محبوبي لا تسالني وش اللي طرالي وغير طباعي //للكاتبة شموخي عزوتي

12

صوتك ،
ليّ وحدي
استوعبُ أنانيتي
أنا حياتي كلہا في صوتك ♡"
.
.
.
في بريطانيا
إنتهت من شغلها
اللي اخذ منها ساعة كاملة..
ابعدت نظارتها
ورجعت ظهرها لورى تريح جسمها
وغمضت عيونها~
وبهمس:تعبت لي زمان عن البرامج
حوالي5شهور..
فتحت عيونها ولبست النظارة
رفعت الشنطة وطلعت العدسات
والمرآية حقتها..رفعت راسها لانها حست بظل جنبها..
شافتهم كلهم واقفين
انفجعت:بسم الله وش جآيبكم عندي
طالعوها حلو شكلها بالنظارة
حاتم:انتهى الدوام من نص ساعة
وجينا عندك..
رتيل طالعت ساعتها:ايوا صح لي ساعة اشتغل على البرنامج
راكان:وخلصتيه!!
رتيل:اكيد
جواد:ماشاء الله عليك
فيصل بمزح:ورينا إياه بنقيم شغلك
ابتسمت:دقايق البس عدساتي واوريكم البرنامج
كلها5 دقايق وإنتهت
رتيل:يلا قربوا
شغلت البرنامج وخلتهم يشوفونه
{دخلت اسمها باول صفحة وضغطت على التالي..انفتحت صفحة مكتوب فيها الكتب..اختارت كتاب وضغطت التالي طلع لها خيارين..استلاف او استرجاع..اختارت استلاف وضغطت التالي فرجع للصفحة والاولى وانكتب جنب اسمها استلاف وبعدها تضغط زر حفظ}
طالعتهم:ها وش رآيكم؟
راكان:صراحة حلو يعني زي الشبكة
فيصل:ماشاء الله عليك
جواد:ابدعتي
صار وجهها احمر..
ماتحب احد يمدحها:يسلمو
حاتم:خلاص لاتزيدونها
شوفوا شكلها كيف صار؟
طالعوها كلهم وضحكوا:ههههههههههههههههههههه
وقفت:يلا خلونا نمشي تاخرت على ريما!!
طلعوا وركبت سيارتها ومعاها حاتم
والشباب ركبوا مع راكان
.
.
.
Ksa
دخلوا المستشفى ودقوا على خالد ودلهم على مكانهم وجووا عنده
ناصر:وينهم؟
خالد:كلهم هنا؟وبينهم ستارة
دخلوا بسرعة
ناصر:حسام وينك؟
طلع حسام:تعال هنا
دخلوا عند رنا
ويزن دخل عند عزام
.
.
.
دخل البيت وماشاف احد بالصالة
طلع لغرفته بتعب فتح الباب ووقف مصدوم..وبهمس:السلام عليكم
كانت تقرآ قرآن وتبكي
رفعت رآسها بهدوء ومسحت دموعها
وببحة:وعليكم السلام
وقفت بتروح الحمام..مرت من عنده ومسك إيدها وبنفس الهمس:وش فيك
ماردت عليه
لفها تقابله ورفع رآسها:قولي
ام عزام بهمس:تعبت ماعاد فيني حيل
ابو عزام ضمها لصدره:سامحيني..ادري إني السبب باللي إنتي فيه
بس والله إني احبك..ومااقدر على فرقاك..لاتعذبيني ببعدك عني..
انفجرت تبكي على صدره
مشاها معاه وجلسوا على السرير وشدد عليها بحضنه يهديها
بس هي خلاص تعبت..
بكت عذابها وآلمها بسببه
بكت خوفا من اهلها لو دروا بضربه
بكت بسبب حيرتها
يحبها ويعذبها ويإلمها ويجرحها
بكت إلين تعبت ونامت على صدره
حس بثقلها رفعها شافها نآيمة
مددها على السرير وغطاها..
.
.
.
بدات تسمع اصوات ما هي غريبة عنها..بس تحس بتعب بجسمها وراسها يدور..فتحت عيونها ببطء شافت اخوانها جنبها..بس ما انتبهوا لها لانهم جالسين يتكلمون مع بعض
حاولت تتكلم بس تحس بتعب..ضربت بخفيف على كرسيها..
حسوا بحركة على السرير وإلتفتوا
شافوها تطالعهم بهدوء وتعب
حسام جلس على يمينها؛باس جبينها وابتسم:الحمدلله ع السلامة ياقلبي
ابتسمت على خفيف وما ردت
جلس ناصر على يسارها؛باس إيدها وجبينها؛وبإبتسامته الهادية:الحمدلله ع السلامة ياروحي..
