للكاتبة:hkhiba🌝
🌸حب قاسي🌸
☘️الجزء118☘️
*الشيخة عمرها تنسى هزة الكتف* وهاد المثل بالضبط كينطابق حرفيا على هنيا ..لي فور ماهزات حفيدها بين يديها مداز النهار غير بالكشايف عندها ..فصبحية الغد وقفات على رجليها كي مقطوع الراس ..وشدات طاكسي ديريكت لبلايص الخنز لي مولفة بيهم .. نزلات لابسة جلابة محرتكة حااالتها حاالة ..ومغطية وجهها بشال كأنه نقاب غير عينيها لي كايبانو لي كيدورو فراسها ...فوسط داك الحي الشعبي القذر من الخارج والداخل بناسو وزوارو الكثار وقفات فالصف فحالها فحال بقية العيالات لي كانو مصطفين جنب ديك الدار ..من حسن حظها لقات الناس قلال شوية وزربات علييهم وقفات القدام ...ماهي الا دقائق خرجات امرأه غريبة المظهر حلات داك الباب الحديدي المصدي ودخلات هنيا على الفور ..دخلات حاطة يديها على نيفها وكطلب التسليم بصوت منخفض....مع دخلات زلزلها صوت راجل غليض بكلام طيح ليها الما فالركابي
" مبروك الزيادة ..حفيدك كيشبه لباه "
بلعات ريقها ودخلات ..ماكان تما لا راجل لانص مجرد امرأة ملفوفة بملابس سوداء وعينيها مغمضين بتوب ابيض وبين يديها قطعة من الجلد كتحسسها بيديها
..نطقات بدون ماتتحرك موجهة ليها كلامها : ريحي أهنيا ريحي ..قلالو زياراتك لينا ..أش حب خاطرك هاد المرة
خدات نفس عميق ونطقتها مسرحة : بغيت نفك العمل القديم دراجلي
حطات مافيديها ودفلات فوسط كفها ماسحة بيديها على لباسها ونطقات تاني : مايتفكش اهنيا ..مايتفكش ..نتي عارفة وأنا عارفة كيف يتفك
عقدات حواجبها بانزعاج وقالت جامعة يدها لعندها: الله يحفظ الله يحفظ
جاوبها صوت رجل بصرااخ : سكتيييي سكتيي
ضربات الطم فمرة مابقات نطقات بتاحاجة أخرى
تا عاودات المرأة تكلمات مرة أخرى : حاجتك الثانية مقضية ..جبتي الأثر
طلعات جوج تصاور وحدة كان فيها مراد والثانية فيه وداد : ماابغييت ولدي يوقع ليه والو ..غغ..غيير يتفرق علىى هاااديي
..: خرجيي تاا نعيطلك
خرجات دقائق معدودة ورجعات لعندها مدات ليها واحد الخنيشة صغير فيها شيحاجة ووصاتها باش تدفنها فشي قنت غابر (🚨 بالمناسبة ماعنديش خبرة فهاد المجال هادا ممكن يكونو عندي أغلاط فكيفاش كيتم هاد التخربيق مي حسب القصص لي كنتسنط ليهم هادا هو القدر من المعلومات لي نقد نعطي..وزائد وااخا مااعرفت شنوو يكوون واقع معاك مااكنصح تاااششيي حد يلتاجئ لفحاال هدشي حييت كلوو شرك فشرك ..واينفواا الواحد كيخطيي هااد الخطوة وكيقرب لعالمهم فمن الصعب انه يخرج ..والله يحفظنا ويحفظكم من فحال هاد القوم " سمحولي حيت قطعتكم " )
VOUS LISEZ
حب قاسي (قصة مكتملة بالدارجة المغربية 🌚✨)
Romanceجييت وهاد المرة جييت بالعامرر .. جييت وجييتكم بقصة لي مختاالفة من ناحية كلشيي..قصة غرقاانة عبــر....مشــاعر ...أحــاسـيس...قصة للي الى كنتي بدون قلب غتحس ..هاادي مااشي وحدة من القصص لي شبعانين كذوب نقولك فلان ضحك مع فلانة بغاو بعضياتهم وتزوجو وعاشو...
