محبوبي لا تسالني وش اللي طرالي وغير طباعي //للكاتبة شموخي عزوتي

37

بسم الله الرحمن الرحيم
part 37
يــمــه ودعــنــي حبيب ؛؛الــقـلــب؛؛
يـــمــه كــان ودي مــن كــثــر شــوقـــي..
؛؛أضــمــه؛؛
الـهــوى يــمــه مــن قــلــبـي تـمــكــن..
اللي خـبـيـتـه يــ "يـمـه" الـحـيـن بــيـن..
.
.
ب جدة
دخلوا الشركة وقابلوا ريما تنتظرهم عند المدخل
توجهوا لغرفة الاجتماعات ودخلوا
كان في3 شركات غيرهم
وحدة منهم الشركة اللي يشتغل فيها
(حــامــد وشـيـخـه)
كـلـها ربــع ســاعــة وابــتــدأ الاجــتـمـاع
.
.
ب الرياض
عــنــد ريــان
كان مسجون بـزنــزانــة لوحده
كان جالس يفكر كيف ينهي الانتقام
(ي الله لي سنين وأنا أدمر فيها وباقي ما انكسرت
أول شيء دخلتها بصفقة مشبوهة وهي ما تدري
وبعدها قتلت حمد اللي كان سندها وعزوتها
وبعدها هددتها وطاردتها بس يوم كانت
عندي ما قدرت اقتلها مع إنها كانت أمنيتي
بس ما قدرت أنفذها..أولاً‘لأنها كانت ذكية
وقدرت تهرب مني بطريقتها,,
وثانياً؛ لأن ‘لـُـجَـيـْـن‘
طلبت إني أعذبها وآخر حلولي القتل
لأنها تبغى تشوفها تتعذب مثل ما عذبتها
لأنها صارت مشلولة بسبب رتيل وريما
والحين هذي آخر وسيلة للانتقام
فـراقــهـم‘‘وأنا متأكد إنه هذا أصعب شيء
عـلـيـهـم,, والأكيد راح تـجـي رتيل هنا
وبـتحاول تغير من قراري
بس أنا لكِ ي رتيل وبشوف وش تقدري تسوي
عشان ترجعي لريما
.
.
نــرجــع لـ جـدة
مــر عـلـى اجـتـمـاعـهـم سـاعــتــيــن
وكان أفضل العروض في المناقصة
هي شركة رتيل وشركة حامد
انتهى اجتماعهم وطلعوا وهم
ينتظروا الخبر اللي ممكن يرفعهم
فــــوق أو يــنـــزلـــهــم تــحــت الـصـفـر
كانوا واقفين يسلمون ع حامد ويآخذوا أخباره
حامد:أيـــوا وأخباركم؟؟
الشباب بردود متفرقة:الحمد لله..تمام..عايشين..الخ
حامد:كيفكم بنات!!
رتيل ببرود خارجي وإلا هي ودها تذبحه:تمام
ريما حست فيها:وأنا بأحسن أحوالي
رتيل شافت شيخه متوجهة لهم
وطالعت بريما اللي استغربت نظراتها
لفت للمكان اللي كانت تطالعه وشافتها
شافت اللي كانت معتبرتها أختها
شافت اللي طعنتها بظهرها
شيخه اللي قدمت لها كل شيء
وجازتها بالطعنة في ظهرها
شيخه اللي كانت السبب بعذاب توأم روحها
رتيل..
شيخه اللي دمرت زواج رتيل
يـــآه ي شيخه باقي لكِ وجه تطالعينا فيه
أبعدت أنظارها عنها بعد ما حست إنها ممكن تبكي
.
.
فيصل لاحظ نظراتهم لشيخه
وحس انه ريما تعرفها أكثر من رتيل
أو بالأصح هي جاية من طرف ريما
عشان كذا إذا تكلموا بموضوعها يبان عليها
الألم..و رتيل تقول لها أنتِ مالك ذنب باللي صار
.
.
وقفت عندهم:السلام عليكم
الكل:وعليكم السلام
شيخة:رتيل وريما ممكن أخذ من وقتكم دقايق !!
رتيل شدت على أسنانها وهي تحاول تتحكم بنفسها
ولا تنفجر فيها هي وحامد
قالت ببرود خارجي:وش تـبـغـي مــنــا؟؟
شيخه:ما راح أخذ من وقتكم كثير
ريما بنرفزه:ومن متى إحنا بيننا كلام؟
شيخه بترجي:بس ثواني تكفون
تنهدت رتيل:اوكي خلينا نشوف وش النهاية معك
ريما طالعتها لثواني وسكتت‘وش تفكرين فيه يارتيل‘
أبعدوا شوي عن الشباب اللي مستغربين الوضع
ووقفوا بمكان يشوفوهم منه الشباب بس ما يسمعوهم
رتيل بحدة:يلا احكي وش بقى ما عملتيه؟؟
شيخه بندم:آســفـــة وربي ما كنت بعقلي
ما أدري كيف قدرت أطعن ريما وأجرحك
يا رتيل..بس والله الغيرة أعمتني
كنت أشوف ريما تهتم فيك وتخاف عليك
وأنا اللي صديقتها من الطفولة ما كانت
تعطيني نص اهتمامها فيك
وكنتِ أنتِ مبسوطة بحياتك عندك الجمال
والمال والزوج اللي يحبك بجنـــون
وقتها قلت لازم أدمرك يارتيل..
