محبوبي لا تسالني وش اللي طرالي وغير طباعي //للكاتبة شموخي عزوتي

5

صعب تتحمل يجيك
جرح من اغلى ناسك
.
.
.
(5)
لاحظ واحد منهم كيف إنها ماسكة اعصابها بالقوة..ماهو غبي عشان يفهم بنت..عرف إنها وحدة عصبية وتتنرفز بسرعة..ابتسم وطالع شلته كيف باقي يرمون بالكلام..
انفتح الاصنصير وطلعوا بس قبل ماتمشي لفت لهم..
مسكتها منى لانها عرفت إنها ماراح تسكت عن اللي صار:بليييييز خلينا نمشي ماله داعي المشاكل يلا امشي
همست بصوت هادي بارد في غرور بعد ما تركت ايد منى:انا والعياذ بالله من كلمة انا..وحدة تخاف على سمعة اهلها اولا..ثانيا:كلكم على بعضكم ماتهموني..واللي يقول:حب عيوني ويشوف صورته معكوسة فيها ماطلبت رآيك انا حلوة من دون..ومو انا اللي انزل نفسي للآشكال هذي وبتلفون مني إنتم كلكم بتترحمون على نفسكم..ولايهمني وش يصير فيكم..واخيرا:نصيحة لوجه الله..ترى إذا إنتوا الحين كذا تطاردون من بنت لبنت بيجي يوم وحدة من ذولا البنات تدعي عليكم..وراح يرجع بآحد من اهلكم..ابتسمت بغرور:آخر زمن اوقف مع ناس يعاكسوني..ولفت بتمشي..
الثاني:لحظة..
لفت له:يانعم
ابتسم:اسمي سعود اوكي تذكريه لانك مهما كنتي ماتهميني ومو اي احد ينزل من مستواي ويهيني كذا واسكت عنه
ابتسمت بغرور:جد انتوا حثالة المجتمع ومشت..وبعد اللي صار بإسبوعين صار يرسل رسآيل وهي خافت لان كلها تهديد..
إلين قبل يومين ارسل رسالة تهديد وختمها بإسمه*
نزلت دموعها من الخوف اللي ساكنها
صحت من ذكرياتها على إيد تمسح دموعها رفعت راسها شافت حسام زادت دموعها وارتمت بحضنه..
كان واقف من فترة عند الباب ويطالعها كيف سرحانة بس لما نزلت دموعها قرب منها وحضنها..
فــي بيِت ابَو عــَِزام::
بعد مادخلت غرفتها ردت عليه بهدوء عكس التعب النفسي اللي جواتها:هلا
استغرب وخاف صوتها بآين إنها كانت تبكي:اهلين ياقلبي..وش فيك تبكين
انصدمت:انا متى بكيت؟
ابتسم على صوت صدمتها الواضح:قبل مااكلمك بشوي*
منى بتلعثم لانها ظنت إن عزام قاله:
أ..أنـ ـا مَِـاكنت ابـكـِي
فيصل بهدوء:وتلعثمك وخوفك وش سببه؟
منى ببحة:ماادري..
فيصل:يعني اكلم عزام واسأله وش كنتي تسوين عنده..وليه إنتي متضايقة..
منى بخوف:هآ لا لاتسآله..صدقني ما فيني شيء ابد..
فيصل:منى لاتخليني احجز واجيك مخصوص على اول طيارة..
منى نزلت دموعها وبصوت مخنوق:فيصل تكفى لا تزيد علي انا بس اهدى بقولك كل شيء..وإنت تعرفني مااخبي عنك شيء..
حس بقلبه يتقطع..بس لازم يريحها
وبهمس هآدي:منى إذا بترتاحين ابكي بس لاتقفلين سامعة خليني معك ع الخط..
ابتسمت:فصولي متى تجي وحشتني
ابتسم:ياعمري انا دوم بجنبك
فـي بـَِـريطـانيـَِا
كانوا جالسين في كوفيه
ريما:رتيل الحين السيارة بنآخذها بكرة طيب احنا مانعرف نسوق..
رتيل ابتسمت:مين قال انا اعرف وعندي رخصة سواقة..
انصدمت:من متى؟!
بغموض:من سنة ونص
ريما:وانا ليه ما اعرف
رتيل:ماجات مناسبة اقول لك فيها
ريما:طيب..ماعلينا السيارة وإنتهينا منها..باقي الشقة وين ندور احنا حاليا مانعرف شيء لانا ماقد جينا بريطانيا من قبل..وكمان اغراضنا الخاصةمن ملابس وإكسسوارات..إلخ
رتيل:كل شيء بالهداوة والتآني ينحل..لاتقلقي من شيء
ريما:إن شاء الله نخلص بدري
رتيل شربت من النسكافيه حقها وهي فكرها مشغول صحيح راتبها مع راتب ريما يعيشهم بس لازم يشتغلون بأقرب وقت..
