محبوبي لا تسالني وش اللي طرالي وغير طباعي //للكاتبة شموخي عزوتي

43

بسم الله الرحمن الرحيم

part 43

دائماً هناك نقطة بداية
تكون المنعطف الأساسي لكل شيء
فأنت أيـــاً ما كنت
وأينما كنت الآن
أعلـمـ /ي ,,أنـــه
دائمـاً في طقوس هذه الحياة
تعطى فرصة مرة واثنين وثلاث
ولكن لكل شيء نهاية
فالبداية لابد أن يأتي يوم
وتأتي النهاية لها
وهكذا هي روايتي
إنها تشارف على الانتهاء
فـأنـا الآن قد بدأت اكتب
بداية النهاية
استمتعوا بما تبقى منها
فــقريباً ستنتهي روايتي
التي أسعدني تواجدكم فيها
تحياتي...شموخ

بالليل في الرياض

كـانوا لأول مرة مجتمعين من دون الأهالي الكبار
تجمعوا الشباب في بيت دانه
(رتيل-ريما-رنا-منى-حاتم-فيصل-راكان-جواد)
كــان حاتم هو اللي جامعهم
جلسوا بالصالة
وسولفوا شوي وفجأة سكتوا
قطعت رتيل الصمت اللي ســاد عليهم:
حــاتم وش سبب ذا الاجتماع؟؟
أنـــا متأكدة أنه مو كذا من غير سبب
حاتم قال بهدوء:أنا جمعتكم أنتم بس
لأنه فيه شيء مشترك بيننا..
تكلم فيصل باستغراب:وشو الشيء ذا؟؟
حـاتم:الشيء المشترك بيننا هـو
رتـــيــل وأسرارها !!
قاطعته رتيل:حـاتم أنـا عـارفـة وش تبي توصله
بـــس مـا عندي رد على أي سؤال من تساؤلاتك
رفع حاجبه وطالعها بهدوء:ولــيه ما راح تجاوبي؟
رتيل!! أنا مو قادر أفهمك
وكل ما حاولت أوقف معك أحصلك تدخلي نفسك بمتاهات مالها نهاية
طيب ليه كل ذا؟؟
طالعته بهدوء خارجي وما ردت عليه
تحس لو تكلمت أنها ممكن تنفجر عليه
وتقول أشياء ممكن تندم عليها بعدين !!

كمل كلامه بنرفزة ومتناسي تمامـاً وجود الـكــل:
طبعاً ما راح تردين علي؟؟
بس أبغى أعرف ليه تسوين كل ذا بنفسك؟؟
- أول شيء بتطلعين ريان من السجن
ومتنازلة عن حقك !!
- وبعدها بتدفعين ديون شركة حـامد
؛؛عـارفة يا رتـيـل!!
المشكلة مو في أنك راح تدفعي له!!
لا.. المشكلة هي من وين لك كل هــ المبلغ
اللي راح تدفعينه؟؟
- وأخيراًً سالفة تصفية الحسابات ذي اللي مدري وش تقصدين فيها!!

ارتفع صوته وهو يكمل:إذا كنتي ناسية أذكرك
أنا أكون أخـــوك
اللي مفروض يوقف معك بكل شيء
لكن أنتي مدري وش اللي صاير بعقلك؟؟
الصعب أني أشوفك تدمري نفسك بيدك
وأســكـــت لــكـ...
هـنــــا اسمحي لي مــا أقــــــــدر
رتيل ما قدرت ترد عليه كانت مصدومة من كلامه
كل اللي سوته أنها طالعته بهدوء عكس النيران اللي
داخلها وردت عليه بهدوء خارجي:حـاتم أنا مو قصدي أقلل من شأنك
أنت أخوي وصديقي وما أتحمل يأذيك شيء
فكيف إذا كنت أنا السبب؟؟
حاتم بدا يهدى شوي:طيب ريحـيـني ليه كل ذا؟؟
قالت ببحة حاولت ما توضحها بس كانت واضحة:
ليه مُـصِـر تفتح جروح
أنا أحاول أني ألمّــها وأداويها بأقل الخساير
خليني أقفل أبواب الماضي يكفيني الأشياء اللي خسرتها للآن ..
يكفيني الألــم اللي مـا زال يتضاعف بقلبي
كل يوم أكثر من اليوم اللي قبله..
حاتم: شاركيني همومك وراح أحاول أخفف عنك
لــيه الكل يعرف اللي مخبيته وأنا ما أعرف
تغيرتي كثير يا رتيل!!
ما كنتي كذا قبل ما أسافر أدرس
وش اللي صار لك بغيابي؟؟
ويـن رتيل اللي كانت ما تقدر تخبي عني شيء
صحيح ما كنت أعرف عنك كل شيء
بس مو كــــذا؟
وش اللي صار لك بالأربع سنوات اللي كانت بغيابي؟؟