محبوبي لا تسالني وش اللي طرالي وغير طباعي //للكاتبة شموخي عزوتي

13

وصرتّي لي ؟
مثل الانفآس يٌعني
بدَونك مآعيشّ“
.
.
.
صحيت من نومها ونزلت تحت ماشافت احد بالصالة..طلعت تشوف منى
دخلت وشافتهم كلهم عندها حتى ابوها:مسآء الخير
ردوا بهدوء:مسآء النور
فجر:وين منى؟
عزام:منى جوا نآيمة إدخلي شوفيها وبعدين تعالي اقولك وش فيها؟
دخلت وهي ماتدري وش فيه
شافتها نآيمة ووجها في جروح وإيدها فيها شاش خافت؛قربت منها بتردد
باست جبينها ولفت بتطلع شافت عزام واقف عند الباب:وش فيها؟
رد بهدوء:صار عليهم حادث هي ورنا
بس هي كل اللي جآها رضوض
فجر:ورنا؟
بنفس الهدوء:كسر بإيدها ورضة برقبتها..
شهقت:هــئ؛وكيفها الحين
عزام:بخير
.
.
.
صحيت على صوت جوالها
ردت ببحة وصوتها بالقوة ينسمع
من التعب:الـَِ ـو
استغرب الصوت:ايوا
فتحت عيونها بهدوء:نـ عـ م
تأكد ان فيها شيء:وش فيك؟
رنا:وش تبي داق
سعود:جاوبي على سؤالي
رنا:مو مجبورة اجاوبك
سعود:لك مني اتركك اسبوعين لو جاوبتي؟
انصدمت لذي الدرجة يبي يعرف:اقدر اعرف انت ليش يهمك تعرف؟
سعود:تقدري تقولي فضول؛قولي قبل ما اغير رآئي
رنا بهدوء:صار علي حادث
حس بشعور غريب:طيب وش صار لك؟
رنا:كسر بإيدي..ورضة برقبتي
سعود:يعني ماتقدري تحركينها بسرعة..
رنا:ايوا..باقي تبي شيء والا اقفل
سعود:لا مابي شيء؛وقفل
اصلا هو كان بيسافر
وقرر يسمع صوتها قبل مايسآفر..
.
.
.
دخل بيته وماشافها بالصالة طلع لجناحهم شافها توها تبي تتمدد وبتنام:مسآء الخير
ابتسمت:مسآء النور؛ها كيفها رنا
ابتسم:الحمدلله احسن من اول
تركها ودخل يبدل..
طلع وتمدد بجنبها وسحبها لحضنه وبهمس:وش فيك؟
ردت بخمول:مافيني شيء
استغرب:لك فترة مو على بعضك!
ندى:مدري والله؛احس بتعب بجسمي وبس ابغى انام؛
رفعها شوي:متآكدة ماتبين مستشفى
حطت رآسها على صدره:ابغى بس انام..
مسح على شعرها:طيب نامي ي قلبي
جلس يمسح على رآسها إلين نامت
سرح بتفكيره عند اخته..
يحس إنها ماراح تقوله وش اللي فيها
وراح تبدآ تتعذر بالتعب كل مابكت
تنهد:آهـ ربي يعين
طالع بندى يحس فيها شيء
وماتبي تقوله..
.
.
.
في بريطانيا
تنهدت:آهـ..بسببكـ تركت شغلي وحولت للتصميم صحيح احبه..بس مو مثل الإدارة اللي احس فيه بكيآني
لكن ماقدرت اكمل بسبب حامد من جهة وبسبب آخر صفقة دخلت فيها
اللي للحين ماقدرت اتخلص من رجالها..معقولة يطاردوني عشان بس الموقع اللي خسروه..يعني يتوقعون حمد معطيني كلمة السر حق الخزنه اللي فيها الصفقة
والله حآلة..إن شاء الله بسام يقدر يشتـتهم وينسوني..اووف خلاص تعبت من التفكير رآسي بينفجر..
غمضت عيونها وحاولت تنام
.
.
.
كان قاعد يفكر بآخته وسبب إستقرارها هنا..اكيد شيء كبير
{حـآتـَِم:24سنة؛اخو رتيل من الرضاعة؛طويل،عيونه سوداء؛ابيض
يدرس آخر سنة هندسة معمارية؛
طيب،وحنون؛بس عصبي؛ومايحب يشوف رتيل فيها شيء ومايساعدها}
.
.
.
Ksa
في مكان جديد
بمقر العصابة
ريآن:بسام شفت الاماكن اللي قلت لك عليها
بسام بهدوء:ايوا..بس مالهم آي أثر
ريان بعصبية يكلم رجاله:ويــن إختفوا ابغى اعرف..انا كنت متأكد إن رتيل مو سهلة..اكيد دامها تشتغل مع حمد بتكون مثله..وريما زوجته يعني نسخة منه..انا ابيهم سامعين ويكونوا عآيشين..انا اللي بقتلهم بيدي..سمعتوا..
خافوا من عصبيته ورجعوا يدورون بكل شيء يعرفونه عنهم..
ريآن بهدوء:شفتوا كشوفات المطار
بسام هذا اللي خاف منه..
رد بهدوء مصطنع:لا ماشفناها..
ريان:وليه ماشفتوها؟!
حسن(من العصابة):لانها إذا سافرت ماراح نعرف متى؟وراح يآخذ وقت
ريان:ما يهمني الوقت°اهم شيء تطلعوهم..
حسن:لا تهتم الحين بنروح نشوف الكشوفات من يوم مات حمد إلين اليوم!
بسام:طيب كذا ماراح نخلص لاننا مو عارفين وين امكن يكونوا سافروا $
