محبوبي لا تسالني وش اللي طرالي وغير طباعي //للكاتبة شموخي عزوتي

33

(33)
ﺩﻧﻴﺎ ﻣﻦ ﺑﻌﺪﻙ ﺣﺸﺎ ﻭﺍﻟﻠﻪ ﻣﺎﺑﻴﻬﺎ..
ﻭﺩﺭﺑﻚ ﻟﻮﻫﻮ ﻇﻼ‌ﻡ ﺍﻟﻠﻴﻞ ﺑﻤﺸﻴﻪ..
ﻣﺎﻓﻲ ﺑﺮﻭﺣﻲ ﺧﻴﺮ ﻟﻮﺗﺒﻴﻊ ﻣﺎﻇﻴﻬﺎ..
ﻭﻣﺎﻓﻲ ﺑﻌﻤﺮﻱ ﻳﻮﻡ ﻟﻮ ﻗﺎﻝ ﺧﻠﻴﻪ..
ﻭﺭﺑﻲ ﻟﺨﻠﺺ ﻋﻠﻰ ﺍﻟﺪﻧﻴﺎ ﻭﺍﻣﺸﻲ ﺑﻤﻌﺎﺯﻳﻬﺎ..
ﺍﻥ ﻛﺎﻥ ﻭﺩﻫﺎ ﺗﻜﺪﺭ ﻗﻠﺒﻚ ﻭﺗﺒﻜﻴـــــــﻪ !!
.
.
ب الشركة
وقف ب إستغراب:وعليكم السلام؛؛غريبة جآيني المكتب
قرب منه وسلم عليه:ما غريب الا
الشيطان؛كنت قريب وقلت امر اسلم
ابتسم:تفضل..تو مانور مكتبي المتواضع بزيارتك ي تركي
ابتسم وجلس:ادري اني منور المكتب
حاتم:وش تشرب؟؟
تركي:قهوة تركية
رفع السماعه:حسان خلهم يجيبوا 2قهوة تركية؛؛وقفل السماعه
.
.
ب المستشفى
نزلت ريما تجيب لها شيء تشربه
ورتيل استغلت غيابها ودقت عليه
بعد كذا رنة رد بهدوء:ألــوو
ردت بهدوء:السلام عليكم؛كيفك بسام
بسام:وعليكم السلام"انا بخير"وانتي؟
رتيل:بخير
وسـكــتـت
استغرب صمتها:وش فيك؟؟
قالت بتردد:بغيتك بخدمة إذا ماعليك امر!!
زاد استغرابه من ترددها:آمري
رتيل بنفس ترددها:ابغى اكلم ريان من جوالك؟
بسام:آسف رتيل ما اقدر
رتيل بترجي:تكفى حاول
تنهد:طيب بحاول بس ما اوعدك بشيء
رتيل:اهم شيء ترد لي خبر اليوم او بكرة..وقفلت
رفعت نظرها شافت ريما تطالعها
بنظرة غريبة..نظرة ألم وعتب
قالت ببرود:متى دخلتي؟
ريما بنفس برودها:دخلت في نص مكالمتك
رتيل:آها
ريما:رتيل وش مخبية عني؟
ردت بهدوء:ولا شيء
ريما:اجل وش فيك
تنهدت:مافيني شيء
ريما انفجرت:رتيل ليه تخبين علي؟
انا ادري انه اللي فيك له علاقة فيني
والا كان ماخبيتي علي..تكلمي
وش اللي مخبيته؟؟وش اللي قاله
لك ريان ويتعلق فيني؟
وش اللي ماسكه عليك ريان؟
رتيل ببرود:ماقال شيء وقفلي الموضوع
عصبت:لاتتكلمي معاي ببرود سامعه يكفي اللي صار لك من تحت راسي اول شيء حامد واللي سواه فيني بس عشان ينتقم منك ويوم صديته وجرحته بكلامي مع انه هو اللي جرحني!

