محبوبي لا تسالني وش اللي طرالي وغير طباعي //للكاتبة شموخي عزوتي

29

(29)
تدري ي صاحبي وش اللي يتعب القلب
بعدك وهجرانك وقطع أوصالك
ايييييه كنت احبك ي اللي سكنت القلب
صدقني نسيتك والبعد ريحني
مافي امل اني بيوم ارجيييك
انت كنت وهم وانتهى وقته وولى
ايييييه اعترف انك كنت تهلوس بروحي
لكن بعدك ريحني وسهل حياتي
.
.
صباح يوم جديد
وصلت طيارتهم للرياض
(حاتم وجواد وراكان وفيصل ورتيل وريما)
كان كل واحد فرحته غير عن الثاني
احساس حلو انك بأرضك وبين اهلك
شعورهم كان الفرحة بكل ماتعنيه الكلمة؛؛
طبعا مافي احد يعرف برجوعهم
وكمان مافي احد يعرف انه رتيل
اشترت فلة قريبة من بيت خالها حمد
دخلوا السيارة اللي تنتظرهم
وحركوا لبيت ابو حسام لان الكل مجتمع هناك..
.
.
بيت ابو حسام
كانوا جالسين بالصالة والبنات متحجبات
منى:رنو تتوقعي رتيل اذا جات هنا
بتسكن هنا عندكم مع خالتي؟؟
رنا:مستحيل رتيل اعرفها ماراح
ترضى
ممكن تجلس بالكثير يومين عندنا؛؛
منى:الله يعين وربي هي عنيدة
وماتسوي الا اللي براسها
عزام:حسام راكان ماقال متى بيجون؟
حسام:يقول قريب راح يجوون
سمعوا صوت الجرس يدق واستغربوا مين راح يجيهم
دخل برجته المعتادة وهم وراه:السسلام عليكم ياهلا بالوجيه السمحة
ي هلا بالمهلين..ي هلا بآهلي كلهم
ضحكوا ع رجته:هههههههههههههه
عزام بإبتسامه:إنت متى بتعقل؟
تقدم منه وحضنه:انا كذا دآيم وللابد
راح عند امه اللي وقفت له بصعوبة
ضمها لصدره وهو حاس انه فيها
شيء:كيفك يالغالية!
تكلمت بهدوء:بخير بشوفتك ي الغالي
جواد راح سلم على اهله..وراكان نفس الشيء..
رتيل قربت من امها وحضنتها:آه يمه وحشتيني يالغالية
دانة:ي قلبي وانتي وحشتيني كثير
قربت منها ريما وحضنتها:كيفك خالتي
دانة بحب:بخير يالغالية
بعدت عنها وقرب منها حاتم:كيفك يمه
دانة بحب:بخير ي قلبي..
::وبـعـد السـلام والاحـضـان::
جلسوا كلهم مع بعض..

.
ناصر:ليه ماقلتوا لنا انكم بتجون؟
يزن:كنا استقبلناكم بالمطار
سامي:ونهبل فيكم من المطار
راكان بإبتسامة:حبينا تكون مفآجاءة لكم..
جواد:وماحبينا نتعبكم معانا
فيصل بهدوء:يمه
طالعته وردت بحنان:عيون امك
ابتسم بصعوبة:وش فيك يالغالية؟؟
ميس بهدوء:تعبانة شوي لاتشيل هم
سكت وقال بنفسه افهم منهم في البيت احسن:سلامتك يالغالية
حاتم:يمى انا بكرة بسافر جدة؟؟
تكلمت رتيل:ليييه؟
حاتم:ناسية ان امي هناك لوحدها
ابتسمت بهدوء:ما كنت بقول بس دامك بتروح بقول..
استغرب:وش تقولين؟
ردت بنفس ابتسامتها:امي راح تجي
بكرة وبتجلس اسبوع؛؛
إنت بتروح هناك عند مين؟؟
طالعها بصدمة:من جدك!
رتيل:ايــوا
حاتم:مسـتحيل!إنتي عارفة انها
ترفض تطلع من جدة::كيف اقنعتيها؟
ابتسمت:انا رتيل مو اي احد
حاتم:والله إنتي ينخاف منك..
دق جوالها واستغربوا
حاتم:مسرع اشتغلت اتصالاتك
ابتسمت وردت:الو
.:انسة رتيل البيت جاهز من كل شيء
رتيل:حلو خلاص بكرة نتفاهم ع الحساب
.:اوكي..يلا سلام
قفلت بهدوء وطالعت بريما:ريما
ريما:هلا
رتيل:إنتي بتجلسي هنا والا بترجعي جدة؟
ريما بهدوء:ما ادري لسى مافكرت
سكتت رتيل وهي مو متخيلة انها
بتكون بمكان وريما بمكان هي وحاتم
دق جوالها مرة ثانية
فيصل:يآههوو ي المشغولة مقدر انا
ابتسمت:اقول اهجد هذي الشركة
رنا ابي مكان اكلم فيه؟
وقفت:تعالي غرفتي
رتيل:طيب يلا ريما
طلعوا فوق غرفة رنا
رتيل ردت:هلا سعد
سعد:طال عمرك احنا محتاجينكم بالشركة
رتيل بهدوء:وش صاير؟
سعد:صاير تسيب بالشركة!!
الموظفين يقولون مافي مدير حولنا
مافي احد مسؤؤل نرجع له
رتيل:إن شاء الله بكرة وإحنا عندك
سعد:طال عمرك لازم الآنسة ريما تكون معاك
رتيل:اوكي إحنا بكرة عندك بإذن الله
قفلت من سعد..وكلمت امها شوق بجدة تأجل رحلتها كمان يومين..
ريما:رتيل وش صاير بالشركة؟؟