طالعت فيها:رتيل وين وصلتي؟!
رتيل:معاك مارحت مكان..
كانوا الشباب قريب منهم وسمعوهم
فيصل:شباب وش رآيكم نساعدهم الشقة اللي جنبنا فآضية..
جواد:بس إحنا مانعرفهم ذاك الزود راكان بهدوء:بكيفكم بس من لهجتهم هم من السعودية..يعني بنات بلدنا
فيصل وقف:يلا قوموا نروح عندهم وقفوا وراحوا لطاولة البنات..
فيصل:Hi girls
رفعت نظرها بهدوء وطالعتهم..باين انهم سعوديين..ردت بالعربي:اهلين خير اخوي..
فيصل انصدم وقرر يشوف إذا هي قاصدة والا صدفة تكلمت معه عربي:Can Ihelp you
(هل استطيع مساعدتك)
ردت بهدوء وعرفت وش بيوصله:ما اتوقع نحتاج مساعدة..
فيصل عجبته السالفة: why you talking with me Arabic
(ليش تتكلمين معاي عربي)
رتيل:لانك عربي مثلي فماله داعي اتكلم إنجليزي معاك..
انصدم طالع الشباب وشافهم مثله..
رد:طيب ممكن نجلس شوي..
ريما:ايوا تفضلوا
وطالعت برتيل شافت نفس نظرة الغموض بعيونها&جلسوا الشباب
فيصل:كيف عرفتي إننا عربيين
رتيل بهدوء:اولا:مبين عليكم..ولو ماكنتوا عربيين كان مافهمتوا علينا ثانيا:يوم جيت تتكلم معاي مثل ما اختبرتني انا اختبرتك..
انصدم اول مرة احد يغلبه بشيء
جواد:وكيف إختبرتيه؟!
رتيل:هو يتكلم إنجليزي وانا ارد عليه بالعربي..لو كان اجنبي مافهم وش اقول..
فيصل:صحيح كيف مافكرت فيها
ريما:طيب بشنو كنتم بتساعدونا
راكان بهدوء:في شقة جنبنا بالعمارة اللي مستآجرين فيها فآضية إذا تبغون نكلم صاحبها ويآجرها لكم..
رتيل بغموض:يكون حلو..قبل مايروح منا الوقت..ومانقدر نتصرف
الشباب استغربوا كلامها
ريما:وش قصدك؟!
رتيل:ولا شيء..يلا كلموا صاحب الشقة..وخلينا نتفق معاه..
راكان:اوكي..دق عليه وجاهم واتفقوا معاه على كل شيء..
وقف:اوكي..هذا المفتاح..اعطاه رتيل وطلع..
ريما بإبتسامه:كذا حلو..انتهينا من اهم شغليتين الشقة والسيارة
رتيل بهدوء:باقي الاهم من ذول
جواد:وشو؟!
رتيل:الوظيفة!!
فيصل:إنتم وش شهاداتكم
رتيل سكتت..وطالعت ريما..وفهمت
ريما:انا عندي شهادة خبرة في إدارة الاعمال..ورتيل شهادة خبرة في إدارة الاعمال..وشهادة خبرة في تصميم البرامج على الكمبيوتر
جواد:حلوة شهآيدكم..
راكان:في فرع تابع لشركتنا هنا نقدر نشغلكم فيه..
رتيل:انا ماراح اشتغل بشهادة ادارة الاعمال..
فيصل:ليه..
بهدوء:سوري آسباب تخصني*
في بـيـِت ابو حَـســَِام::
حس بثقلها..رفعها وشافها نامت من كثر مابكت..عدلها على السرير وغطاها ولف بيطلع شاف ندى واقفة تطالعه بهدوء..قام وطلع معاها من الغرفة..
حسام:اهلي وين؟!
ابتسمت:دخلوا ينامون وناصر طلع غرفته..وانا جيتكم وشفتك تهدي برنا وماحبيت اقاطعكم وانتظرت إلين هدت ونامت..
ابتسم لها وطلعوا لبيتهم..
في بـيت ابـو عَِــزام::
َدق جواله واستغرب شوي بعدين فهم رد بهدوءه المعتاد:هلا
جآه صوته القلقان:اهلين كيفك
ابتسم:تمام..وإنت والشباب اخباركم
رد:كلنا تمام..عزام
عزام بهدوء:تطمن هي بخير ونايمة
انصدم وبان عليه في صوته:من جد طيب وش فيها بالضبط..