.
كان راح يذبحك
كان راح يخليني أفقدك
كان راح يخليني يتيمة لاني بفقدك..
انا اذا فقدتك معناته فقدت روحي
وبعدها بكل بساطة عرفتك على
شيخة اللي كانت صديقتي من سنين وافترقنا ولما رجعت شفتها من
جديد جمعتكم مع بعض
ايوا اذكر قلتي لي ما ارتحت لها بس وقتها قلت اكيد تتوهمين بس صدمتني ماتوقعت الغربة تغيرها
ليه وش السبب اللي يخليها تدمرك كذا؟
ليه خلتك تتعذبي باللي سواه فيك عصام؟
انا لما اشوفك تتعذبين اتعب لاني السبب باللي انتي فيه!
انا اللي جبتها ودخلتها حياتنا
وبعدها قلت خلاص الدنيا ممكن ضحكت
لي وتزوجت حمد الشخص اللي
عزيته ايوا اعترف ماحبيته بسبب
افعاله معاي..ماكنت اقولك اي شيء
يصير معاي بسببه
لانك معتبرته اخ لك مابغيته يطيح من عينك..انتي عارفة حمد وش كان يسوي فيني؟
إيوا ماكان يضربني
بس ي رتيل فيه كلام اقوى من الضرب
كان متقلب معاي
يوم يجي يسولف ويضحك
ويوم يجي يجرحني ويهيني ويشك فيني..
انا تعبت ي رتيل خلاص ما اقدر اتحمل
اكثر..يكفي اللي جآني للآن
رتيل جلست بتعب:ريما اعيد وازيد
شيخة انتي مالك علاقة باللي سوته
وحامد كان نذل وحقير واخذ جزآته
ولو بيدي قطعت شراييني واغير
كل قطرة دم تجمعني فيه..
اما حمد كنت ادري ي ريما انك مخبية
علي اللي يصير معاك..بس اللي
ماتعرفينه انه حمد كان يقولي انه
فيه وحدة ترسل له اشياء
عنك وانا يوم بحثت اكتشفت انها
شيخة اللي كانت تعبي راس حمد عليك
وتخليه يعاملك اخس معاملة..انا قلت
له وواجهته قبل مايموت بفترة
وادري انه تغيرت معاملته لك..
بس ي ريما الشيء اللي عرفته من
ريان ذبحني وكسرني..
طالعتها:عارفة وش يعني رتيل مكسورة؟؟
انا انتهيت ي ريما..حياتي انتهت
رتيل اللي مايفوتها اصغر خطوة
انخدعت بشيء كبير وممكن يوصلها
للسجن..
ريما باقي ماهدت تحس ببراكين داخلها:وليه ماقلتي لي؟؟
..
ليه ماتبيني اوقف معاك؟
انا متاكدة باقي شيء انتي مخبيته عني
رتيل انفجرت وبعصبية:وش تبيني
اقول؟؟
تبغيني اقولك ان ريان كان مستهدفني من البداية..
تبيني اقولك انه يقول قتل حمد بسببي؟
تبيني اقول انه انتي صرتي ارملة بسببي
تبيني اقول انه الحادث اللي صار لي يدري عنه..
وش تبيني اقول ي ريما
انا تعبت اكثر منك؛
نزلت دموعها:ابغى ارجع رتيل اللي كانت شفافة ودموعها تنزل ببساطة..
كرهت الشخصية اللي صرت عليها
صرت وحدة باردة وغامضة ودمعتها
ماتنزل بسهولة..مليت من نفسي
ليه كل ذا يصير ابغى اعرف؟؟
(حاتم كان واقف عند الباب وسمع كل شيء قالوه هو و راكان؛؛ماعرف وش
الشيء اللي يوصف شعوره)
همس له:تعال معاي شوي
حاتم:مو قادر ابغى ادخل عندها
راكان:تعال إلين ماتهدي اعصابك
وبعدها تعال تكلم معاها
همس:طيب
وراحوا من عند الباب
.
.
ب الغرفه
ريما حست بتعب وألم يضغط على
صدرها؛جلست بهدوء:قصدك انه عنده
شيء ضدك وممكن يدخلك السجن
ردت بصوت مخنوق:الصفقة اللي عنده
عليها توقيعي..
ريما:كيف صار كذا؟
رتيل:الصفقة هذي انا موقعتها قبل
3 سنوات ونص..بعد الحادث على طول
ريما:قصدك الصفقة اللي خلتنا نجي الرياض ونتعرف ع البنات؟
رتيل:ايوا
ريما:وش بتسوين؟؟
رتيل:ما ادري..انتي سمعتي راكان
يقول ما راح اطلع قبل3 ايام
وريان يبي يشوفني بعد يومين
ريما:انا اروح مكانك واكلمه
رتيل بإصرار وحدة:لا مـا راح تـروحـي
ريما باصرار اكبر:راح اروح ي رتيل
وما راح تمنعيني..لانه مصيرنا واحد
وامـلاكـ حمـد كلها بــإسـمـي
يعني كلنا بالهوى سوى
رتيل:هذا قبل3سنوات ونص وإنتي
ماكان فيه شيء بإسمك وقتها
ريما بإستهزاء:ليه حمد ماقالك إنه مدخلني شريكة معاه ويخليني اوقع على كل صفقة يدخلها..
انصدمت:نـعـم؛؛يعني انتي معاي لا مستحيل انا اتحمل كل شيء بس انتي لا مالك علاقة بشيء؛