محبوبي لا تسالني وش اللي طرالي وغير طباعي //للكاتبة شموخي عزوتي

39

صــح صرنا بعيدين عن بعض..
وصــح ما عاد بيننا حكي طويل؛؛
بــــس::
فيه أشياء جميلة بيننا لما اذكــرهــا
ابـتـسـم بــوجـــع..
.
.
صـبـاح يــوم جـديـد
فــي جــدة
ريما راحت البيت اللي يعرفوه للجين
و زي المتوقع ما حصلتها فيه
وسألت وحدة من الجيران وكل اللي قالته لها
إنه بعد تعب بنتهم "لجين" سافروا الدمام
تنهدت ريما:آهــ طيب ياخالة كم لهم بالدمام؟؟
أم محمد:والله يا بنتي حوالي سنتين
ريما:طيب وش فيها بنتهم؟؟
أم محمد:يا بعد عمري يالجين صار عليها حادث قبل 3 سنين وانشلت من بعدها
وصارت نفسيتها بالحضيض لا تطلع من البيت ولا ترضى تشوف احد ؛بس بعد سنة ونص تقدم لها واحد
ولد نااس أجواد ووافقت عليه وسافرت معاه ع الدمام
وأهلها يا قلبي عليهم ما تحملوا فراقها فقام ابوها نقل كل أشغاله للدمام وسافروا عندها
ريما انصدمت معقولة يكون شللها بسبب اللي صار؛؛
بس هذا سبب قوي يخليها تطردنا وتحقد علينا...
استجمعت قواها وسألتها:طيب يا خالة زوجها اسمه
ريــــان وإلا أنـــا غلــطانـــة !!
أم محمد:إيـــه يا بنتي اسمه ريـــان
استوعبت الصدمة وردت بهدوء:شكرا يا خالة ؛؛أتعبتك معي
ابتسمت لها أم محمد ودخلت
طلعت ريما بهدوء خارجي لكن من داخلها تتصارع الأفكار بعقلها
.
.
ب الرياض
كانت رتيل بالشركة وتراجع
بعض الأمور المهمة
اندق باب مكتبها ودخل حاتم
وابتسامته منورة وجهه:صباح الخير
ردت له الابتسامة:صباح النور
أشوفك مبسوط؛؛وش المناسبة؟؟
حاتم:قومي معي بنطلع لبيت أهل حسام
استغربت:خير إن شاء الله صاير شيء
حاتم:لا ما فيه إلا كل خير
رتيل:أجل وش المناسبة اللي تكون في الصباح
حاتم:إنتي شفتي الساعة كم؟؟
طالعت بالساعة اللي معلقة بجدار مكتبها؛؛كانت الساعة10:45ص
رتيل:وبــعــديـن ؛؛قول اللي عندك بلا لف ودوران
حاتم:كل العائلة معزومة ع الغداء
ولازم نكون عندهم قبل11:30
تنهدت:آآهــه طــيــب دقائق بس
خلصت اللي بيدها ووقفت معاه
وطلعوا لبيت خالها
.
.
نـــفـــس الشيء بشركة حسام
طلعوا هو وعزام وخالد وفيصل
وكلموا راكان وجواد عشان يطلعوا كمان
.
.
بيت أبو حسام
كانوا الحريم(أم حسام-أم خالد-أم عزام-دانه)
والشياب(أبو خالد-أبو حسام)
والشباب(ناصر-يزن-سامي)
والبنات(رنا-منى-ندى وولدها عبدالرحمن- مــي- لـمـى)
وكانوا متحجبات
.
.
ب جدة
رجعت البيت بعد المشوار اللي أهلكها
ما كان لها خلق تروح الشركة
قررت تأخذ شوور يهدي أعصابها
وبعده تدق على رتيل

