محبوبي لا تسالني وش اللي طرالي وغير طباعي //للكاتبة شموخي عزوتي

44

اعتذر عن التأخير
بسم الله الرحمن الرحيم
part 44
.
.
(مدخل)

عـلـــمووه أني أحـبــهـ
و
مــا سـكـن قـلـبـي ســواهـ
فـكـل ورد الـحـب فـي قـلـبـي نـَبـَتْ
و
أزهــرت روح يـعـطـِّـرهـا شــذاكـ
.
.
.
بجدة

رتيل وريما بعد ما تركهم حاتم
ركبوا مع سواق ريما وتوجهوا للمستشفى
عشان يعرفوا نتائج تحاليل رتيل الأخيرة
ربع ساعة ووصلوا المستشفى
بعد السلام دخلت رتيل في الموضوع:سلمى وش صار بنتيجة التحاليل الأخيرة؟؟
سلمى تكلمت بهدوء:اسمعي رتيل....
توترت رتيل:وشـــو؟؟
د/سلمى:أنتي الحمد لله التحاليل حقك الأخيرة طلعت وكانت أيجابية
الحمد لله ظهرك بدأ يستجيب للأدوية اللي صرفتها لك؛؛وأصلاً كــان ممكن تكون النتائج أفضل من كذا لو أنك تركتي النسكافيه لكن أنتي ما أقول غير الله يهديك مرة مو مهتمة بنفسك..
تنهدت:سلمى عطيني من الآخر ؟؟
د/سلمى: باختصار يعني بإذن الله بعد حوالي 6 شهور يكون اختفى ألم ظهرك تماماً ويرجع كل شيء طبيعي ؛؛بس أنتي ساعدي نفسك ووقفي النسكافيه لأن الأدوية فيها نسبة مخدر للألم والنسكافيه يعتبر من المنبهات فما يمسك معك المسكن فهمتي الحين وش أقصد لما أقولك أتركيه..لأن الأيــام الجاية راح تحتاجي هذي المسكنات
قاطعتها:لــيش راح أحتاجها؟؟
د/سلمى: لأنك راح تبدئي تحسي بــألآم والسبب أنه جسمك قاعد يستجيب للأدوية عشان كذا راح تحتاجي المسكن وكثير كمان..
ريما:يعني الحمد لله كل شيء OK
ابتسمت:أيـــه الحمد لله
طالعت برتيل:سمعينا صوتك؟؟
تكتفت وقالت بهدوء:صــارحيني سلمى؟؟
استغربت:بــإيـــش؟؟
رتيل وعينها عليها:متأكدة كل شيء تمام؛؛يعني أقدر أكمل حياتي طبيعي وأكــــوِّن أسرة لي
ابتسمت:فــاهمة عليك؛؛أحـــب أطمنك إن كل شيء تمام..إن شاء الله أذا تزوجتي وصــار فيه حمل أعطيك مثبتات وكل شيء بيكون بخير..
تنهدت براحة:الحمد لله والله كنت خايفة ومتوترة
الحين أقدر آخـــذ قرار سلــيــم
د/سلمى:قــرار؟؟
سكتت رتيل
فــردت ريما:هـــي انخطبت وكانت خايفة من التحاليل والحين لها فوق الأسبوع وباقي ما ردت عليهم..
ابتسمت:ع البركة ي قلبي أن شاء الله تتهني بحياتك
ابتسمت لها:بإذن الله
وقفوا واستأذنوا من سلمى وطلعوا
.
.
أخــيــراً انتهت بطلتي (رتيل) من بعض معاناتها
ولـكــن هل بتضحك لها الدنيا أخيراً !!
وإلا بــاقي تنتظرها مـفـاجـآت؟؟
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
طلع حاتم من عند حامد وهو تاركه مصدوم من ردة فعل رتيل ؛؛المشكلة أنه مــا يدري ليه سوت كذا؟؟ ظـــل يفكر كثير وفي النهاية استقر أنه لازم يعرف منها السبب !!
.
.
وصل حاتم فـلـه ريما بعد ما دخلوا بعشر دقائق
ودعت رتيل ريما بعد ما اتفقوا أنه رتيل تأخذ الــUSB وحدها
طلعوا من عندها للمطار
بـــعـــد شـــهـــر ونـــص مــن الأحــداث