ابتسمت له وكمان ما ردت
تكلمت بثقل وتعب:مـ..مـ ـويـ ـا
حسام اخذ مويا من جنبه وبدآ يشربها وناصر طلع ينادي الدكتور
.
.
.
فتحت عيونها على خفيف وشافت عزام على يمينها ويزن على يسارها
همست ببحة:عزام
طالعوها على طول
ابتسم وباس جبينها:عيونه..الحمدلله ع السلامة..
ابتسمت بتعب وهمست:الله يسلمك
يزن باس جبينها:الحمدلله ع السلامة
منى:الله يسلمك..طالعت عزام:رنا والباقي صار فيهم شيء
عزام:كلهم بخير وجاتهم بس رضوض
ماعدا رنا انكسرت إيدها وعندها
رضة برقبتها..
منى بتعب:وينها؟ابغى اشوفها؟
عزام:جنبك هنا
دخل الدكتور عليهم؛عند منى
في الاول:إزيك(كيفك) يامنى
همست:الحمدلله
د.:بتحسي بآلم برجلك وإيدك
بنفس الهمس:ايوا
د.:ماتخافيش دي كلها مجرد رضوض
وإن شاءالله هنصرف لك مسكنات
تخفف الآلام عليك
منى:إن شاء الله
عزام:متى تقدر تطلع؟
د.:بعد مايخلص المحلول(المغذي) اللي بإيدها هـ اكتب لها خروج
عزام:اوكي
د.:عن إزنكم هـ اشوف المريضة التانية..وطلع
دخل عند رنا:إزيك(كيفك)يارنا
بهمس:الحمدلله
د.:حركي رقبتك على خفيف إذا تقدري
حركتها شوي وتعبت:ما اقدر احركها كثير..
د.:هي الحمدلله مافيهاش اي كسر..كلها مجرد رضوض وهـ اتخف مع المسكنات بآذن الله..إنتي بس ساعدي نفسك وحاولي تحركيها كل شوية وكل يوم على خفيف عشان تخف بسرعة واستعملي المرهم اللي هـَِ اصرفوا لك بإنتظام..
همست بتعب:إن شاء الله
حسام:متى تقدر تطلع؟
د.:هـ يطلعوا سوا اول مايخلص المحلول(المغذي) إن شاء الله
عن إزنكم..
همست:حسام ابغى اشوف منى
حسام:طيب دقايق بس
طلع من عندها ووقف في الممر ونادى عزام:عـزام
طلع له:هلا
حسام:رنا تبي تشوف منى
عزام:حتى منى تبي تشوفها
حسام:خلاص خلينا نخليهم يتغطون ونفتح الستارة ونطلع
عزام:اوكي
دخلوا وسووا اللي قالوا وطلعوا برا مع الشباب للكافتيريا
.
.
.
في بريطانيـا
رجعوا شقتهم بعد مااكلوا مع حاتم والشباب..ووصلوه شقته
جلسوا بالصالة
رتيل:كيف اول يوم بالدوام؟
ردت بتعب:حلو بس متعب..وإنتي
رتيل:يعني ماشي حاله..صممت برنامج يساعدني بتسجيل اسم كل شخص يآخذ كتاب؛
ريما:حلو..على طول بديتي
ردت:ايوا..إذا تركته بيجيني كسل
ريما بتحذير:ماشلتي آشياء ثقيلة صح
ردت بهمس:تطمني ماشلت اي شيء
وقفت:بروح ارتاح شوي
ريما وقفت:وانا كمان بروح اريح
دخلت غرفتها بدلت ملابسها وتمددت على سريرها وهي تذكر السبب اللي خلاها ماتقدر تشيل آشياء ثقيلة
وجآها الربو بسببه
(ذكريات)
رتيل:ماما انا بروح السوق وين السآيق؟
امها:مو موجود؟شوفي ولد عمك هنا خليه يوديك ومتى ماخلصتي دقي وانا اخلي السآيق يجيك
ترددت لان علاقتها سطحية معاه بس كانت تبي السوق ضروري
قالت بهدوء:طيب كلميه وشوفي ايش راح يقول؟
امها دخلت وقالت له وبالعكس ما مانع هو يبي فرصة يكون قريب منها
ركبت معاه بتردد تحاول تخفيه:السلام عليكم؛كيفك حامد
ابتسم إبتسامة ماعرفت معناها:وعليكم السلام؛انا بخير وإنتي
رتيل:بخير
حامد:وين تبين اوديك
رتيل:مدري والله..ودني سوق الــ
حامد:اوكي..
