بالكريب لي صاوبات وكتبنن فيهتا بانت ليها خارجة من البيت بكامل اناقتها..

وداد: هايهاي على الزيونات يااختي ..سعداات. هادا اللي غايديك ..

بسمة : هههه ضحكتيني يااختيي وشكون كايدوي ..الجمال بعينيه ورجليه

وداد : واجيي جلسي تفطري بعدا محد ماكاين لي ينكدها علينا

هنيا ( جات نازلة فالدروج ميقات فيهم ونطقات فوق من خاطرها ): صباح الخير

( شافت فيها بسمة كضحك وهي الاخرى نفس الشي ): مابقاا فطوور

بسمة : هههه لا غير بالصحة غانفطر براا

وداد : سعدااتك تا أناا قنطت فالدار

بسمة : يلااه معاايا ..صووني حتى لحنان لا بغيتي

وداد : حلفيي

بسمة : ويلااه طلقينا ..راه غنزيد ونخليك

..وداد: لا لا دقيقة وهاانا معاك ..

طلعات البيت كتسرع خطواتها واخا كريشتها مامساعداهاش ..وتمات قاصدة الدريسينغ كدور بين الحوايج وتتخير بعويناتها ..تاطاحو عينيها على واحد الكسوة حمرة فوق الركبة نص كم و فيها الصدايف من الفوق ..لبساتها مع سبرديلة بيضاء وجاكيط قصيرة ديال الجينز وجمعات نص ديال شعرها بواحد مقبط على شكل بابيون كبيرة ..وتمات نازلة عاوتاني ..
وقفات عليها هنيا تاني ..خنزرات فيها وهي كطلع وتهبط : زغتيي احنينتي شفتيه مااكينش وعطيتها للباس بنات الزنقة ..