رتيل /أخــيــراً وافقت على عزام وتحدد زواجهم بعد شهرين..مــر شهر وبقى شهر واحد؛؛وهي مبسوطة بحياتها الجديدة اللي تمنتها من زمان؛؛ أخيــراً أخذت الــUSB من ريان وحرقت كل شيء فيه..وارتاحت من كل شيء ممكن أنه يزعجها في المستقبل..مـازالت محتفظة بكل شيء يخص ريــان ومنتظرته يطلع وتعطيه بنفسها كل شيء عندها..طبعاً السبب اللي خلاه يطلع أنه مـا في أحد يعرف غيرها هي وريما أنه السبب بموت حمد..لو أنها أعطتهم الأدلة اللي معاها ما كان راح يطلع أبد..بس هي تنازلت عن كل شيء وسامحته هي وريما..وتتمنى أنها مــا تندم بيوم على قرارها..
أحياناً يرجع لها ألم ظهرها,,وتحاول تكابر قدام الكل..وملكتها هي وريما كانت قبل أسبوع؛؛
وطبعــاً زواجها هي وريما في يوم واحد::كان حلم لهم وصار حقيقة::
؛؛؛؛؛؛؛؛؛؛؛؛؛؛؛؛؛؛؛؛؛؛
ريما /انبسطت لما تحدد زواجها مع رتيل توأم روحها..تحس بسعادة لتوأمها أنها خلاص بتعيش مبسوطة ولنفسها ..جالسة تجهز نفسها لزواجها وتدعي أن ::خــالــد::يعوضها عن كل شيء خسرته..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
ريــان /راح يطلع من السجن ذا الأسبوع..وكان
مــازال مصدوم من تصرف رتيل !! مـا يدري ليه تنازلت؟؟ وفي نفس الوقت ارتاح من هم كان كاتمه بداخله..مخطط يروح عند لُجين ويجهزون
للسفر عشان تتعالج وترجع تمشي مثل أول..
ينتظر خروجه بفارغ الصبر..يبغى يأخذ كل شيء
يخصه من عند رتيل ويرتاح..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
حــاتم /مبسوط لتغير أخته الواضح..يحسها بدأت ترجع نفس أول قبل ما يسافر::بس أحياناً يحسها تعبانه وتكابر..جالس يشغل نفسه بالشركة..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
عـزام / ارتاح يوم وافقت رتيل حس شيء بداخله انبسط..بس طنش إحساسه..لأنه كان خايف أن أمه ما ترجع لأبوه ..بس ارتاح يوم رجعت لهم..وهو ملاحظ تغير أبوه ومعاملته كلها تحسنت مع الكل..
بدأ يخلص ترتيبات جناحه اللي راح يسكنون فيه؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛
خـالد / أكثر واحد كان مبسوط ومتحمس يبغى يبدأ حياة جديدة وينسى كل ذكرى تجرحه وتحزنه..صحيح أسيل لازالت بقلبه لكن يحسها أجمل ذكرياته..وعد نفسه أنه يسعد ريما ويحقق لها كل شيء تتمناه..جناحه أثـاثه وتصميمه كان على ذوقه..فـضـّــل أنه يهتم بكل شيء بنفسه؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛
( فيصل –راكان –جواد – ناصر – سامي – يزن – حسام) كـانوا عايشين حياتهم بــ روتين عادي ويساعدون الشباب بتجهيزاتهم للزواج..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛
(منى –رنا – ندى) مهتمين في البنات ويساعدوهم بكل شيء محتاجينه.. :وفجر:: راح تجي بعد أسبوعين..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
والبــــاقي لا جديد,,
:::::::::::::::::::::