محبوبي لا تسالني وش اللي طرالي وغير طباعي //للكاتبة شموخي عزوتي

4

اخــي
إســم اعجز عن وصف معانيه
اسـَِم ايقاعه بقلبي مؤثر
.
.
.
مـر الوقـت وطلع حسام يجيب ندى وناصر يشتري عشاء..ورنا رفضت تآكل شيء..
َدخل حسام وندى وسلموا وجلسوا سوالف..
ندى قريبة من رنا ومايخبون عن بعض شيء مع إن بينهم فرق سن كبير..
لاحظت على رنا سرحانها ولمعة الحزن والخوف بعيونها..سكتت تبيهم يجلسون لوحدهم وبعدين تتكلم معاها
دخل ناصر بالعشاء وبدوا الخدم يجهزون السفرة..شوي ونادوهم..الكل قام ماعدا رنا اللي سمعت نغمة رسايل من جوالها وجلست تبي تشوف مين..
حسام:رنا وش فيك يلا العشاء؟
رنا:جآية بس اشوف الرساله والحقك
حسام:اوكي ننتظرك
هزت راسها بالموافقة واخذت جوالها وهو طلع..فتحت الرسايل وكانت منه
.
.
.
{*ﺍﻻ‌ ﻫﺎﻟﻤﺮﻩ ﺗﺮﻯ ﻏﻠﻄﺎﻥ
ﻃﻌﻨﺖ ﺍﻟﻘﻠﺐ ﻭﺧﻠﻴﺘه
ﻳﻌﺎﻧﻲ ﻧﺰﻑ ﻭﺍﻟﻢ ﺣﺮﻣﺎﻥ
ﻭﺫﻭﻗﺘﻪ ﺍﻟﻌﺬﺍﺏ ﺍﻟﻮﺍﻥ
ﺣﺴﺎﻓﺔ ﻓﻮﻕ ﻛﻞ ﻫﺬﺍ ﺗﺠﻴﻨﻲ وتتفلسف
وش ناوي عليه يﺍﻟﻮﻟــﻬﺎﻥ
ﻭﺑﻜﻞ ﺑﺴﺎﻃﺔ ﺗﻘﻮﻝ ﺍبعد عني وإتركني
ﺗﺮاك ببعدي بتعيش طول عمرك
( نـــَِدمــَِــانـَِ )

"صدقيني بتندمين ..وممكن يجي الندم متآخر..ومتآخر كثيييير بعد..
ولا فات الفوت ماينفع الصوت"*}
وش اوصف واخلي بحالة رنا في ذاك الوقت..انصدمت..خافت..توترت
بس كآنها استوعبت انه الكل ينتظرها قامت بهدوء عكس البركان الثآير اللي جواتها..ودخلت عندهم بعد ما رسمت ابتسامة تخفي فيها وجعها..سوري على التآخير
حسام:اهم شيء إنك جيتي
جلست بجنبه من اليمين وعلى يسارها ناصر..بدآت تآكل بهدوء وهي منسدة نفسها بس مجبورة عشان ماتنكشف..ماتدري ان تصرفاتها ولو حاولت تخبي مكشوفة عند إثنين..(حسام وندى)
اللي كانوا ملاحظين عليها وساكتين لان الوقت مايسمح..
ماقدرت تآكل كثير بالقوة تحاملت على نفسها واكلت نص صحنها..
ووقفت وبهدوء:الحمدلله..
امها:بس إنتي ما اكلتي شيء..
وعلى فطورك كمان
ابتسمت:عادي ماما"اصلا احس اني اكلت كثير"
ناصر:ليه ناوية تسوي حمية..
مي:بالعكس حلو جسمها كذا..
رنا نحيفة وحلو جسمها يعني وزنها42
ابتسمت على خوفهم وحرصهم وإهتمامهم فيها
بس فيه صوت ماسمعته اليوم
وياكثر ماهي محتاجته الحين؛
آخيرا سمعت صوته بس مو بالشيء اللي توقعت تسمعه منه
تكلم بهدوء عكس اللي جواته:إتركوها براحتها..وبعدين انتم تعرفون رنو ما تحب تآكل كثير!
"صحيح كلامه كان عادي للكل بس هي عرفت إنه يوصلها رسالة انها مكشوفة..ومعروف إنه نفسيتها عدم"

ردت بهدوء:صح كلام حسومي..يلا انا بطلع اريح شوي راسي مصدع
طلعت قبل ماتسمع ردهم عليها