ب الرياض
وصلوا وراء بعض
ودخلوا سوا:السلام عليكم
الكل:وعليكم السلام
سلموا وجلسوا
رتيل جلست جنب رنا ومنى
والشباب جلسوا قريب من ناصر
جلسوا كل ناس يسولفون مع اللي جنبهم
بــعـــد نــص سـاعــة
دق جوال رتيل وكانت ريما المتصلة
وقفت بتطلع بس وقفتها أمها:ويــن؟؟
رتيل:بروح أكلم وأرجع
دانه:اجلسي كلمي هنا ؛؛ما فيها شيء
كانت بترد بس سكتت وجلست
ردت بهدوء:هــــلا
ريما بهدوء ظاهري:كيفك
رتيل:تمام؛؛ وإنتي؟
ريما:الحمد لله...
رتيل:بــشــري!!
تنهدت:آآهـــه اسمعي وش صار
كانت ريما تتكلم وتقول لرتيل اللي صار معاها وهي مصدوومة
قالت بصدمة:مستـحـيل..
ريما:والله هذا اللي صار
رتيل باقي مو قادرة تصدق:لا مو معقولة..يعني كل اللي صار لي من مشاكل وناس تأذت وهي مالها ذنب
يطلع عشان موضوع أنا مالي علاقة فيه من الأساس
لــيـه احنا وين عايشين؟
ما توقعتها منها طيب بتنتقم مني
تجي لي أنا شخصياً ماله داعي
كل اللي سوته للآن..
ما كان له داعي أحد يروح ضحية انتقامها مني..على شيء أصلاً ماله أساس
ريما:رتيل اهدي مو زين لك الانفعال
الحين بتنكتمين وتتعبين
صرخت رتيل:عادي إمكن لا صار كذا يخف تأنيب الضمير..
أنا مو قادرة أستوعب إني أنا السبب
بموته..وربي إني كل ما أتذكر أتعب
ما أدري ألجئ لمين وأخلي مين
والله تعبت؛؛وإنتي كمان بعيدة عني
خلاص تعبت والله ..
ودي ارتاح من كل شيء
(الكل كان يناظر فيها)
ريما:رتيل اهدي حمد مات وهذا قضاء وقدر..
كلامك ما راح يرجعه مرة ثانية
فعشان كذا استهدي بالله وادعي له بالرحمة
رتيل تحس بتعب فظيع:أنا بقفل الحين
ريما حست فيها:طمنيني عليك
رتيل:طيب
قفلت وهي تحس بتعب فظيع
جسمها بدا يرتجف ووجها بدا يتغير لونه؛؛وكل ما جات بتتكلم تدمع عيونها
جلست تأخذ شهيق وزفير
تحاول تهدا نفسها من التعب والكتمة اللي بتجيها
رفعت شنطتها وجلست تدور على بخاخها ؛؛
المشكلة إنه قدامها بس ما تشوفه
حاتم تكلم بهدوء:شباب اطلعوا برا عشان تقدر تكشف وجهها
الشباب طلعوا للصالة الثانية
تقدم منهم حاتم والبنات ابعدوا عنها
أخذ الشنطه من يدها وطلع البخاخ حقها..
رفع رأسها وبخ لها من البخاخ مرتين
رتيل حست بشوية راحة من بعد ما أخذت البخاخ..
همست بكل تعب:حـ ـاتـ ـم
رد عليها:نــعــم
رتيل بضعف وانهيار:أنـا السـبـب ؛؛
أختك مجرمة يا حاتم
مـــات بسببي ؛؛ أنا السبب
غبائي دمره؛؛خسرته بسبب غبائي
حاتم ما كان عارف هي عن مين تتكلم
قال بهدوء:اهدي أنتي ما لك علاقة بأي شيء..وكل شيء مقدر ومكتوب
رتيل بانهيار:كيف اهدأ أنا ذبحته
مــات بسببي؛؛النذل قتله عشان ما يتكلم؛؛والحين يقول لي أنتي السبب بموته,,أنا وش سويت بعمري
ليه تحملت ذاك اليوم شيء مالي علاقة فيه..وبالنهاية خسرته وخسرت ريما
يعني الكل تخلى عني
حاتم حس أنها منهارة رفع الطرحة ع رأسها وقال:خلوا راكان أو جواد يجي يعطيها إبرة مهدئة
طلعت رنا وقالت لراكان
وهو بدوره قالها تطلع تجيب شنطته من غرفته,,
طلعت رنا بسرعة وجابت الشنطة حقته
دخل بكل هدوء وقرب منها
حاتم بقلق:راكان رتيل منهارة
قال بهدوء:لا تقلق بعطيها إبرة مهدئة
فتح شنطته وطلع الإبرة ومسك يدها ومسح بالمسحة الطبية مكان الإبرة
وغرزها بكل هدوء..
رتيل كانت تتكلم وتشكي
شوي شوي اختفى صوتها ونــامـــت
.
.
حملها حاتم وطلع سطحها بغرفة رنا
ونزل عندهم تحت
.
.
دانه كانت تبكي:ويل حالي عليك يا بنتي؛؛
قلت لكم بنتي فيه شيء بحياتها
بس ما احد عبرني..
جاء حاتم وجلس ع يمينها وكان على يسارها عزام
حاتم يهديها:اهدي يمه رتيل ما فيها شيء..عليها شوية ضغوطات بس
دانه:لا ما هي ضغوطات!!
بنتي فيها شيء كبير
شيء خلاها تسافر بريطانيا
طالعت برنا اللي دخلت بعد ما تطمنت على رتيل:محد مطمني غيرك يا رنا
ارتبكت رن لأنها ما كانت متوقعة ذا السؤال من عمتها:وأنا وش يعرفني
دانه:محد يعرف رتيل كثرك انتي وريما..طمنيني يا بنتي
رنا تحاول تغير تفكير عمتها:تطمني رتيل قوية وما في احد يقدر يغلبها
تكلم راكان اللي كان متأكد إن رنا
تعرف كل شيء عن رتيل:عمتي الله يهديك يعني وش بتكون تعرفه رنا وإحنا ما نعرفه
حاتم:يمه تطمني هي بخير
دانه وقفت بهدوء:أنا بطلع عندها
طلعت من عندهم والتفت حاتم
للشباب:أنا متأكد إنكم يا راكان وجواد وفيصل وريما وحتى رنا تعرفون وش فيها رتيل..لأنه من المستحيل بيجيها انهيار عصبي من غير سبب
.
.
عــدى اليوم كامل من غير شيء يذكر
رتيل صحيت ورفضت تقول شيء
ورجعت لبيتهم وهي كل اللي شاغلها
موضوع لجين..وناسية نهائيا موضوع خطبتها..