للكاتبة:hkhiba🌝
🌸حب قاسي🌸
☘️الجزء136☘️
....عرقان من راسو لرجليه حالتو حالة جهدو تقاضا وباقي ضاغط راسو يكمل ..بالنسبة ليه هاكا كينفس على راسو وفنفس الوقت كيتمرن ..كل خطوة ..حركة..لمسة ..ضرباته كانو معبورين ومحسوبين حساب ..عارف يديه من رجليه ..والضربة كيف خاصها تكون وكيف خصها تمد ..وعارف الضربة لي تقتل والضربة لي ترگد ..هو ماجاش وطاح فمشكل هاكدا من فراغ ..فماركوس معرفة قديمة من يامات مراهقتو ..فاش كان باقي طايش كيقلب على راسو وباغي ينتامي لشي بلاصة لي تحضنو وتحتاويه ..وماطيحو زهرو غير فحلبة الموت الحلبة لي تدرب فيها وتحارب فيها وولا وحش من وحوشها الكبير يديرلو حساب والصغير واخدو أسطورة ...ولكن منين مل وحس براسو غيزيد يغرق تسلت منن همها كيف الشعرة من العجينة ..وهاهو دابا ضار تاعيا ورجع ليها بررجليه املو ورغبتو وهدفو واضحيين ...يرض لي ملكاات قلبو وعقلو وذاتو ويرضها تحت جناحو ..معاقلاش. عليه ؟؟ ماهموش ..المهم يشوف مرتاحة.. فرحانة وقدام عينيه ..المهم مااتبعدش عليه وماتفارقش ريحتها أنفاسو ..دووز وقيتة قليلة بلا بيها وعرف بحق بعادها ..كل مامتمني تجمع عائلتو الصغيرة ببعضها ويعيشو فالهنا ينعل جد بو الفلوس واي حاجة خرا تخرب راحة بالهم ..
الصال ساكتة ودماغو مبرزطو خدام كيصدع لو راسو ..الضواو مطفيين وعينيه شاعلين شرار ..ماكيتسمع غير صوت خبيطو فالكيس الرملي بحر جهدو ...كون كان بنادم كون طيحو قتيل بلا مايرف ليه جفن ..ضرب الضربة الأخيرة وقلب الضورة مريح فالارض يدو على ركبتو وراسو محني للأرض ..تفكر كلامو ليها " عينيكك عمرك تحنيهم وراسك عليه ونتي كتشوفي فيا " ..كان كيعلمها ماضعافش ..ماتهشاش واخا يكون هو لي قدامها ..وهاهو داببا هو لي حاني راسو ..ماشي حيت ضعيف جسديا وإنما حيت كلا الدق معنويا ونفسيا ..
جمع الوقفة مدوز اتصاال وخرج من تماك لابس عليه كابيتشو فالأزرق ..طلع فلوطو دييالو وتحرك صايك مشايفش وراه
...كانت ابارطومون صغيرة مأثتة بديكور هادئ انيق مناسب طباعه وذوقة ..لاح صاكو فوق طبلة الصالون الزجاجية وزاح صباطو على جنب داخل ..دور عينيه وشعل الضواو المطفيين ..عاد لمحو ناعس فوق الكانابي ومغطي بإيزار خفيف ..
قرب ليه وباس على راسو كيزعزو بيديه : الواليد ..الواليد
حل عينيه مقلوب بالنعاس ووساعت ضحكتو فور ماشاف وجه ابنو المرهق : عاد جيتي !!
مراد : امم عاد جيت
رشدي ( طبطب على ظهرو ونطق بوجه مبشور ): دوش وجي نحطليك تعشى راه وجدتو
مراد : وااخا ابا
طبق كلامو وسار مبعد عليه لناحية غرفتو خدا دوش وخرج لبس عليه وتم قاصد الكوزينة فين كان جالس رشدي كيتسناه ..
VOUS LISEZ
حب قاسي (قصة مكتملة بالدارجة المغربية 🌚✨)
Romanceجييت وهاد المرة جييت بالعامرر .. جييت وجييتكم بقصة لي مختاالفة من ناحية كلشيي..قصة غرقاانة عبــر....مشــاعر ...أحــاسـيس...قصة للي الى كنتي بدون قلب غتحس ..هاادي مااشي وحدة من القصص لي شبعانين كذوب نقولك فلان ضحك مع فلانة بغاو بعضياتهم وتزوجو وعاشو...
