حب قاسي (قصة مكتملة بالدارجة المغربية 🌚✨)

🥀 حب قاسي 🥀

للكاتبة:hkhiba🌝

🌸حب قاسي🌸

☘️الجزء106☘️

كيحرك انامله على كامل نقرات البياانو ..جسده كيتهز ويتحط من سرعته فالعزف ..عينيه مغمضين واللحن قوي ومرعب وهو كيعزف مقطع من أغنية Vivaldi winter..الخادم جنبه تاعو كان متمرس واقف وقفة مستقيمة بلباسه الرسمي الغريب ويديه قابطين الكمان كيعزف على اوتارو بكل احترافيه مجاري عزف سيده ..وقف من مكانه قاطع اللحن فجأة ودار شاف فالخادم اللي تاهو وقف وحنى راسه للارض ونزل يديه باحترام

...: اليكساندرو علاش حبستيي العزف

شاف فيه ورجع هاز الكمان بين يديه ناوي يرجع يكمل ..تا وقفو منزل الكمان من يديه : اليكساندرووو ماقلتلكش عزف ...( بسط شفيفه وشاف فيه بنظراته المختلة ) مليييت ..عيااني السلاام بغيت شوية ديال الصداع ..شوية دياال المغامرات

اليكساندرو ( الخادم ): آمر اسيدي وحنا نفذو

... : بغيت مرأة ..أنثى تحضر تكون جنبي

اليكساندرو : نسا الدنيا كاملين ليك نتا غير ختار اسيدي وحنا نجيبوها لعندك فالحين

....: تووء توء ماابغيتش نسا الدنياا بغيت وحدة ونتا عارفني علامن كندوي

اليكساندرو ( حنى راسو بطاعة مبالغ بها مجاوبه ) : تحضر اسيدي

...مزيان ...وجد موكب السيارات غانمشي نزور الواليد

اليكساندرو : نعام اسيدي

...جالسه على الكرسي مقابلة مرآتها كدوز على شفارها مبسمة ..كتحط آخر اللمسات على إطلالتها الأنثوية اللي كانت عبارة عن كسيوة فالموف فاتح فايتة الركبة وصبيبيط طالون فالابيض معليها ..مزينة يديها بمجوهرات من الفضة كلهم هدية من مراد وشعرها طويل مخلياه على راحتو عاطي واحد الجمالية لشكلها ومنظرها ..اما وجها فكان خالي من الميكب من غير رموشها لي علاتهم بماسكارا وبس ..هزات طيليفونها فور مابدا كيرن وجاوبات على اتصالو بابتسامة صغيرة
: اممم صافي انا نازلة داابا

قطعات فالبلاصة ووقفات كترتب ففستانها هزات صاكها الابيض مماتشي الطالون ونزلات فالدروج كتزرب فخطواتها تاخرجات لبرا ..لمحاتو واقف فالجردة مشات لجيهتو بجرية وحدة وتلاحت عليه معنقاه
مراد ( وهو كيربت على شعرها) : همممم توحشتييني؟؟

وداد : وبزااف كاع ..( بعدات منو كتشوف بضحيكتها لي كذوب قلبه حنيكاتها المطيبزين حميمرين ومقنتين بسباب ديك الابتسامة الزوينة المرسومة على شفاهها ) ..