حب قاسي (قصة مكتملة بالدارجة المغربية 🌚✨)

🥀 حب قاسي 🥀

للكاتبة:hkhiba🌝

🌸حب قاسي🌸

☘️الجزء122☘️

فغرفة جدرانها كاملبن باللون الابيض كتبان نقية بشكل مبالغ ..اضواء لي كانت مجهدة موجهين للسرير المستطيل لي كان كيتوسط ديك الغرفة الكببيرة كلها ..دايرين ألات كيصدرو أصوات مزعجة ..كانت متكية وعلى نيفها لاباراي دلوكسيجين ..دقات دالقلب مستقرين كيفما كان كيبان فجهاز التخطيط ..كان واقف عليها براسو البيض بالشيب كيقارع بيوضية طابليتو النظيفة ..بدون سابق انذار طفا الضو وشعل فلمح البصر لقاه وراه ..بلع ريقو ودار ببطئ كيساين اوامرو او تساؤلاتو ..هز فيه حجبانو هذاك لي كان كيقابلو برأس أبيض من الشيب ولحية بيضاء كذلك داير نظارات طبية مستطيلة على عينيه وبين يديه عكاز فضي ..فورمته رياضية بشكل مبالغ فيه..بؤبؤ عينيه االزورق كيرجف بوحدو وهو كيشوف فيه بديك الابتسامة المخبولة لي راسم على شفايفو مخلي اسنانو الذهبية تباان

..: شنو ممكن نفذ باش يرضا خاطرك

..( ضحك بسخرية وشير ليها بعينيه ): حالتها ؟؟

..مستقرة سيدي تضربات فراسها ووقع ارتجاج بسيط ..ممك يكونو مضاعفات خطيرة شوية

...: اعتنيي بيها عناية كملة ..هادي هي كرطي الذهبي ..مانقدرش نفلتها من بين يدي ..نبغيها تفيق وترجع عادية نوورماال ..كتفهم ( بدا كيضحك غير بوحدو فحال المجنون ) خااصك هههه خااصك تفهم

خرج من تم فالبلاصة وعاود رجع لعندو : مضاعفات خطيرة ؟؟؟ فحالاااش ؟؟

...: ممكن يوقع تأثر على الدماغ ..او يوقع فقدان للذاكرة.. ..والاسوء جلطة( قاطعه )

..: من الاحسن ماتوصلش للاسوء حيت ديك ساع نتا لي غادي تجلط بلاصتها

بلع ريقو كيشووف فيه حااس بالبولة غاتخرجلو مع سروالو

...هنيا لي طلعات ونزلات وتجارات حتى عيات ..خبثها وقلبها العامر حقد خلا عيونها يتعماو حتى قطعات رحمتها من للي خلقها شركات بالله وكملات فطغيانها وشركها بدون ماتفكر او ترجع عقلها وتندم على لي دارت ..هاهي اليوم مشات بنهاية مايرضاها الواحد حتال عدوه ..وهاهوما واقفين قدام قبرها كيقراو عليها فالقرآن وكيدعيو معاها فخواطرهم لعل وعسى يشفعو ليها دعاويهم ويخففو عليها عذابها فقبرها واخا غير شوية ..كملات الزيارة وزادو بخطاويهم مهمومين بالهم مشطون مع وداد لي مالقاو ليها الأثر لاهوما لا البوليس فين زادت فين صدات وشنو جرا ليها..العلم لله ..

فمكان آخر بعيد عليهم كانت كتمشي وتجي بكسيوة صيفية حمرة حد الركبة الناس مكبطين وهي مصيفة ...داير الكيت فودنيها وكتحرك على انغام الموسيقى متناسية فين هي ولا شنو بجنابها ..فحال الفراشة كتحرك بخفة ويديها خدامين تتحرك من هنا وتزيد هادي من هنا ..دارت دورة على راسها وهي مغمضا عينيها تا سمعات هضرة بالانجليزية دليل على ان الكيت نتاوعها طفاو وخاصها تحطهوم فالسارج ..فور ماسمعاتها وزولاتهوم بعصبية وضارت باغة تخرج ..تاقفزات مخلوعة ...
شدات على قلبها بفزع وغمضات عينيها كترض النفس فراسها ..خنزرات فيه ونطقات كتميق فيه بعينيها : ديير الحس ابنادم رااك ماشي بووحدك