حب قاسي (قصة مكتملة بالدارجة المغربية 🌚✨)

🥀حب قاسي 🥀

للكاتبة:hkhiba🌝

🌸حب قاسي🌸

☘️الجزء132☘️

..صباح جديد..صباح لي فيه لي راشقة ليه ولي هاز جبال هموم الدنيا فوق كتافو ..صباح لي شرقات شميشتو منورة السما بشعاعها كتعلن بداية نهار جديد فحياة كل واحد..
كان داخل مع الباب ديال ديك الدويرة الزوينة لي ضايرة بيها جريدة صغيرة كلها ورد وخضورية حيوطها مصبوغين بالرمادي وبابها كبير دالحديد ..تقدم بخطوات رزينة والبسمة على طرف شفاهو ..حياتو ميسرة والدنيا ضاحكة ليه ..شكون فحالو ..فتح الباب ودخل على ريحة الملوي وأتاي بالنعناع كتعطي من البعيد ..فور مابانتليه كتسرح شعرها الاسود الطويل قدام المراية ..قرب منها وضور يديه على كتافها مقبل خدها ..

نوح : كيصبحتي شوية ؟؟! باقي فيك الوجع ؟

حركات رأسها بنفي : لا دابا مزيان..

نوح : علاش عذبتي راسك ودرتي الفطور قتليك راه أنجيبو معايا من الزنقة

شافت فيه ووسعات ضحكتها : مانخليش راجلي انا ياكل ماكلة الزنقة وانا كاينة

طبع قبلة على شفايفها ووحدة اخرى على جبهتها عاد نزل يديه كيتحسس كريشتها المنفوخة : الله يخليكم ليا ..

نورس : ..اميين !..عمي رؤوف فاق ؟؟

نوح : الحاج ؟! ..يمكن !!..نمشيو نفطرو معاه كيقنط بوحدو مسكين

نورس : هز الصينيه وداكشي لي فالطبلة ..انا غانجمع شي لاخر

نوح : وااخا ..لبسي عليك ويلاه ..

..

فتحات عينيها ببطء على الضو القوي ديال الغرفة ديالها ..رأسها كيوجعها والدوخة شاداها ..نزلات دمعة من عينيها شاقة طريقها على خدها من بعد ما تذكرات ..حتى الموت مابغاهاش ..علاش لي مخلاهاش ترتاح وتهنى من عذابها ..ميلات راسها حاسة بشي حاجة كارزة على يديها ..فور ماشافتو ناعس راسو على طرف السرير وشاد يديها بين يديه ..هذاك المنظر لي خلاها تنهار ويزيدو يهطلو دموعها كثر وكتر كاتمة أنفاسها وصوتها ...جرات يديها من يدييه بالجهد ..حتى فيقاتو قافز ..فتح عينيه على وسعهم وابتسامة بريئة زينات وجهو الوسيم ..: فقتي ؟؟!!.

لين نظراته بعينيه كيبرقو وشد وجهها بين يديه كيمسح دموعها : علاش كتبكي ؟؟ ..ماتبكيش كلشي غاايتحسن وغاايولي مزياان كنواعدك والله ..

نطقات بصوت شبه مسموع وهي مركزة عيونها فعينيه : خرج

عدنان : شنو ؟؟