حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء79☘️

رمق وجهها بسوداويته وضوء القمر لايح خيوط اشعتو على وجهها الابيض كأنه كينافسها وكيتحداها فجمالها ...حول انظاره من عينيها لانفها وشفايفها لي لونهم ولا احمر بالبرد ورجع عينيه لعينيها ثاني ناطق بابتسامة مكسورة

مراد : ااه انا هو ايمن

..تغرغرو عينيها وبداو كيهطلو دموعها بدون ماتحس ..صحيح انها ماعاقلاش بوضوح لكن هاداك الجزء الصغير لي هي متذكراه كافي باش يوضح ليها صحة كلامه ..السؤال الوحيد لي طرحات على نفسها فهاد اللحظات ..هو كيفااش ايمن هو مرااد ؟؟ وكيفاش سامح امه لي مستحيل تسما ام ؟؟ وواش عارف بلي هي مزاال كتنشب لييه ؟؟ ...راسها غيتفركع عليها بالاسئلة ..ونفس الان كتحس برأفه من جيهتو ..تاهو تحرم من طفولتو وماعاشش كيف الناس عاش بين اب وام ماكيجمعهم لا حب لا مشاعر ..وبين ام حقودة وقاسية كتمنى موت الابن ديالها باش تقدر تخلي خططها تنجح ..وعاش فصراعات ازلية ماكتخلاصش بين والديه ... طفولة لي كون كان اي واحد فمكانه غيدير نفس الحاجة وغيحاول يقتل نفسه باش يرتاح ويريح اهله معاه لكن بسبب هااد الطفلة هادي كمل فحياته ..صحيح قاسى وعانا ودوز شتى انواع التعذيب النفسي ولكن فالاخير ولا شخص قوي ..مع انه قاسي الى انه كان رجل ...قادر يتحمل مسؤولية نفسه ومكون راسه ..وملي تأكد انه قادر ياخد الخطوة الاولى قرر يبدا بحثه على الطفلة لي بسبابه هو على قيد الحياة ..وشاءت الاقدار انها تطلع هي ...وداد ...بنت عمه...

للكاتبة : hkhiba🌝

🌸حب قاسي🌸

☘️الجزء80☘️

..شاف فدموعها لي نازلين وقر باصابعه الخشنة كيمسح ليها دموعها : ماتنزليش دموعك ..عينيك مايستاهلوش تبكيهم ( سكت شوية ورجع مكمل فكلامه ) كيف اول يوم مسحت ليك دموعك ....ولكن مابغيتش نكون انا سببهم

حاس بغصة فحلقو مجرد انه يتفكر الموضوع كيحس بيه كيغرس فقلبه خناجر ..وكيحسسه انه مكروه ..المراهق الحزين لي بداخله مات ..قتلو الوقت والزمان .. ولكن احياءه لهاد الذكرى المشؤومة كيآديه ...شاف عينيها لي كيلمعو بطبقة من الدموع لي كينزلو كلما كترمش بعينيها وبدا كيقرب منها حتا ولات المسافة لي فارقة بيناتهم انشات قليلة ...انفاسهم تخالطو. وقلوبهم كيجريو وكيدقو بدقات كلها حب وعشق لبعضهم ..وكلام صعيب عليهم يخرجوه من داخلهم ...شاف فعينيها وحط يديه على خدها وخدا شفايفها فقبلة كيروي فيها عطشه وكيحكي ليها قصة وقوعه فشباكها
..فصل قبلتهم بعدما حس بانقطاع أنفاسها وشافف فيها وهو هايم فعينيها

مراد :وداد ؟؟

وداد ( مرفوعة): هممم ؟؟

مراد : كنبغييييييك

صدمتها من هاد الكلمة خلات ودنيها يتصابو بالطنين وتبقا التكرر مرات عديدة على مسامعها وكان امواج البحر تقطع صوتهم فقط اعترافه بحبه ليها لي كيتردد فآذانها ...فغفلة منها خدا شفايفعا فقبلة قصيرة ورجع مكلمها

مراد : وداد ...كنبغييييك ..

تبسمات بخفة وحطات يديها على خدوده من بعدما استوعبات كلامه ليها وحطات شفايفعا على خاصتيه كتحاول تقلده وبعدات تاهي على وجهه : حتا انا

مراد : حتا نتي شنو ؟؟

وداد : ضروري نقولها؟؟( دورات وجهها للي قلب للون الاحمر ونطقات  بصوت خافت وبخجل وانظارها موجهين للامواج) حتا ..انا كنبغيك

ماخلالها فين تستوعب حتا كانت ترفعا قدميها من الارض وهو حاملها متاجه بيها لناحية احد الأكواخ لي جنب البحر

صباح جديد فاقت كتكسل على رنة تليفونها لي كيصوني بتتالي ..وهزاتو كتشوف فيه وعينيه مغمضين...طلعات خالتها بين يديه شطابة وحواجبها معقودين

الخالة : ادييك المعكازة جاوبي فتيليفونك راه ضرني فراسي من صباح ربي وهو كيصوني

حنان : بفففف وااخا اخالتي خمسة دقايق ونوض

الخالة : انووضي الميتة الحية جاوبي غير فتيليفونك ومعسي تال غدا بليل

حنان: وااخالني وااعافاك ماقيليني علك رااه مانعسااش مزياان

الخالة : غنحسب حد خمسة ماغاتنوضيش هاد الشطابة غتجيك فلو ميليو (le milieu)
ديال دماغك يلاه ..1...2....3...4...4ونص

( ناضت قافزة)حنان : الا لا صافي هانا نضت

حنان: الوو شكون ؟؟؟

...:اليوم مع الستة ف******..دابا نصيفط ليك الموقع بالضبط..تلبسي شيحاجة معرية نشركها عليك ( قطع )

حنان : تفووو على زمر زربة خايبة هاادي ..داكشي ديال سلم عليه زرب عليه

الخالة : امالك كدوي غير مع جنونك اهاد الهبيلة ياك لاباس

حنان : والو اخالتي والو

فتحات عينيه بتثاقل وهي كتستنشق ىبحته المغلغلة فانفاسها فتحات عينيه لي جاو فعينيه مباشرة ..تبسم ليها وقبل جبينها بهدوء : صباح الخير

حدؤان راسها بخجل ونزلاتو للاسفل ناطقة بصوت منخافض: صباح الخير

حط يديه تحت ذقتها ونطق بصوت هادئ ولكن بنوع من الحدة عينيك فعيني .. عمرك تنزليهم وااخاا؟؟

وداد : وااخا

رجع مبسم ليهاا من جديد وقبل خدودها بجوج مذكرها : كنبغييك

يتبع

( تبارك على الرومنسية ما عندي مايتسالك اخاي مراد الدق والسكات...واخيرا بعد 80 بارت عتارف روروروروي )