محبوبي لا تسالني وش اللي طرالي وغير طباعي //للكاتبة شموخي عزوتي

27

(27)
روحِـي سلمتـهـا ب إيـٌِـدك
إنـٌِـت الامـان اللي سكن قلِبــِي
حـبٌِـِــكِ تمٌـِكـن يسيـِطر عٌـِلـي
ي غـِلاتي..
.
.
Ksa
دخلت مع يزن البيت اللي كان هادي
طالعته:غريبة البيت مافيه صوت؟
يزن:فجر اكيد بالجآمعة..وامي نايمة
منى:صح كلامك..
التفتوا لما انفتح الباب ودخل عزام
استغرب وقفتهم بنص الصالة:وش فيكم؟؟
منى بإبتسامه:كنا مستغربين الهدوء
المفآجئ بالبيت..
يزن:ماعليك منها؛انا طالع انام
طلع من عندهم وراح لغرفته
عزام بهدوء:منى فيك شيء؟؟
ردت بتردد:لا بس امي دآيم تكون
صاحية لما نجي؛؛غريبة يعني اليوم
وكمان يصادف ان ابوي ماعنده
دوام غير ساعتين..
عرف قصدها،بس حاول يسحب منها الكلام:وش يعني؟خليهم يعيشوا
مبسوطين ومرتاحين
تكلمت بهمس:البعد هو اللي بريحهم
كانت تعتقد انه ماسمعها؛؛
بس هو سمعها:منى يلا روحي
ارتاحي..ولاتشيلي هم شيء
ابتسمت له:إن شآء الله؛
راقبها وهي تطلع الدرج بهدوء
طلع بعدها وتوجه لغرفة امه؛دق الباب
بس ما في احد فتح له؛قال امكن نايمة؛ارجع اشوفها بعدين
.
.
بعد ما آكلوا طالعها بإبتسامه:رنو
ابتسمت له:روحـهٌِـِـا
حسام وعينه بعينها:كافـِي الوقت اللي
تركتك تفكرين فيه::الحين ماعاد عندي
صبر؛؛واليوم لازم اعرف وش فيك؟؟
توترت وبان بوجهها الخوف
ودموعها بدات تلمع بالدموع
قام وجلس جنبها:اقدر اعرف وش
سر الالم اللي بعيونك؟
رنا:حسومي
حسام بإبتسامة:لٌبـِـيـِه
رنا:بتكلم بس خآيفة
حسام:خايفة مني!!
رنا ببحة:خآيفة منك وعليك!!
حسام:تكلمي ي روحي ولاتخافين من
شيء
رنا ببحة:في بداية الترم الثاني رحت
انا ومنى السوق نشتري اللي ناقصنا
وهناك كان فيه شباب يلاحقونا
(وبدات تحكي الموقف اللي صار
معاهم؛من الاصنصير-إلين تهديده لها امس)كانت تبكي وهي تتكلم
.
.
بريطانيا
كانوا خلاص بينفجرون؛
ساعتين ونص مايعرفون عنها شيء..

.
حاتم:انا بنجن خلاص مو قادر اصبر
كل ما ادق على تركي يقول مو
راضية تتكلم وتخبر ريان باللي يبغاه
ريما:رتيل مستحيل تسلم نفسها لريان
من دون ماتكون مخبية اللي يبغاه
بمكان مايخطر على باله..
او تكون اعطته لآحد غيرها؛؛
حاتم:يعني وشو؟بتتحمل العذاب
القاسي من ريآن!!وش تبي توصله
ريما:تحاول تكسب وقت؛؛فيه شيء
براسها ومنتظرته
.
.
رتيل ببرود:وش بقى ماسويته؟
ريآن:رتيل ترى مو من مصلحتك
اني اعصب..انتي الخسرانة
رتيل بنفس برودها:طيب خلنا نتفق
على شيء؟؟
ريان طالع بحسن وبسام وقربوا عنده
ابتسم بسخرية:وشنو الاتفاق؟
ابتسمت ببرود:اعطيك نسخة من السيديهات عشان تتاكد امكن تطلع
مو هي اللي تدور عليها
ريان:اوكي وين النسخة؟
رتيل:فك يدي بالاول وخلهم يجيبوا لي مويا وبعدها اعطيك النسخة؛؛
ريان:حسن روح جيب اللابتوب حقي
من الغرفة الثانية؛وإنت ي بسام فك
يديها؛؛خلينا نشوف نهايتها معاها
طلع حسن؛وبسام قرب منها وفك يدها
اول شيء سوته حطت ايدها على راسها ونزلته لتحت..
خاف بسام:فيك شيء؟
ماردت عليه
نزل راسه قريب منها:تكلمي
همست له بحيث ريان مايشوفها:
خلي تركي ورجاله يتجهزون النسخة
فيها اللي يحتاجونه..
رفعت راسها؛وتكلمت بتعب مصطنع:
انا بخير بس دخت شوي..
بعد عنها بسام وهو باقي مصدوم
منها(ذكية وينخاف منها؛؛وش دراها بتركي؟؟وانه برا مع رجاله)
طلع من عندهم وارسل لتركي اللي
قالته له؛واخذ علبة مويا ودخل اعطاها
ووقف جنب ريان وحسن اللي يشغلوا
اللآبتوب..
دخلت يدها بجيب الجاكيت حقها
وطلعت الـٌِusp ورمته على ريان:
شغله وخلنا نشوف اللي فيه!!
.
.
Ksa
طالعت فيه بعد ماخلصت كلامها
تدري انه معصب عليها وكثير كمان
حسام بعصبية:ليش ي رنا كنتي ساكتة عن ذا كله؟؟وليش خليتيه يهددك وسكتي؟!مو انا صاحب الشأن ليه ماقلتي لي؟والاهم ليه سمحتي له يسمع صوتك؟