&&
ريان بتفكير:اممم شوفوا اول شيء بريطانيا لانه حسب معلوماتي عند رتيل اخو هناك يدرس..فإمكن تكون عنده..
حسن:طيب تبينا ندور مكان ثاني غير بريطانيا؟
ريان:بالوقت الحالي خلو اهتمامكم ببربطانيا وشوفوا الكشوفات من يوم مات حمد إلين يومنا هذا..
بسام بهدوء:بس ممكن مايخلونا نشوف كشوفات الرحلات
ريان:اذا ما جووا بالطيب هددوهم بالسلاح"وبتحذير":بس لاتقتلوا احد&
حسن:اوكي..الحين آخذ3من رجالي ونروح المطار
بسام وقف:وانا بجي معكم
ريآن:لا إنت خلك معاي ابيك تساعدني بكذا شيء..
انقهر بس ماوضح:اوكي
جلس وهو يفكر كيف يقولها ذا الخبر
.
.
.
بعد مكالمته قفلت آخلاقها قامت نزلت عند اهلها..شافت في الصالة ناصر
دخلت بإبتسامه:صباح الخير
طالعها بإبتسامه:صباح النور..كيفك الحين؟
رنا:تمام..
جلست جنبه:وين الشعب؟
ضربها على رآسها بخفة:امي بالمطبخ
والوالد عند عمي حمد
رنا:اها..وحسومي ماجا
طالعها بنص عين:لا باقي ماجا اليوم..
ليه انا ما اكفيك
ابتسمت وهي ترجع رآسها لورى وترد بهدوء:اكيد تكفي ياقلبي
استغرب:وش فيك؟
ردت:رقبتني توجعني شوي
ناصر:إنتي حاولي ماتجهدينها كثير
رنا:اوكي
.
.
.
صحي على صوتها بالحمام
*كانت تستفرغ*
طلعت تمشي بصعوبة تحس جسمها مهدود ومافيها تكمل مشي
وقف يساعدها وجلسها على السرير
تكلم بخوف:ندى وش تحسين فيه؟
ردت بتعب:مدري بس حسيت معدتي توجعني وقلبت علي..
حسام:طيب الحين تحسين بشيء؟
ندى:احس جسمي مكسر
حسام:قومي إلبسي عباتك بنروح المستشفى
ردت بهمس:ماله داعي
حسام:ندى لاتعانديني يلا قومي
ندى:حسام تكفى مو الحين..احس جسمي مايشيلني..مو قادرة اوقف
حسام:عادي اشيلك انا
ندى:خلاص وعد بكرة لا حسيت بتعب نروح المستشفى
رد بقلق:ندى إنتي مخبية عني شيء؟
إبتسمت:تطمن مافي شيء تقلق بسببه..كله مجرد إرهاق
ابتسم لها:اوكي ريحي الحين شوي&
في بريطانيا
طلعت مع ريما للشباب
وجلسوا مع بعض في مطعم
راكان:ليه ماقلتي لحاتم يجي؟
رتيل:دقيت عليه..وشوي ويوصل
دق جوالها..شافت اسم بسام على الشاشة وماتدري ليه..خافت ترد
شجعت نفسها وردت:الـو
بسام بهمس:رتيل صدقيني حاولت اضيعهم بس هذا ريآن داهية..طلع مسوي بحث عنك وعارف إنه عندك اخو ببريطانيا..
خافت ووققت بصدمة:نـَِـعـم
كمل كلامه:اسمعي ارسل رجاله للمطار يشوفوا كشوفات الرحلات من يوم مات حمد الين اليوم..
رتيل بتوتر:وإنت ليه مارحت معاهم؟
بسام:رفض إني اروح معاهم؛
جلست وردت بهدوء عكس اللي داخلها:تتوقع كم يوم هـ يجلسوا يدوروا بالكشوفات..إحنا ماطلعنا الا بعد موته بـ 4اشهر و10 ايام
بسام:صدقيني بحدود اسبوعين او 3 بالكثير..
رتيل ببرود:اوكي..انا بإنتظارهم
بسام بعصبية مكبوتة:إنتي من جدك مفروض تطلعي من هنا بأقرب فرصة
رتيل:مو رتيل اللي تهرب من مواجهة
انت تدري سبب طلوعي من البداية..ولازلت مستعدة اسفرها وابعدها بس انا ما راح ابعد خطوة وحدة
بسام تنهد:اوكي اذا عرفوا مكانك خبرتك..سلام
قفلت وهي هآدية..بس تحس دقات قلبها بطيئة وماتسمعها..وجسمها بدآ يعرق من الكتمة..
كانوا يطالعونها بصمت..حتى حاتم جآء بنص الموضوع وحس انه فيه شيء..لانه ملامحها كانت تتغير كل شوي..ويوم قفلت ماتحمل السكوت مثل الباقي..
سآلها بهدوء:رتيل وش فيك؟
طالعته بضياع تحس نفسها بمتاهة
لازم تطلع ريما من هنا..
ردت بهمس:ولاشيء..ووقفت
ريما كانت خايفة عليها ومتاكدة ان الاتصال له علاقة بهروبهم وقفت معاها على طول:وين رايحة؟
بنفس الهمس:الحمام
مشت معاها ريما لانها متاكدة إنها مكتومة..وتحاول تبعد عن الكل
طالعوا الشباب بعض..
متآكدين انه فيه شيء وكبير كمان
.
.
.
KSA
صحيت الصباح وهي مبسوطة
باقي يومين وتجي الاجازة
ويسافرون

إنتهى البارت&