عزام:اسمع"خبره بكل اللي قالته له"
فيصل سكت شوي وبعدين رد:خلاص فهمت يلا اخليك..
عزام:اوكي.انتبهوا على نفسكم
فيصل:إن شاء الله
صبــِاح جـديــَِد
فـي شركـَِة حـسـِام الــ**القابضة كانوا جالسين مع بعض ينتظرون قدوم ماجد الموظف الجديد..
دق جوال خالد وكان ماجد:هلا
ماجد:اهلين انا الحين تحت وبجي مكتبك..
خالد:لا خلهم يجيبونك مكتب حسام
ماجد:اوكي
كلها 10دقايق ودخل عندهم:السلام عليكم
الكل:وعليكم السلام..
حسام:إتفضل..جلسوا كلهم
عزام بهدوء:تكلم عن نفسك ياماجد
ماجد:عمري22سنة..عندي شهادة ثانوي..اشتغلت من قبل فترة سكرتير بشركة ع الكمبيوتر..وكمان اشتغلت حارس امن وسواق..اقدر اتعلم بسرعة امور الشغل..عندي شهادة امتياز بـالــِeَ اخذتها ب3شهور
وبس..وإذا في شيء ثاني بتعرفوه اسألوا وانا اجاوب..
كلهم حسوا إنه متحمس يشتغل عندهم
::حسام:طيب ياماجد إنت عارف وش راح تشتغل هنا!!
ماجد:لا والله ما اعرف
حسام:راح تشتغل مع عزام
ماجد انصدم:أنــا
عزام:ايوا راح تكون سكرتيري الخاص خالد ابتسم على صدمته الواضحة!
حسام:ماجد وش فيك سكت
ماجد استوعب:إحـم لا بس ظنيت إني بشتغل مع خالد..
عزام:راح يساعدك سكرتيري القديم في تعلم امور الشركة..لازم تداوم من بكرة..
ماجد:ان شاء الله..
خالد:عملنا يحتاج سفر..بس إحنا كل مرة يسافر واحد فينا..يعني تقريبا راح تسافر2او3مرات في السنة
حسام:إنت راح تنقل هنا قريب من الشركة..والبيت بآثاثه كامل علينا
إنت عليك بس تآخذ ملابسك وتطلع
خالد:عندك إحد يدرس
ماجد:ايوا اختي 3ثانوي
خالد:خلاص عطني بكرة ملفها وننقلها هنا مع البنات..
ماجد:اوكي
عزام:كذا اتفقنا على كل شيء خلنا نوقع العقد..
ماجد:اوكي..
بعد ماوقعوا العقد..
حسام مد له ورقة:خذ هذي نسخة من العقد تقدر تتطلع عليها بكيفك
ماجد:ان شاء الله..وقف:يلا استآذن
خالد قام معاه:انا بوصلك..وطلعوا
عزام:وش رايك فيه؟!
ابتسم:حسيت فيه طموح عالي..ويبي يسعد اهله..
عزام:راح يساعدنا كثييير..
عند خالد..
ماجد:يآخي اشكر ربي انك صدمتني
إبتسم:اسمع7تكون هنا طيب
ماجد:ولايهمك..سلام
دخل عند الشباب وجلس:ها وش رايكم فيه؟!
حسام:طموح..
عزام:وبيساعدنا كثير
خالد:الحمدلله..
حسام:خالد إهتم بالبيت هو مآثث كامل بس اغراض الثلاجة ناقصة
خالد:إن شاء الله..وقف:يلا انا بروح البيت..
عزام:عسى ماشر..
خالد:ماشر..بس احس بتعب بروح انام
حسام:طيب..ناظر ساعته10:30ص احنا راح نطلع وقت الصلاة نصلي ونطلع البنات..
عزام:غريبة وش الطاري..
حسام:رنا لها كم يوم ماهي على بعضها بس سرحانة او تبكي..وامس كله ما اكلت شيء..بحاول اعرف وش فيها..
عزام كانه استوعب مين اللي تتكلم عنها منى وفهم كل شيء:الله يعين
خالد:انا استأذن باي
الكل:إذنك معاك..
طلع من عندهم متوجه للبيت
في الجامعة..
كانوا جالسين..في قاعة المحاضرة
يسمعون للشرح..
فجأءة.....

إنتهى البارت::
تــوقَِــعــاتَِــكـَِم::
1/إجتماع رتيل وريما مع الشباب هل راح يستمر؟
2/وش رآح يصير بالشباب بالجامعة؟