كان مشغل اغاني هآدية..فجاءة وقف بمكان فاضي ولف عليها
هي خافت هذا اللي ماتبيه!
حامد بنظرة غريبة:اقدر اعرف ليه قلتي لاختي انك رافضة اتقدم لك
رتيل بهدوء:الزواج مو بالغصب
وانا ماابيك..افهمها بكيفك
حامد:ليه في احد ببالك
سكتت صعب تقول انا احب بس من طرف واحد..
ردت بنفس الهدوء:لاطبعا
حامد:مو قادر اصدقك
رتيل ببرود:براحتك ياولد العم لاتصدق
تنرفز من اسلوبها:عندك حل من إثنين
ياتوافقي علي..ياتموتي معاي
بنفس البرود:افضل الموت بس لوحدي بلـَِيـيز
عصب بجد مرة مايهما شيء
حرك السيارة بسرعة:حاضر يابنت العم راح تموتي الحين!
طالعته كيف يمشي بسرعة..
صحيح خافت بس وش تقدر تسوي
كان في قدامه شجرة اسرع اكثر ولما قرب منها لف بالسيارة بحيث تجي الضربة من جهتها وفعلا هذا اللي صار..
نزل من السيارة هو جاته رضة خفيفة
مشى شوي مبتعد عن السيارة
يبي يوقف سيارة ويروح للمستشفى
وباقي ما استوعب اللي سواه
ابتعد عنها كثير
اما هي ماكانت تتحرك ابد
وقفت سيارة قريبة منها ونقلتها للمستشفى..اخذوا جوالها ودخلوا على رقم الحالات الطارئة ودقوا عليه
طبعا كان رقم ريما::
.
.
.
Ksa
طالعوا بعض بهدوء
رنا:آسفة انا اللي خليتك تداومين!
منى:لا ياقلبي عادي ماصار شيء؛
كيف رقبتك؟!
رنا:تتعبني إذا حركتها
منى:الله يشفينا..
رنا:آمين
.
.
.
كانوا جالسين مع بعض
خالد:الحين كيف بنقول للآهل
حسام:مدري والله
عزام:اهم شيء انهم بخير
ناصر:يلا خلينا نروح لهم اكيد خلص المغذي الحين
يزن:يلا
قاموا كلهم عند البنات
.
.
.
حسن:كان يطالع فيها وهي نايمة بعد ما بكت ويمسح على رآسها..
تمدد جنبها وغمض عيونه ونام..
.
.
.
في بريطانيا
(ذكريات)
طلع الدكتور وراحت له ريما:كيفها
د.:هي الحين تعدت مرحلة الخطر..
بس بسبب الغبار وبخار السيارة تاذت رئتيها وصار عندها ربو حاد..
وظهرها تآذى من الضربة بس مانقدر نحدد ايش جآه قبل ماتصحى
ريما:اقدر اشوفها
د.:تفضلي بس ماراح تحس فيك
.
.
.
كآنه استوعب اللي سواه برتيل
رجع مع السيارة اللي وقفها بس ما كان فيه احد؛عرف انه فيه احد ساعدها
.
.
.
Ksa
طلعوا من المستشفى للبيت
دخلوا للصالة وكانت امهم جالسة مع ابوهم اللي تووه جآي من السفر
حسام كان ماسك ايدها:السلام عليكم
وقفوا من شكل رنا
ناصر باستهبال:رد السلام واجب
ردوا بهدوء:وعليكم السلام
ابوهم:وش فيها؟
امها قربت منها بهدوء وحضنتها من الجنب:ياقلبي وش صار عليك؟
ناصر:آجلوا الكلام بعدين..
حسام:خلونا نطلعها ترتاح وانا اقول لكم كل شيء؟
ساعدوه يطلعونها غرفتها..
.
.
.
صحيت ودخلت تغسل وجهها
طلعت شافته جالس؛
وببحة:انا بنزل تحت الحين يجون الاولاد..
حسن:انتظريني بنزل معاك
شوي ونزلوا سوا وجلسوا بالصالة
.
.
.
دخلوا وهي مستندة على عزام
ويزن ورآهم معاه كيس الآدوية..
وقفت بخوف:يـمى بنتي
عزام:تطمني مافيها شيء بس رضوض
.
.
.
في بريطانيا
(صحوة من الذكريات)
تنهدت وهي تذكر إنه الدكتور قال فقرة من فقرات العمود الفقري تآذت وانها لازم ماتشيل ثقيل
عشان ماتتعب ويرجع يتآذى عمودها

إنتهى البارت::
توقعاتكم::
بعد ما انكشف سر من اسرار رتيل!