انت تنهيده بعد شرح الكلام ولا شعور بداخلي واهيم فيه

1

في احد مناطق الجنوب كما قال لها فنان العرب و صاحب الحنجره الذهبيه محمد عبده « قلت ما منك مناص ولا عليك اليوم باس ، انت من أهل النماص » تمتاز المنطقه ذي بجوها المعتدل وجبالها الخضراء  تتجه بنا لاحد القرى الي يسكن فيها ابو عبد العزيز مع جيرانه وناسه واحبابه

« بيت سعد ، ابو عبد العزيز »
جالس في الجلسه الخارجيه الارضيه ومتكي على احد المخدات  الخاصه بـ الجلسه الارضيه ومتكي على المركى ينتضر زوجته عايشه تجيب له الفطور ، اشغل نفسه بالحمد و الاستغفار وقطع عليه دخول ام عبد العزيز و ترف و الخادمه وراها بأطباق الفطور
ابو عبد العزيز : سلمهم يارب ، هلا بالحامل و المحمول
ام عبد العزيز : وهذا الفطور
وجت ترف مع الخادمه ونزلو الصحون ع السفره ونطق ابو عبد العزيز : ترف روحي صحي ابوك هو بعد راقد ؟
ضحكت ترف : اي باقي نايم تعبان من السفر بس ابشر اصحيه لك
ابو عبد العزيز : لالا كانه بعد راقد فخليه يريّح وتعالي افطري يالله
ضحكت ترف ونطقت : ابشر
جلست ترف هي وجدتها يفطرون مع ابو عبد العزيز وبنص فطورهم التفتو لـ ضيغم الي دخل يسلم
ضيغم : صبحهم الله بالخير
ابو عبد العزيز : صبحهم الله بالنور و السرور تعال افطر
ابتسم ضيغم وهو يجلس : ما شاء الله ما شاء الله وش ذا الزين يا ام عبد العزيز ؟
ضحكت ام عبد العزيز : بالعافيه والله انها من فرحتي فيكم يوم جيتونا ما احتسبت تجي الصيفيه وتنورنا وتوسعون صدورنا
ضحك ضيغم وهو ياكل : اييه وانا قايل الدلع ذا ما يجي كذا
قطع عليهم جوال ترف الي اتصل وردت ترف : ايوا هلا فارس
فارس : وينكم ؟
ضحكت ترف بسخريه : وش الي ويننا قوم قوم صحصح وتعال حنا برا نفطر مع جداني واذا نايف صاحي ناده معك
فارس : تمام
وكملو فطورهم لين جاهم فارس ونايف
نايف : السلام عليكم ياهل الديره
ردو عليه السلام ابو عبد العزيز و ام عبد العزيز  وجلس هو وفارس يفطرون خلصت فطورها ترف وقامت تغسل و راحت  تصحي ابوها لصلاة الجمعه

« بيت تركي ، تحديداً الرياض »
كانو يرتبون شناطهم عشان يقضون اجازتهم الصيفيه في ديرتهم وعند اهلهم وجماعتهم زي كل صيفيه تمر عليهم ركبو شنطهم داخل شنطه السياره و ربطو باقي الاغراض بـ التنده لن ماكفت الشنطه و توجهو لاحد المطاعم المجاوره عشان يتغدون و يمشون
سحر : الحمد لله
تركي : زودي !
سحر ابتسمت : يعطيك العافيه والله شبعت خلاص
تركي ضحك بخفه : بالعافيه
غيم : بابا
تركي : لبيه غيم
غيم : كم بنجلس في الديره ؟
تركي : والله ما ادري بس لين تنتهي الاجازه بإذن الله
غنج : إييوو بابا تبغى نقعد هناك شهرين !!
منيف : ليه شفيها الديره والله شحلاتها تهول العقل
ضحكت غيم من تقليد منيف لـ لهجتهم وكملت : كويس الحمد لله والله مشتاقه لها و لـ جداني هناك
ضحكت سحر : غنج يماما والله بتسناسين هناك وترا تروفه بعد تو امس وصلو
غنج بصدمه : اماانه وصلوو ؟؟
ضحكت سحر بعلو صوتها : ايي ايي وصلو يسوسه اعرفك ترا
صدت غنج تناظر الاكل وهي مبتسمه
خلصو غداهم ومشو متوجهين لـ النماص الحبيبه