حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء116☘️

فنفس الللحظة بداو كيدخلو الناس ..الوشوشات كيدورو ..الخبار دغيا دارت وانتاشرات فحال العافية ...رجل شرطة سابق ضد أفرو ..دغيا تجمع حشد من الناس دايرين على ديك الحلبة كيهتفو باسم افرو ..من غير بقية الملاكمين لي شادين واحد القنت وكيتفرجو منتظرين باش غتكمل المباراة بفضول وشوق كبير ...صرخ أفرو صرخة قوية خلات الجمهور يتجنن ويزيد فتشجيعو ..بدا كينقز وكيدور فالحلبة واخد راحته وكيضرب فصدرو وفليكون دياولو مع بعضياتهم متيق راسه ...

زفر هوا سخون مرضوه فراسو ..وصدعو ليه دماغه كتر ماهو مصدع ...وقف كيجمع قبضتي يديه وكيقاد رجليه فالارض كيف شافوه فحال هاكداك طلع الحكم لوسط الحلبة ..تموقع الاثنان فأماكنهم ..صوتها كيتردد فدماغه كلماتها كيحرقوه ..كيفما فرحتو بمولودو كبيرة الى ان غضبه أكبر ..

صفر من بعد ما عاود فتا عليهم القوانين بالحرف باش يعلن على بداية المبارة لي كلشي متحمس ليها...فحين هو باقي غارق فتفكيرو تقدم أفرو غافلو وخشا ليه بونية للحنك فيقو بيها من سهوته ..شااف فيه بنظرات حارقة الادرنالين فداته مرتافع لأقصاه
وضحك ليه باشمئزاز ..كأنه كيحتاقرو ..تا أفرو ما كانش من العاجزين ..شاف فيه وتقدم لعندو ناوي يعاود الكرة ..ماجا تايلحق لعندو تاا جاات قدم الاخر فنص وجهه..تباعدو على بعضياتهم ورجعو لأماكنهم كيتحركو برشاقة وكيناظرو بعضياتهم بنظرات حاقدة ..ضربو بونية أخرى لوسط وجهو وفنفس اللحظة رجع للبوزيسيون ديالو ضاربو مرة ثانية لكرشو ....يديه كيرعشو وضرباتو قاصحين ..مامزكيش عينيه ماكيشوفوش قدامو ..ضربو لكرشو مرة ثانية حتى تفافاو رجليه وفقد توازنه ...وهز رجليه نزل ليه بيها على ساقه حتى مشات وجات ركبته وطاح فالارض موعت كيجعوق بألم ..وفنفس الوقت كيطاكي بيديه خايف لا ينزل عليه بشي دقة أخرى ..وضنو ماخابش فيه طاح على ركابيه حاكمو من عنقو وبدا كيدخليه فالكروشيات لوجهو ..واحد مور لاخر ..بغضب طاغي..كان فحال شي وحش ..ماواعيش باللي ضاير بيه غير كيضرب فيه وعينيه خارجين مخنزر عروقو غيتفركعو ....ماشافش دم ..ماسمعش الغوات ..والطليب لي كان كيطلبو باش يحبس ..ماحسش براسو تاا تخوا عليه الما بارد عاد طلق منو ..جاو دوك الجمع بداو كيفرقهوم ..خرج من ديك الحلبة من بعد مالبس تيشورته وكابيتشوه ..مخلي أفرو وراه ملاوح فالنص غارق فدمو رجله مكسورة ..فمو عامر دمايات وجبهتو محلولة ..تحت عينيه زرق وجنب فمو مشرك عاامر دم ..خلاه شروييطة مافيه مايتشااف ...

خرج حمرر ..معصب ومااعاارفش منااش وفيييمن يلصقها ..اشش هااد الهم كينزل عليه كل ثانية ..

شاف فيديه كيف مضروبين والفاصمة البيضا عاامرة دم وبدا كيسب فنفسو  .....