محبوبي لا تسالني وش اللي طرالي وغير طباعي //للكاتبة شموخي عزوتي

24

(24)
ﻭﺩﻱ أﻧـﺎﻣﻢ
.....ﻭﺃﺻﺤﻰ
ﻭﺃﻟﻘﺎﻧﻲ ﺷﺨﺺ ﻏﻴﻴﻴﺮ
..ﺑﺎﻟﻪ ﺭﺍﻳﻘﻖ
ﻭﺫﻫﻨﻪ ﺻﺎﻓﻲ
ﺭﻭﺣﻪ ﻣﺮﺣﻪ
ﻭﻗﻠﺒﻪ(ﻃﻴﺮ)..
.
.
بريطانيا
رتيل دخلت المطبخ وبدأت
تتفنن بكل اللي تعرفه
اشتاقت لجو الطبخ
تنسى نفسها وتعيش بعالم مختلف
بدات تسوي صواني الحلى وبعد ما
خلصتها دخلتها الثلاجة ي دوب تبرد
بدات تتفنن بصواني الاكل
اول شيء سوته صينية بطاطس
دخلتها بالفرن وبدات تسوي مكرونه
باشميل..وسوت بيتزا....إلخ
وكذا صينية من اللي تتفنن فيها
كانت مبسوطة وهي تعيش
الجو اللي تنسى نفسها فيه
.
.
ريما كانت تزين الطاولة اللي بيآكلوا
عليها..فرشت مفرش بنفسجي
وبدت ترتب الشموع ومزهريات فيها
ورد طبيعي لونه وردي وبنفسجي
وزعت الصحون والشوكات..والمناديل
وأخذت زينة وعلقتها كان مكتوب عليها
(الليلة اسعد ليالينا..شكرا ي اغلى ناسي..وجودكم اسعدني)
بدات تعلق بالونات عليها اسمائهم
(راكان-فيصل-جواد-حاتم-رتيل-ريما)
وبعدها علقت لمبة ضوئها خفيف
اعطى المكان جو خيالي
واخر شيء::اخذت كاميرا وحطتها ع جنب بتشغلها وقت مايتجمعون كلهم..
.
.
Ksa
تفاجاءت بوجود حسام قدامها
ماعرفت تتكلم كانت باقي
تحت تآثير كلامه..
معقولة بتكون السبب بآلم اخوها
كانت بصراع نفسي حست نفسها
ضعيفة وماتقدر ع المواجهة
مو مستعدة تغامر وتقول لآخوها
اي شيء من اللي مضايقها
وبنفس الوقت تعبت وهي تكتم داخلها
وجعها اللي بيدمرها..
فجاءة مرت صورة رتيل بوجهها
لو رتيل بمكاني كان ذبحت وجعها
داخلها ولا طلعته لمخلوق
بلعت غصتها..وتنهدت بهدوء تبعد
الالم من صدرها..رفعت راسها
وطالعته وابتسمت غصب عنها
حسام بقلق:رناي وش فيك ي روحي
رنا بإبتسامة:مافيني شيء تطمن
حسام:ماني بزر تضحكين عليه بكلمتين ويصدقك سألتك وجاوبي وش فيك؟
رنا نزلت عيونها..تكلمت بهمس:صديقة لي اهلها صار عليهم حادث
وكلمتني خايفة وتبكي عليهم..

.
قطع كلامها:رنا لاتضحكين علي
رنا فعلا كان وحدة من صديقاتها
صاير له نفس اللي قالت..
ردت بهدوء وحزن:حسومي انا صادقة
بكلامي..ونزلت دمعتها
حسام حس إن كلامها صحيح بس مو
هذا اللي شاغلها..جلس جنبها
وحضنها::تكلم بهدوء:رنو امكن اللي
قلتيه صحيح بس مو هو اللي شاغل
بالك الحين..انا اعرفك اكثر من
نفسك..واقدر اعرف متى تكذبين
رنا شددت عليه وهي بحضنه وما
ردت عليه بشيء
رفعها عنه..وتكلم:افهم من سكوتك ان كلامي صحيح..
طالعته بضياع ماتبغاه يضغط عليها
اكثر..لانها الاكيد بتعترف بكل شيء
حسام بهمس:وش اللي مخوفك؟
ارتجفت إيدينها..
وتكلمت ببحة وغموض:احم
انا ماادري وش اقول؟
مافي كلمة تعبر عن إحساسي
اتعبني التفكير وشـٌِتـِـتـِني اكثر
حسام ارتاح انها بدات تتكلم
بس كلامها برموز وغموض
رد بإبتسامه:رنو ابتسمي للحياة
وعيشي يومك وإنسي اي شيء
ممكن يتعبك ويآذيك..
رنا بضياع:حتى لو اللي شاغلني
إذا سكت عنه ممكن يآذي اغلى ناسي
دخل الصالة الداخلية لان امه قالت
له يناديهم ..
ويوم شاف اشكالهم حس بشيء
تكلم بهدوء:إحم..وينكم اختفيتوا؟
صحت ع نفسها..وابتسمت بهدوء:هلا
نصور تطمن مافي شيء
بس تعرف اذا جلست مع حسومي
انسى اللي حولي
يلا انا برجع عند البنات
طلعت من عندهم بسرعة
طالع بحسام:وش فيها؟
تنهد:آهٌِـِ ي اخوك مدري وش فيها
ذي البنت فيه شيء شاغلها بس
ماتبي تتكلم؟
ابتسم:تطمن اول ما تعزم انها تتكلم
بتجي عندك وتخبرك بكل شيء..
رد له ابتسامه باهتة:اتمـنـِى
.
.
بريطانيا
رتيل بدت تخلص الاطباق الرئيسية
طلعت الخضار وبدت تسوي سلطة
بكذا شكل..
طالعت ساعتها وانفجعت:الله كل ذا
الوقت مر من دون ما احس فيه
كانت الساعة 8م
دخلت السلطة بالثلاجة وطلعت
من المطبخ
متوجهة لغرفة الطعام
شافت ريما كيف غاطسة بعالمها
ومو حاسة باللي حولها؛
ابتسمت ع شكلها..