عشان أقدر أقرب من ريما ونرجع نفس زمــان
بس للأسف حتى بعد ما أبعدتك عن زوجك
ما قدرت أرجِّع ريما لي,,
قـاطعتها رتيل: لا تكذبين أنتي ما تبِين ريما
تعيش مبسوطة,,إذا هي صديقتك من جد
ليه حاولتِ تدمري بيتها مع زوجها
ليه كنتِ ترسلي لحمد الله يرحمه أشياء
عن ريما من خيالك,,أنتي لو كنتِ صديقة من
جد,,كان خفتي على ريما
شيخه:وربي ندمــــانــه وأدري إني غلطت بحقكم
بــــس والله العظيم أنـــا تغيرت
والله كل اللي أبغـــاه إنكم تسامحوني
ربي انتقم لكم مني وفقدت زوجي وطفلي بحادث
تكـــفـــون سامحوني
رتيل:آســـفــــة يــا شيخه بس أنا مو مــلاك
أقدر أسامح,,إنتي بتصرفك دمرتيني
وخليتي عصام يهينني ويطردني من بيتي
عــارفة وش يعني كان لي بيت
وكان عندي زوج يوقف معي ويحميني
أنا ما ألومه لأنه مستحيل يصدقني
بعد اللي أرسلتيه بس صعب إني أقدر أغفر لك
الذنب اللي اقترفتيه بحقي ,,ممكن إنتي صحيتي
ع نفسك وقلتِ ِلعصام كل شيء بس هذا ما
يغفر لك عندي..وأنا ما أقدر أنسى إنه بسببك
عصام ذلني و أهانني وشكك بتربيتي
صــدقـيـني صــعــب
ولفت عنها
شيخه بكت لفت لريما:ريــمــا لا تقسين علي
ريما كانت ماسكه نفسها لا تبكي:ما اصدق
انك كنتِ السبب بعذابي مع حمد الله يرحمه
ما اصدق إني كنت أعتبرك أقرب الناس لي
وطعنتيني بكل بساطة..ولا اهتميتي
شيخه:ريـــمـــا لا تزيدينها علي
ريما نزلت دمعتها ومسحتها على طول:عشان
الأيام المــاضــيـة اللي كانت بيننا بـسـامـحـكـ
بــس ما عاد أبغى أشوفك نهائيا
وانسي إنه كان عندك أخت اسمها ريــمـــا
بكت بصوت وقربت من ريما وحضنتها
ريما ما منعتها خلتها تطلع كل اللي فيها
شوي وأبعدت عنها
شيخه هدت من البكا لفت لرتيل ومسكت يدها:رتيل
تـكــفــيــن سامـحـيـنـي,,ما أدري إذا بنتقابل
مرة ثانية,,ولا لا؛؛طيب وش تبيني أسويه لك وتسامحيني
رتيل بحدة:ابــعـــدي عن حـيـاتــي,وهذا يكفيني
شيخه:يعني سامحتيني !!
رتيل:ايــوا
شيخه ابعدت عنهم وهي تمسح دموعها
يكفيها إنهم سامحوها وهذي كانت أمنيتها
.
.
جووا عندهم الشباب بعد ما راح حامد
حاتم:خلونا نمشي
رتيل تذكرت الرسالة حق ريما:دقائق بس
وفتحت شنطتها تدور عليها
دق جوال ريما وطلعته من شنطتها
واستغربت طالعت برتيل وردت:يــا هــلا وغــلا
دانه:كيفك يــا بنتي؟؟
ابتسمت:أنا بخــير والحمدلله,,وإنتِ؟؟
دانه:أنا بخير
ريما:وأخبار اللي عندك كلهم؟؟
دانه:كلهم تمام..إنتِ وش مسويه بجدة؟
ريما:لا تهتمي أنا عارفة أدبر أموري
دانه:ريــمــا أبغاكِ تعطيني رقم عمك
استغربت:لـــيــه؟؟ صــايــر شــيء؟؟
دانه:لا يــا قــلـبــي بس محتاجته ضروري
ريما:ابــشــري ثواني وأرسله لك
دانه:طيب ما أطول عليك..المهم إذا فضيتي
ع العصر دقي علي..فيه موضوع بكلمك فيه
ريما:إن شاء الله
وقفلت منها
طلعت الرقم وأرسلته لها قبل لا تنسى
رتيل:وش فيك؟؟
ريما باستغراب:مدري خالتي دانه طلبتني طلب غريب !!
استغربت:وشـــو؟؟
ريما:طلبت أرسلها رقم عمي"ويوم سألتها عن السبب قالت محتاجته ضروري وأدق عليها العصر تبغى تكلمني بموضوع
< طبعا الكل فاهم وش تبغى دانه ما عدا رتيل وريما>