محبوبي لا تسالني وش اللي طرالي وغير طباعي //للكاتبة شموخي عزوتي

11

　 عيونـك فيها حاجه غريبة
مجبور اتأملها ف كل لحظه ..
.
.
.
(ناصر؛يزن؛سامي)
دخلوا محاضرتهم اللي راح تدوم ساعتين ونص..وصمتوا جوالاتهم
.
.
.
في شركة حسام الــ**القابضة
دخل ماجد:الكل منتظركم بقاعة الاجتماعات
عزام:وصل بندر الـَِ والا باقي
ماجد:ايوا وصل
حسام وقف:اوكي مشينا
دخلوا اجتماعهم اللي احتمال يجلسون فيه ساعتين
.
.
.
ومـرت ساعـة ونص والكـل ملتهي بشغله..لكن الاجوآء بدت تزيد غبارها وبدآ ينزل المطر وبغزارة..

في بداية الحصة الثالثة..دخلت الوكيلة:يلا يابنات طابور لغرفتي وكل وحدة تدق على اهلها يجون يآخذونها

بدؤؤا البنات يدقون على آهاليهم
وصل الدور عند رنا ومنى
بدات رنا ودقت على حسام ومايرد
لانهم خلوا جوالاتهم صامتة وخلوها في مكتب حسام
طالعت بمنى:خذي جربي دقي على عزام لان حسام مايرد..دقت ونفس الشيء ما رد..جربت تدق على يزن وبرضوا ما رد
طالعتها:ما رد لا هو ولا يزن
اخذته ودقت على ناصر..ونفسهم ما رد..:خلينا ننتظر فصلنا يخلص ونرجع ندق من جديد..
منى:اوكي..
.
.
.
ام حسام دقت على ام خالد تجي تسولف معاها هي وام عزام
وتجمعوا سوالف وضحك..
.
.
.
بعد نص ساعة المدرسة فضت تقريبا
وقفت مريم:سارة يلا بتجين معاي اخوي برا
سارة:طيب البس واجيك
منى:رنو مابقي اللا احنا حتى ريم راحت قبلهم
رنا:باقي ذولا البنات/اشرت على 5 بنات جالسين سوا/
منى:طيب خلينا ندق من جديد
رنا:طيب يلا قومي
دخلوا عند الوكيلة ودقوا على الشباب ما في احد منهم رد ولما طلعوا شافوا كل البنات طلعوا سوا منى:طالعي البنات شكلهم في باص
وكذا مابقى الا احنا
رجعوا الادارة يدقون بشكل مستمر
.
.
.
في بريطانيا
وقفت يلا انا بدخل المكتبة بنظم اموري وانتم عندكم محاضرات!
حاتم:انا اذا خلصت محاضراتي راح اجيك المكتبة..
رتيل:اوكي انتظرك باي..

دخلت المكتبة وجلست تدور فيها تكتشف امورها..شافت المخزن والكتب كيف ترتيبها ورجعت جلست على مكتبها..فتحت الكمبيوتر وشافت كيف الواحد يسجل انه اخذ كتاب ومتى اخر موعد يرجعه...إلخ
جاء في بالها تصمم برنامج يساعدها اكثر؛دقت على المدير وقالت له فكرتها وعجبته بشرط لما تخلص توريه إياه مع التطبيق عشان يتاكد
وافقت وقالت له بكره توريه اياه
.
.
.
شركة محمد الـ
بدات تشتغل بعد ماعلمها الاساسيات برواقة وهدوء خلصت ترتيب ملفين من حماسها ونشاطها..وتركتهم شوي وتوري المسؤؤل عليها
.
.
.
In KSA
طلعت المعلمة اللي باقي معاهم وهي لابسة:يلا بوصلكم بطريقي
رنا:بـَِ ـس
أ.هدى:من دون بس يلا بسرعة
راحوا يلبسون عباياتهم وطلعوا معاها
.
.
.
شركة حسام الـ**القابضة
اخيرا إنتهى اجتماعهم وطلعوا سوا مع بندر لمكتب حسام
حسام:وينك يابندر مختفي عنا
بندر:مشغول والله..عارف امور الشركة من جهة وتجهيزات الزواج والملكة من جهة ثانية..الا صحيح يا عزام انا نزلت المهر بحسابك ومامداني ادق عليك واخبرك امس
عزام:ايوا جاتني رساله وسحبته واعطيته فجر تبدا تجهيزاتها..
بعد سوالف دامت نص ساعة
وقف:يلا استاذن حدي مشغول
بس قبل ما اطلع مين اللي منظم لك برنامج السياحة وكذا..في المشروع لآنها صراحة فكرة ماتخطر ع البال
ابتسم:سكرتيري ماجد هو اللي اهتم بذي الامور واقترح الفكرة هذي
ابتسم:ماشاء الله عليك لك مستقبل حلو بإذن الله؛
ابتسم ماجد:تسلم والله يالطيب
بندر صافحهم كلهم:يلا بالإذن وخرج
وقف ماجد:عن إذنكم بروح اكمل شغلي..وطلع
.
.
.
طلعوا من قاعة المحاضرات
ولقيوا مكالمات كثيرة من رقم غريب
وكان الرقم اللي داق على يزن نفسه اللي داق على ناصر
اما سامي فما كان عنده اي مكالمة من احد..
ناصر:تتوقعون يكونون البنات اللي داقين علينا؟
يزن:اتوقع
سامي:دق على حسام؟
ناصر:أوكي
الحين ادق عليه..
.
.
.
في السيارة
أ.هدى:رنا اوصفي طريق بيتكم
رنا:طيب وبدت توصف للسايق..لف من هنا وبعدين امشي لقدام...الخ
وقت مالف السايق كان الطريق ضباب وماتشوف السيارة اللي جاية
اول ماطلعوا من الضباب كان فوجههم سيارة لف السايق بسرعة بس فقد التحكم بالسيارة وضرب بشجرة قدامهم..
.
.
.
شركة حسام الـــ**القابضة
قفل من ناصر وطالعهم:عزام شوف جوالك كم عندك مكالمه من رقم غريب
استغرب وطالع جواله:4مكالمات
حسام:وانا5مكالمات..وكمان الشباب جاتهم مكالمات ومن نفس الرقم وهم يتوقعون انهم البنات اللي داقين
عزام عاد الاتصال على نفس الرقم *بس ما في احد يرد لانه تلفون المدرسة*ما في احد يرد
خالد:وابوي وعمي مسافرين يعني كيف بيرجعون مدري
.
.
.
وقفت سيارة جنبهم ودقوا اللي فيها على الاسعاف..وجوا ونقلوهم للمستشفى