حب قاسي (قصة مكتملة بالدارجة المغربية 🌚✨)

🥀 حب قاسي 🥀

للكاتبة:hkhiba🌝

🌸حب قاسي🌸

☘️الجزء138☘️

..فور ما وصل حط رحالو وماهاز فيديه ودخل ديك الغرفة المرتبة تحت انظار داك العجوز غريب المظهر ..تبسم لمنظرها لبريء وهي ناعسة كيف الملاك ..كيف اول نهار شافها فيه مازال تأثيرها عليه واضح فعينيه ..قرب بشوية محاول ما يبرزطهاش وما يزعجهاش فنعاسها ...وطبع قبلة خفيفة على شفايفها ..جر الكرسي لي بجنبها وريح فيه كيتأمل ملامحها ..كيدوز عينيه على تفاصيلها ...عيونها ..شفايفها ..نيفها ..كانه باغي يحفض كل إنش فوجهها ...تنهد وهو مراقبهاا..عياا بزااف ..مابقاا طالب من الدنيا حتى حاجة ..يفديها بحياتو بدون مايعيد التفكير ..سكنات قلبو وكيانو ..وخلاتو مهموم ومشطون بيها..فأي حاجة كيديرها ماكتجي غير هي فبالو ..وأعظم امنية فحياتو دابا هي يتلم باسرته الصغيرة ويعيشو مرتاحين ..يبعدو من اي حاجة تقدر تخلق ليهم جو خايب بيناتهم ..ميل راسو جنب وخشى يدو فجيبو مطلع نفس الصورة لي كتربطهم من زمان ..الصورة لي هزها بيد وشاف فيها بعينين كيبرقو متمني انها تذكرها بشيحاجة ..وتعقل عليه ..حطها فوسط يديها وسد عليها ..خدا يديها باسها ..وناض واقف مبعد ..تارك عندها قلبو وروحو ودماغو ..

فجيهة اخرى فالاراضي المغربية شميسة العصر باقة مضوية بنورها على عباد الله..كانو جالسين مع بعضياتها الحاج رؤوف بقميجة وسروال ثوب كلاسيك ..واخا ماخارج فين مي بطبعو انيق وعزيز عليه يستيكي الحالة فحال الدار فحال الزنقة..وحداه تاني نوح وواحد السيد اخر لابس كوستيم انيق ..كان باين من حالتو شخص جدي بطابع عملي ..مفرشين فالطاولة الزجاجية لي قدامهم بزاف ديال الاوراق ..شادهم نوح قدامو كيقرا فيهم بتركيز ..

للكاتبة:hkhiba🌝

🌸حب قاسي🌸

☘️الجزء139☘️

نطق الرجل مخليهم يهزو عينيهم فيه بجوج: امضرا شنو بانليك اسيد الحاج نتيسرو انشاءالله؟؟

تبسم رؤوف وهو كيشوف فنوح بنظرات فخورة : شوف مع ولدي نوح انا معندي كلام فوق كلامو

حرك ليه نوح راسو بمعنى " كون هاني " ..ورجع عينيه للرجل لي قدامو : الصفقة مامسلاكاناش حنا ..تقدر تدخل لينا مبلغ كبر من هاكا ..ولاكن المنتج خاصو يتحسن اكثر

الرجل : فهمتك السي نوح مي هاكدا الشركة المنتجة غاتكون خاسرة كثر من رابحة

نوح : بالعكس هاكا غتربح كثر وغايجيو كليان بعدد اكبر ..اما لاكانت المنتجات مغشوشة فالكليان غيكون قليل وهاكا الخسارة غتكون كتر من الرباح ..الى قدرتو تحققو الشروط لي حنا مطالبين بيهم فإذا به ..ماقدرتوش الله يسهل لكل واحد فطريقو

..تنهد الرجل كيدور فعينيه لدقيقة ..ثم مد يديه كيطالب بمصافحتو كدليل على قبولو للصفقة

مد نوح يديه مصافحو وتبسم بتكلف : الله يسخر

بانتهاء الصفقة انساحب الرجل من طاولة العمل مودعهم ..وخلاهم الراس فالراس ..

شافيه رؤوف بنظرات فخورة وواثقة : معندي مايتسالك ابا نوح دغيا كتعلم

نوح : كلو بفضلك الحاج ..بلا بيك كوراني باقي منشور فشي خدمة لاخلصة مقادة ..لا خدمة مقادة ..فكل سجدة كنسجدها ماكنساكش ..كلمة شكرا قليلة فحقك ..

رؤوف ( تنهد وميل راسو كيطبطب على كتفو ): ..انا لي خصني نشكرك اولدي ..حيت فاش لقيتيني وحداني وعيان شديتي بيدي ..ربي لاقانا ببعض ..كتفكرني غير فولدي الله يرحمو ..

نوح : الله يرحمو ويوسع عليه

رؤوف : اميين اولدي ..اميين

قطع كلامهم رنين هاتف نوح ..طلعو وجاوب عليه ببسمة مزينة شفاهه

نوح : اممم ..صاافي واخاا ( ضحك جنب )..لهلا يخطيك علينا ..وااخا هااحنا جايين

رؤوف ( بضحك )  : الاحباء ديالنا ..المدام ياك؟؟

نوح : مفرووشة كااع ؟؟

رؤوف : من عينيك ..لهلا يخطيكم على بعض ويدون محبتكوم

نوح : اميين ..يالله نمشيو راه الغدا وااجد

رؤوف : علااش عذبات راسها وهي هازة الثقل

نوح : هههه ماتخافش عليها قويفزة مع راسها..وزايدون راه غير الخدامات لي قادو كلشي هي راه غير وقفات عليهم

..ضحكو مع بعضياتهم ..عارفينها شويطينة مع راسها ..وااخا دارت عقيلها شوية الى انه تشيطينها وقفوزيتها باقين حاضرين ..فهاد المدة الفقليلة لي دوزو مع بعضياتهم ..ماكاملاش حتى الشهرين تجمعو وشكلو عائلة صغيرة رؤوف معتاابرهم ولادو وأكثر كاع ..دغيا ولفو على بعضياتهم ..منو منهم شي كيدير بحساب شي ..رؤوف بكثرة ما عز عليه نوح دخلو للسونطر يتعلم اللغات من الزيرو ..ويوميا كياخدو معاه لكل فرع من شركتو ..ولكل محل من محلو لدرجة انه كلشي عرفو كولد سي رؤوف...

..وقف رؤوف ونوح فدقة وحدة ..وزادو مع ديك الطوالة ديال الجردة ..نوح زايد كيخطوي خطاويه يديه فجيبو ..راحة البال والهنا ..دماغو مرتاح وماخدامش ..فكل لحظة كيشكر ربي على النهار لي لاقاه فيه برؤوف ..وهو سارح فتفكيرو ماعاق براسو تالقا راسو قدام باب الفيلا ..قلب جيابو وضحك
نوح : نسيت السوارت عاود
ضار وراه ناوي يطلب الساروت من رؤوف ولكن فور ما ابتسامتو تبخرات ملي بانليه طايح منشور فالارض عينيه مقلوبين وكشاكشو خارجين

يتبع