"كان عارف إن كلامه صدمها بس يبي يحسسها انها مكشوفة وهو متآكد إنها فهمتها..وإلا ماهربت على طول"
.
.
.
كان جالس مع اهله في الصالة
بعد ماتعشوا جلسوا يسولفون
سامي:جواد يسلم عليكم كلكم
الكل:الله يسلمه ويسلمك
امه:متى كلمك؟!
سامي:بعد ماطلعنا من الصلاة لقيت له مكالمة ودقيت عليه وسولفنا شوي
..ابوه:وكيفه وهو اخوانه
سامي:كلهم تمام..سآل عنكم بس قلت له إني مو عندكم..خالد يقول لك جواد بكرة دق عليه يبيك..
خالد:اوكي إن شاء الله بدق عليه
.
.
.
فـي مَِـكـان ثـانــي:
(صـحـوة مـن الـِذكَِـريــَِات )
تنهدت وهي تذكر إنهم جلسوا 4اشهر و10 ايام في الشرقية بعد ماتاكدت من موت حمد وبعدها حجزت لهم وتوجهوا برحلة بدون عودة الى اجمل واعشق مدينة بالنسبة لها..لـبَِـريـِطَـانـَِيــِا..
البلد اللي تعشقه بكل تفاصيله..
طالعت بآرجاء غرفة الفندق اللي جالسة فيها وهي تفكر لهم يوم وليلة من يوم وصلوا بريطانيا امس ريحوا واليوم لازم يطلعون يستكشفون بريطانيا ويدورون شقة تناسبهم..
دخلت عندها ريما:رتيل يلا انا جاهزة خلينا نطلع شوي نغير جوي وندور شقة مناسبة لنا..
ابتسمت واخذت معطفها وطلعوا.. مع بعض يستكشفون بريطانيا..
نــتعـرف عـلـَِى رتيل وريما
(رتيل:23سنة؛؛جميِلَــة..شعرها بني عسلي..طويل..عيونها عسلية..
بس نادرا يشوفون لونها العسلي لانها عندها ضعف نظر..ودايم تلبس عدسات بألوان مختلفة..غـَِامضة..فيها بروود..هدوء..متهورة؛؛تضحي بنفسها عشان اقرب الناس لها؛عندها ربو..إذا إنكتمت تتعب بقوة..جسمها نحيف..وطويلة..درست إداراة اعمال سنتين..وتوظفت سكرتيرة سنة عند زوج ريما وبعدها تركت وظيفتها لاسباب نعرفها مع باقي الاحداث..واشتغلت سنة ونص في شركة مصممة برامج للكمبيوتر وتركته بسبب سفرها لبريطانيا..
مافي احد يقدر يعرف اللي جواتها.. اتزوجت واتطلقت..تحب تعبر عن اللي جواتها بالكتابة)
{ريما:23سنة..شعرها بني مخصل باشقر..طويل..عيونها بنية..بيضآء ملامحها جميلة..بس رتيل اجمل منها..طيوبة وحبوبة..فيها اسلوب برآءة يجذب الواحد لها..درست سنة ونص في الطب وكانت تطمح تصير دكتورة ..بس زوجها تركها تشتغل معه في إدارة الاعمال..عاشت في خوف
وعذاب سنه ونص بسبب زوجها..تنحب بسرعة وهآدية..بس عصبية}
وهم اكثر من صديقات°ومثل الاخوات
.
.
.
نـرجـع لـksa الحبيـَِبة؛؛
.
.
.
كان جالس معاها من نص ساعة وكل ماتتكلم معاه..تتكلم بالالغاز..
عزام بهدوء:منى حبيبتي ما تبغيني اساعدك والا إيش؟
منى ببحة وعلى ووشك تبكي من كثر ماهي خايفة على تؤأمها وزاد الضغط عليها عزام..نزلت دمعتها وقبل ماتمسحها
كانت إيد عزام سابقتها وتكلم بحنان:قولي وريحي نفسك..الكتمان بيتعبك..وبيخنقك؛
ماتحملت صوته الحنون وانهارت تبكي بقوة..رمت نفسها على صدره
حضنها له وهو مصدوم
حس الموضوع كبير واعصابه بدت تتلف من سكوتها جلس حاضنها إلين ماحس إنها هدت رفع راسها وتكلم معاها بهدوء حازم: اسمعيني ماراح تتطلعي من هنا إلين ماتقولي وش فيك؟!
ويلا تكلمي لان اعصابي بدت تتلف..تكلمي وريحيني..
منى ببحة وهي تطالع قدام في الفراغ:وحدة من صديقاتي قريبة مني حييييل فوق ماتتصور يا عزام اكثر من اختي..تمر بلحظات صعبة
في شيء مخوفها ومرعبها..دآيم سرحانة واذا كلمناها تنفجع بسرعة..بعيونها لمعة حزن على كثر ماضحكت وبينت السعادة قدامنا..الا إنه في شيء جواتها يخرب عليها..
دمعت عيونها*مسحتهم*وكملت:صعب لما اشوفها محتاجة كل اللي حولها..تبي من يساعدها بس خايفة تتكلم..طالعته:-عزام وش اسوي عشان ارجعها مثل قبل..تبتسم وتضحك من قلبها وتستانس معانا..
كان يطالع باخته وهي تتكلم وكيف بآين تعلقها بصديقتها وحبها الواضح لها بس كلامها عجزه لاول مرة يحس نفسه عاجز اتجاه احد..ابتسم يريحها ويطمنها:اسمعيني ياقلبي انتي لازم تحسسينها إنك جنبها ومعاها..صدقيني بيجي الوقت اللي تجيك هي وتتكلم معاك..عن اللي جواتها..
طيب هي من زمان على ذا الحال؟!
منى ببحة:لا تغيرت من شهرين
عزام:يعني مع بداية الترم الثاني
منى:ايوا..
عزام:مثل ماقلت لك اهدي..وإن شاء الله يرجع كل شيء مثل اول واحسن
منى:إن شاء الله..دق جوالها وتغيرت ملامح وجهها للصدمة مرة لا كيف بترد الحين وصوتها رآيح..
استغرب تغير ملامحها:وش فيك
طالعته ورجعت تطالع جوالها..مدت الجوال له:خذ رد على مااغسل وجههي واشرب مويا شوي يرجع صوتي..
زاد استغرابه:ليه مين داق؟
منى ببحة:هذا فيصل..مدت الجوال ودخلت الحمام..
اخذ الجوال منها وناظر الشاشة كان مكتوب{دنـيـَِـتـي}..رد بصوته الهادي:هلا والله
استغرب:السلام عليكم..اهلين عزام
ابتسم لانه حس فيه مستغرب:وعليكم السلام والرحمة..كيفك
فيصل:تمام والحمدلله وإنت والاهل
عزام:كلنا بخير والحمدلله
بهدوء:عزام وين منى عن جوالها..
بنفس ابتسامته:بالحمام والحين بتجي
حس فيه شيء بالموضوع:آها
شافها دخلت:يلا كلم منى..باي
اخذت جوالها وطلعت لغرفتها
دخلت غرفتها وجلست على سريرها وهي تتذكر اليوم اللي شافته فيه تذكر يومها كانوا في السوق هي ومنى يشترون اللي ناقصهم من اغراض المدرسة..
(ذكريات)
منى:رنا خلاص يكفي اللي اشتريناه اشرت على محل مثل الكوفي صغير يبيعون فيه..خلينا نروح نآكل شيء انا تعبت وماعاد فيني حيل
رنا:اوكي يلا..
دخلوا اشتروا وجلسوا يآكلون
رنا لاحظت نظرات4شباب عليهم بس طنشت كلمت منى:ها خلاص نمشي
منى:ايوا يلا
طلعوا متوجهين للآصنصير وبينزلون المواقف..والشباب ورآهم يمشون
منى انتبهت وخافت همست لرنا:بنت في شباب يلحقونا انا خآيفة
رنا بهدوء:ادري إنهم يلاحقونا بس خلاص إحنا الحين طالعين..وقفوا عند الاصنصير وطلع اللي فيه دخلوا ويوم جووا بيقفلونه دخلوا الشباب معاهم
منى خافت من جد..عكس رنا اللي ما يهمونها ابد ومستحقرتهم بقوة..
(طبعا الشباب اللي لفت نظرهم فيهم عيونهم وحدة بنية*منى*والثانية عسليه*رنا*وواضحة كثير من اللثمة)
الاول:-صراحة عيونكم خيال..
الثاني:-من جد انا حبيت العيون العسلي رهيب منظرها..يآخي تحس صورتك معكوسة فيها
الثالث:-صادق كلامك العسلي جذآب
الرابع:-والبني إبداع وخيآلي بقوة
رنا خلاص وصلت حدها شوي وتنفجر
منى صحيح خايفة منهم بس خايفة من إنفجار رنا كثير..لانها تعرفها مايهمها شيء وبهمس:رنا اهدي بليييز
اخذت جوالها ودقت على سواقها:الو يوسف جهز السيارة5دقايق واحنا عندك..وقفلت*

إنتهى البارت توقعاتكم..
/وإنكشف جزء من الستار
لشخصيات روايتي..

1/سبب ترك رتيل لعملها الاول وسبب هروبها من الثاني..
2/ريما سبب خضوعها لرغبة زوجها بترك حلمها؟
3/حسام وسبب تعامله مع رنا
4/منى وخوفها على صديقتها وهل له مبرر؟ومن هي بإعتقادكم صديقتها
4/قصد المجهول بان رنا راح تندم؟ومين هو؟وشنو صار بالمصعد؟
5/وش ممكن يصادف ريما ورتيل في بريطانيا؟!